ايهما افل بروتون جين 2 ام هيونداي اكسنت 2008 او 2009 وبكام

[marey1984]

انا دلوقتي عايز اشتري سيارة ومعايا من المبلغ 65 الف جنيه ايهما افضل من السيارتين بروتون جين 2 وهيونداي اكسنت 2008 وهل السعر اللي معاي مناسي ويا ريت مميزات وعيوب كل سيارة ولكم جزيل الشكر

[eng.m7md.ali]

هعمل ايه بحتة حديدة صاجها ورق ومفيهاش ولا كماليات ولا اداء ولا abs ولا airbags ؟؟ طبعاً الجين2 احسن بكتير

[shiko85]

نيو اكسنت

[marey1984]

افيدوني ي ناس

متشكر للاعضاء كتير بس يا ريت يا جمتعه عايز اعرف الفروق وكمان المبلغ وبعدين نيو اكسنت ومفيهاش وسائل امان ولا فرامل abs يبقى على اساس ايه حلوة انا اعرف ان متورها حلو لكن بروتون مطورها لوتس رياضي من الطراز الرفيع

[carrier]

انت حضرتك عايز تقارن ايه بايه

الحلو جين2 بالوحش نيو اكسنت

الثبات جين2 بالضياع نيو اكسنت

وسائل الامان جين2 بوسائل اللا وسائل نيو اكسنت

بالصاج مع الانسيابية مع الشياكة الرياضية جين2 بولا حاجة مما سبق نيو اكسنت

تحياتى

[Omar Mahmoud]

جين 2 طبعا
حرام تشتري حاجة منغير وسائل امان

[marey1984]

السعر كم

طب البروتون 2008 سعرها كام في السوق لاني بدخل على المواقع اللي على النت وبلاقي اسعار غريبة جدا ي ريت حد يفيدني بالرينج يبقى كام لكام

[eng.m7md.ali]

سيبك من اسعار النت كلها مبالغ فيها .. اللي عايز يبيع بجد هيكتب سعر يعقل شوية

انا زيك بردو كلمت كذا واحد وكله ضارب لفوق بدون مبالغة وحالات جيدة مش ممتازة متستاهلش الاسعار دي

السعر اللي انت حاطه ده كويس يجيب 2009 مانوال ماشية اقل من 70 الف

[marey1984]

مشكور

متشكر جزيلا ليك والله ريحتني اسعار النت مبالغ فيها جدا جدا وفيه ناس اصحابي نصحوني بالبريليانس frv 2009 بس انا معرفش عنها حاجه ولا مميزات ولا عيوووب ؟؟؟ بس بيقولوا حلوة جدا انا مش عارف كل ما استقر الناس تحيرني وصراحة البروتون عجباني جدا بس انت عارف الناس نصحوني بالسيارة التانيه المذكورة

[J A G U A R]

جين 2 افضل طبعا

[S O P H O S]

الجين افضل
الاكسنت اسهل فقطع الغيار والسوق