مشكله بعد تنظيف البوابه جين ٢

[karim_hassan]

السلام عليكم
لو سمحتم يا جماعه انا معايا جين ٢ ٢٠٠٧ مانيوال امبارح نظفت البوابه بالاسبراى والراجل حط العربيه عالجهاز علشان يعمل ريسيت للايدل بس من بعدها وعداد ال rpm عالي اول مبتدور بتبقي علي ٢ دلوقت قلت ل ١،٥ و دوسه الدبرياج تطلع الار بي ام ل ٢ وعادي ممكن اديها غيار وامشي بيها من غير مدوس علي الدواسه هو الي نظفهالي قالي امشي بيها يومين هتظبط بس امشي بيها بطريقه معينه يعني لما تبقي بتهدي خليك دايس عالفرامل لحد مالار بي ام ينزل للواحد بعد كدا دوس دبرياج و متدوس دبرياج للاخر
ياريت يا جماعه لو حد عنده معلومه يفيدني بالاخص انا رحت لواحد تاني يظبطها عالكمبيوتر قعد يحاول كتير و قالي يعوض عليك ربنا

[abdoumahros]

ان شاء الله خير

ان شاء الله خير
صديقي حصل معاه زي كده تقريبا وعمل الاتي
اخد العربيه علي طريق السخنه ومشي علي سرعه 90 - 100 حوالي 60 كيلو ولف ورجع تاني
والحمد لله العربيه ظبطت
لكن موضوع انك ماتضغطش علي الدبرياج للاخر اعتقد انه ممكن يتلف اسطوانه الدبرياج
اذا لاقدر الله ماظبطتش معاك روح لعصام وصفا يظبطوهالك وابقا طمنا

[eng.m7md.ali]

كلها كام يوم وهتتظبط لا تقلق .. هتلاقي العربية بردو ساعات بتسقف بعد تنضيف البوابة ده طبيعي وهيروح بردو

[karim_hassan]

شكرا ليكم ولردكم السريع

[carrier]

فى حاجة عندك كده غلط

التنظيف ميعملش كده سيادتك

وديها لمركز خدمة محترم فى الحرفيين وطمنا

[yousefsemsem]

ﻻ ماتقلقش هتظبط لوحدها وهتلاقيك منضفتهاش بقالك كتير وغير البوجيهات كمان هتلاقيها ظبطت

[eng.m7md.ali]

اه فعلا مهم تغيير البوجيهات بعد تنضيف البوابة .. لا يجوز تنضيفها بعد تغيير البوجيهات عشان هتبوظ

[monamize4]

اعملها ايدل ليرن

[carrier]

ايه الاخبار النهارده احنا كلنا متابعين معاك

[Mohamed abdelm]

فيه مركز خدمه كويس فى اسكندريه

[karim_hassan]

انا اسف للتآخير لكني مشفتش الابديت غير دلوقت
هو انا رحت لواحد فصقر قريش ظبطها عالجهاز علطول واتظبطت فعلا واضح ان الي رحتلهم مكانوش عارفين يظبطوها بس معظم الوقت لما بدوس دبرياج ال rpm بيعلق علي ١.٥ او ٢ ومينزلش غير لما اسيب دبرياج

وشكرا لاهتمامكم