ترصيص لجين 2 بعد فك الكاوتش ليتم لحامه و تجربة النيتروجين

[tutankhamoun]

السلام عليكم أخواني الكرام أصحاب الجين 2 و أصحاب السيارات الآخرى

اللي حصل كالتالي :

العربية في العجلة الامامية يسار كانت مخرومة خرم صغير بيسرب الهوا على مدار يومين أو 3 و ضغط الكاوتش كان بينقص في اليومين دول .
المهم رحت محل كاوتش محترم في 6 أكتوبر (موزع لبريدجستون عند أرامكس كدا )
العامل كان سوري الجنسية و مؤدب جدا و بيشتغل من غير كلام كتير و من غير رغي . (الله يكون في عونهم )

الراجل فك العجلة كلها علشان يلحمها لحام داخلي (وياريتني كنت خليته يعمله خبور )

فك العجلة و لحم الخرم و كله تمام
قلتله أملالي بقى بقية الكاوتش نيتروجين ...... المهم راح مفضي العجل كله و بعدين ملى الكاوتش كله نيتروجين .

و حاسبت و مشيت
لما طلعت على الطريق السريع ........ أكتشفت أني عندي رجة في الدريكسيون و بتزيد مع السرعة
المهم بتظهر قوي لما أوصل ل 110 (طبعا أنا كنت بزود سرعة علشان أجرب و أشوف الموضوع واصل لغاية فين)

سافرت بها و رجعت ....... و رحت بردجستون نفسه (بجوار مسجد الحصري )

عملت ترصيص و الرجة راحت تماما (أنا جربت لغاية 130 بس ) انا أصلا مش بعلى بالسرعة أعلى من 100 في أغلب الأوقات .

طيب أنا عملت قبل كدا خوابير و عمري ما أحتجت موضوع الترصيص ده
فك الكاوتش من الجنط هو السبب طبعا و ده كلفني زيادة 20 جنيه للفردة ثمن الترصيص في بردجستون .

أنا عملت قبل كدا خوابير و كمان في العجل الأمامي و حاسس أنه مش فرق كبير بينه و بين اللحام الداخلي

النصيحة بقى
لو فكت العجلة و الكاوتش تم تفريغه من الهوا ........ لازم تعمل ترصيص .

==============================

تجربتي مع النيتروجين
الحاجة الوحيدة الفارقة في الموضوع
ثبات الضغط الخاص بالكاوتش .......... و ده ممتاز لأنه بيزود الثبات (لأن الضغط متساوي في الأربع عجلات)
ثانيا بيظبط أستهلاك البنزين

==============================

تقييمي لبردجستون
الموزع اللي عند أرامكس ............. خدمة ممتازة و سريعة .
بردجستون الأصلي اللي عند الحصري .......... خدمة ممتازة و أضطرت أستنى دوري علشان كان فيه عربيتين قبلي .

مع تحياتي للجميع و يارب الخير لمصر و المصريين جميعا .

[Ahmed.Essam]

شكرا على النصيحة القيمة دي فعلا لازم ترصيص في حالة فك الكاوتش
والنتروجين اكيد بيفرق عن الهوا عادي زي ما حضرتك قولت ثبات الضغط اطول فترة ممكنة وكمان بينعم العفشة على المطبات شوية

[Omar Mahmoud]

شكرا علي النصيحة و فعلا النيتروجين لما جربته في عربية اخويا الجين2 مكانش في فرق في نعومة العفشة انما هو ميزته ثبات ضغط العجل ودي حاجة كويسة جدا طبعا
وشكرا علي التقرير

[tutankhamoun]

بالفعل ..... النيتروجين لم يفرق في أي شئ آخر غير ثبات الضغط داخل الكاوتس .
شكرا على التفاعل . :)

[lanos2004]

لا عادى ممكن يفك العجله وتلحم ومترصصش---بس بيعلم مكان للفك والتركيب

[tutankhamoun]

لا عادى ممكن يفك العجله وتلحم ومترصصش---بس بيعلم مكان للفك والتركيب

تقصد يرجع العجلة بالظبط زي ما كانت (مكان المسامير يعني ) ؟

لو كدا يبقى الواد كلفني 20 جنيه أونطة ههههههههه

[lanos2004]

لا ياخد علامه على فرده الكاوتش والجنط ويفك ويركب تانى عليها--مكنتش هتحتاج ترصيص

[tutankhamoun]

لا ياخد علامه على فرده الكاوتش والجنط ويفك ويركب تانى عليها--مكنتش هتحتاج ترصيص

يلا الحمد لله ...... اديني أتعلمت حاجة جديدة

شكرا جزيلا على المعلومة و جزاك الله كل الخير .

[D . a .\ AYMAN]

الف شكر على المشاركة ياباشا

أنا فعلا فكيت وركبت قبل كدة من غير ما احتاج ترصيص بعدها ... بس يركب الكاوتش على الجنط من غير ما يتلف منه ولا كدة ولا كدة

عموما أحسن إنك رصصت تاني لأن برضه وزن اللحام بيفرق في العجلة من غير ما يبان .. ولو إنه مش مستاهل الفرق ده في الفلوس بس صبر نفسك بكدة :)

هو انت عندك لسة مركب الكاوتش بتاعها الجوديير ولا غيرته ... ولو هو عامل معاك إيه في الفرامل؟

عشان عندي ابتدى يزحلق من بعد الـ 25 ألف كيلو جامد ... حتى في الملفات .. عملها معايا مرة .. بصراحة بقيت أعلمه حساب وأنا ماشي لغاية ما أغيره بإذن الله

[tutankhamoun]

الف شكر على المشاركة ياباشا

العفو يا باشا .

أنا فعلا فكيت وركبت قبل كدة من غير ما احتاج ترصيص بعدها ... بس يركب الكاوتش على الجنط من غير ما يتلف منه ولا كدة ولا كدة


عموما أحسن إنك رصصت تاني لأن برضه وزن اللحام بيفرق في العجلة من غير ما يبان .. ولو إنه مش مستاهل الفرق ده في الفلوس بس صبر نفسك بكدة :) :copy of m-s5:

هو انت عندك لسة مركب الكاوتش بتاعها الجوديير ولا غيرته ... ولو هو عامل معاك إيه في الفرامل؟

عشان عندي ابتدى يزحلق من بعد الـ 25 ألف كيلو جامد ... حتى في الملفات .. عملها معايا مرة .. بصراحة بقيت أعلمه حساب وأنا ماشي لغاية ما أغيره بإذن الله

أنا بصراحة مش مبسوط قوي من الكاوتش .. حاسس برضه أنه مش حلو في الفرامل .
لسة للآسف ماشي عليه

هاغيره بإذن الله بحاجة حلوة و قوية في الفرامل ,

نزلت سألت على البردجستون . تورانزا ....... الفردة عاملة 610 جنيه . مش فاكر الموديل طبعا و نسيت أصور النقشة و لكن فيها موديلات تاني أعلى في السعر .

[Omar Mahmoud]

أنا بصراحة مش مبسوط قوي من الكاوتش .. حاسس برضه أنه مش حلو في الفرامل .
لسة للآسف ماشي عليه

هاغيره بإذن الله بحاجة حلوة و قوية في الفرامل ,

نزلت سألت على البردجستون . تورانزا ....... الفردة عاملة 610 جنيه . مش فاكر الموديل طبعا و نسيت أصور النقشة و لكن فيها موديلات تاني أعلى في السعر .

من خمس شهور رحت fit&fix شارع لبنان وراني التورانزا و b250وMY-02 مبدايا هو قاللي التورانزا في منه نوعين نوع كاتم للصوت بنسبة 100في100 و التاني كاتم بنسبة 80في100 و الMY-02.هو قال ان جميع الانواع عنده تراكشن و تمبراتشر A و بعدها اكتشفت ان الMY-02 التراكشن بتاعه طلع B.جبنا كومهو سولس و في الجين 2 هو احسن من الgoodyear اللي نازل مع العربية صحيح الفرق مش رهيب و لكن في فرق برده.وبالتوفيق.

[D . a .\ AYMAN]

أنا بصراحة مش مبسوط قوي من الكاوتش .. حاسس برضه أنه مش حلو في الفرامل .
لسة للآسف ماشي عليه

هاغيره بإذن الله بحاجة حلوة و قوية في الفرامل ,

نزلت سألت على البردجستون . تورانزا ....... الفردة عاملة 610 جنيه . مش فاكر الموديل طبعا و نسيت أصور النقشة و لكن فيها موديلات تاني أعلى في السعر .

أنا بفكر بإذن الله في التورانزا الـ gr-90 ... أعتقد إن سعره كان حوالي 650 الفردة

من خمس شهور رحت fit&fix شارع لبنان وراني التورانزا و b250وmy-02 مبدايا هو قاللي التورانزا في منه نوعين نوع كاتم للصوت بنسبة 100في100 و التاني كاتم بنسبة 80في100 و الmy-02.هو قال ان جميع الانواع عنده تراكشن و تمبراتشر a و بعدها اكتشفت ان الmy-02 التراكشن بتاعه طلع b.جبنا كومهو سولس و في الجين 2 هو احسن من الgoodyear اللي نازل مع العربية صحيح الفرق مش رهيب و لكن في فرق برده.وبالتوفيق.

الـ my-02 المفروض إنه التراكشن بتاعه يكون أعلى من التورانزا ... لأنه أصلا sport ... ده شيء غريب بصراحة

[Omar Mahmoud]

أنا بفكر بإذن الله في التورانزا الـ gr-90 ... أعتقد إن سعره كان حوالي 650 الفردة






الـ my-02 المفروض إنه التراكشن بتاعه يكون أعلى من التورانزا ... لأنه أصلا sport ... ده شيء غريب بصراحة

انا بردة استغربت من الحكاية دي لانه رياضي و بتاع الsales هناك فهمني انه تراكشن A و اكتشفت انهB بالصدفة

[Mohammmed]

شكرا على النصيحة

[S O P H O S]

تسلم علي نقل التجربة
خالص تقديري لمواضيعك ولقلمك الممتاز