استلمت الجين 2 النهارده بس عندى شوية اسئله للاخوه الخبره

[mfhabib]

استلمت الجين 2 النهارده بس عندى شوية اسئله للاخوه الخبره

1- فيه صوت تزييق بيظهر مع المطبات الخفيفه زى ميكون من الباب او المقعد الخلفى
2- صوت تزييق مع الفرامل ... قالولى عشنها جديده وبطبع

3- مصدر الولاعة 12 فولت مشتغلش مع الم بى ثرى .. مداش كهرباء

4- هى العربيه فيها جهاز انزار ؟ عشان انا قفلت وحاولت افتح الباب او ازق العربيه بس مفيش حاجه زمرة

5- ريموت المفتاح مبيشتغلش الا على بعد متر او اقل

وشكرا

[momenhamdy]

اولاً الف مبرووووووووووك عليك العربية و ربنا يديك خيرها و يكفيك شرها
بالنسبة الاسئلة الي حضرتك عايز الاجايو عليها
اولاً : صوت التزيق الي جوه العربية دا صادر عن مسمار موجود في الكنبة الخلفية من جهه اليمين
ثانياً : زي ما حضرتك عارف بدل العربية جديدة لسه التيل بيطبع
ثالثأ : الله اعلم ليه مداش كهربا حضرتك جربه في مصدر ثاني يمكن العيب فيه نفسه ( و لو كدا شوف المصدر مش شغال ليه و يتعمل مع صيانة الالف )
رابعاً : ايوة العربية فيها جهاز انزار ( مش حيشتغل غير لو الباب اتفتح بالمفتاح و حضرتك كنت قافل بالريموت )
خامساً : هو عمتاً المدي للريموت قصير بس لو الموضوع ممل اوي غير البطارية لان معظم الريموتات بتيجي البطارية ضعيفة
و ربنا يوفقك

[mfhabib]

الف شكر يا استاذ مؤمن .... بالنسبه للمسمار دا ادور عليه و اربطه ولا استنى صيانة ال 1000

[MaGiC]

استنى صيانه ال 1000 احسن

والف الف مبررروك

[ahmedsiyam]

الاستاذ مؤمن جابلك الخلاصة
وبالتوفيق ان شاء الله

[momenhamdy]

الف شكر يا استاذ مؤمن .... بالنسبه للمسمار دا ادور عليه و اربطه ولا استنى صيانة ال 1000

لالالالالا حضرتك استني الصيانة الالف احسن و حتلاقي عندهم فكرة عن العيب دا ......... لان انا لما رحت قالي" اه تزيق المسمار بتاع الكنبة "

[zizo610]

ألف مبروك على العربية الجميلة وربنا يكفيك خيره ويديك شرها

العربية بأذن الله جميلة متقلقش

أستاذ مؤمن قلك كل حاجة عنها ربنا يكرمه

أنا عندي مشكلتين منهم موجودين

1-موضوع الكنبه ده عندي ورحت التوكيل وقلولي هنعمله بس برضك لما العربية بتكون فاضيه هتسمعه هوه مرحش عندي بس مش عملي مشكله أوي بس عايزك وأنت في الصيانه تبص عليهم وهمه بيعملوها لو عرفت

2-موضوع الفرامل ده لسه عندي برضك وأنا عامل تقريبا 4000 كم لحد دلوقتي

[m_marmoush]

ألف مبروك على العربية الجميلة وربنا يكفيك خيره ويديك شرها

العربية بأذن الله جميلة متقلقش

أستاذ مؤمن قلك كل حاجة عنها ربنا يكرمه

أنا عندي مشكلتين منهم موجودين

1-موضوع الكنبه ده عندي ورحت التوكيل وقلولي هنعمله بس برضك لما العربية بتكون فاضيه هتسمعه هوه مرحش عندي بس مش عملي مشكله أوي بس عايزك وأنت في الصيانه تبص عليهم وهمه بيعملوها لو عرفت

2-موضوع الفرامل ده لسه عندي برضك وأنا عامل تقريبا 4000 كم لحد دلوقتي

بالنسبه لموضوع التزييق اللى فى الكنبه:
1-أتنى ظهر الكنبه حتلاقى المسمار الجانبى اللى الكنبه مريحه عليه
2-لف حواليه شكارتون كهربا
3-رجع الظهر تانى مكانه كويس

4-جرب و أدعيلى

[Sout_Sout]

السلام عليكم ورحمة الله وبركاته
يا جماعة انا تقريباً والله اعلم عرفت سبب صوت التزييق
انا روحت لواحد بتاع عفشة وركبته معايا واخدت بيها كام مطب بعدها قاللى خلاص رجعنى الورشة
انا قلت انه مش فاهم
لقيته قالى من قبل ما افك العجله التزييق ده ناتج عن ان فى حاجة كده زى جلدة او جلبة "مش سمعته كويس" قالى دى مقلوبه
عايزة تتعدل ويتعمل فيها حاجات مش فاهمها
الكلام ده النهاردة
عملهالى
وبسم الله ما شاء الله بقت تمام
وكمان الباور بتاعها تقيل مووووووووووووووووت
فك حاجة كده وقالى ان مواسير الباور فيها رواسب وفيها هوا
وده يلخبط عمليه ضغط زيت الباور
عملهالى ونعم كتير عن الأول
وكان عايز ياخد 200 جنيه بس انا فاصلت لحد 70 جنيه
ههههههههههههههههههههههههه
يا ريت لو حاد حابب يستفسر اكتر يكلمنى على الميل
Twister_406@hotmail
ويا جماعة حد يقولى اقصى سرعة بتتجاب بالبنزين 92 كام
لأن انا تقريباً كنت داخل على الـ 180 بس هديت
ومحاولتش ادوس اكتر
وعموماً انا مش ههمد إلا لما اشوف 210 على الأقل
ولو حد فاهم يقولى المفروض تتعمل ازاى
وياريت اى استفسار يبقى على الميل
انا فاتح الماسنجر علطول تقريباً