طلمبه المياه

[abdoumahros]

السلام عليكم
معايا جين 2 مانيوال 2006
كنت بسمع صوت تكتكه خفيف من ناحيه سير المجموعه وكان بيزيد اوي مع التكييف
روحت لعصام وصفا قالولي طلمبه المياه وعندهم طلمبه ( هاي كوبي ) ب 350 جنيه والاصليه 800 جنيه
تم تركيب طلمبه هاي كوبي وتغيير مياه الردياتير بتكلفه 680 جنيه طبعا مصنعيه غاليه لكن الحمد الله الصوت راح
نسيت اقول ان العربيه عامله 71000 الف كيلو

[monamize4]

هى الميه عندك كانت بتنقص ياباشا ؟

[abdoumahros]

لا مابتنقصش

هى الميه عندك كانت بتنقص ياباشا ؟

الميه ماكانتش بتنقص والعربيه مابتسخنش وكانت ماشيه طبيعي جدا لكن المشكله كانت في صوت التكتكه بس

[tutankhamoun]

بًُص يا باشا
ربنا ما يجيب مشاكل بإذن الله تعالى

ساعات المصنعية الغالية بتكون أتقاء شر الصنايعي الرخيص اللي ممكن يكون تعبان و تركيبه وحش .

ربنا يستر طريقك .

[husseinodeba]

ممكن نعرف اخدت كم وقت عشان يفكوا القديمه ويركبو الجديده ؟
نشوف الناس دى بتحسب ساعه العمل بكام

[abdoumahros]

حوالي

ممكن نعرف اخدت كم وقت عشان يفكوا القديمه ويركبو الجديده ؟
نشوف الناس دى بتحسب ساعه العمل بكام

فك وتطلمبه وتغيير مياه الردياتير اخد حوالي ساعه

[DESIGNER105]

سعر الطلمبه الهاى كوبى دى ميعديش 250 جنيه من شارع دمشق والمصنعية متعديش 100 جنيه فى اى ورشه صيانه ...يعنى نص الى انت دفعته واحسب كمان مية رداتير ب20 جنيه مية خضرا امريكى او سعودى ...وشكرا

[abdoumahros]

كلامك صح

سعر الطلمبه الهاى كوبى دى ميعديش 250 جنيه من شارع دمشق والمصنعية متعديش 100 جنيه فى اى ورشه صيانه ...يعنى نص الى انت دفعته واحسب كمان مية رداتير ب20 جنيه مية خضرا امريكى او سعودى ...وشكرا

كلام حضرتك صح
بس المشكله اننا ماكناش عارفين الصوت منين
الاول الفني قال ان سبب الصوت هو شداد السير وفعلا غيره لكن الصوت فضل موجود فرجع الشداد القديم وقال ان سبب الصوت ممكن يكون من طلمبه الميه وفعلا طلع منها بس انا كنت زهقت وعاوز اخلص لكن لو كان العيب واضح كنت اشتريت الطلمبه من محل مكه او المدينه وغيرتها عند اي ميكانيكي

[aelmohamady]

مبروك ولو ان المصنعية غالية اوى والمهم انك اتخلصت من العيب

Sent from my samsung GT-I9152 using Forum Runner