إعـــــــلان

Collapse

.

,
See more
See less

اول مره اتخنق من الجين 2

Collapse
X
 
  • Filter
  • الوقت
  • Show
Clear All
new posts

  • #16
    يا باشا أهدى

    بالنسبة للسباق اللي حصل مع اخوك
    أولا ما ينفعش أوتوماتيك تسبق مانوال خصوصا لما تكون الفروق في قوة الموتور بسيطة

    ثانيا .... ادام اخر موتورك 170 ....... يبقى انت عندك حاجة مش مظبوطة لان اخر عربيتك 185 كم / س
    بس خلي بالك الاوتوماتيك مش بيوصل للسرعة القصوى بسهولة زي المانوال
    لان السرعات الخاصة بكل غيار مختلفة عن المانوال

    لو عايز تسبق الاوكتافيا ....... لازم تكون عربية فوق 5000 كم و فيها بنزين كويس و لازم تكون مانوال

    و متحاولش تشد مع عربية مانوال تاني في نفس قوتك
    لانه طبيعي انه هايكسب

    ملحوظة
    أنا شديت مع اوكتافيا قبل كدا و طلعت منه بصعوبة ........... بس طلعت في الاخر

    أكتر عربية عافرت معايا و برضه طلعت هي الهيونداي فيرنا

    و الموضوع ملوش دعوة بماركة العربية انما بقوة الموتور ووزن السيارة و شطارة السائق

    في النهاية موضوع الشد ده خطر جدا و خصوصا على السرعات العالية قوي دي
    حرام و الله يا جماعة ممكن بجد الناس تتعور و بسهولة ممكن تحصل حادثة عند السرعة دي

    الجين 2 أخرها 210 مش 170
    و دي صورة للتوضيح فقط لا غير ..... علشان محدش يحاول يجيب السرعة دي ......... و انا مش بشجع على كدا ......... انا بس بوضح امكانيات العربية مش اكتر و امكانيات الموتور
    علشان بجد السرعة أصلا وحشة جدا بالاضافة إلى ان طرق مصر تعبانة و 100 كم / س حلوة قوي عليها



    لو عايز تسبق أخوك ........ لازم عربية مانوال متلينة صح
    [img2]http://i59.tinypic.com/2vxpukz.jpg[/img2]

    Comment


    • #17
      ممكن سؤال بس انت اكيد عاملة و انا متأكد لأنك انت الى سقط الغيار للتالت !

      انت حاطت دواسات صح ؟

      شيل الدواسات من تحت دواسة البنزين خالص يعنى علشان لما تدوس للأخر يبقى الدواسة فعلا للأخر على الأرض مش على الدواسات لأنى مجرب الموضوع دة عندى و فعلا بيفرق كتيير

      بس نصيحة هوة فعلا ممكن يطلع منك لأن فرق المانيوال دة فرق لا يستهان بية !

      على فكرة انا مرة كنت بالميجان و واحد صاحبى بأوكتافيا ( اوتوماتيك ) و كان قاعد يسخن فية و كان عاوز يشد ( كان فاكر بقى ان الميجان سحبتها ضعيفة و الكلام دة ) قمت واقف و قولتلة يلا و والله العظيم عديت منة بكل سهولة + ان كان معايا 2 اصحابى ( وزن ) و هوة كان لوحدة !

      و اعتقد ان سحب الجين 2 مساوى او اكتر من سحب الميجان ! معتقدش انة اقل !

      الى عاوز اقولهولك انك لازم لما تشد تشد مع عربية ناقل الحركة فيها زى عربيتك علشان لو انت اوتوماتيك و هوة مانيوال 80 - 90 % حيطلع منك !

      انا رأى شوف موضوع الدواسات دة و كمان مرة تانية استنى لغاية ما العربية تفضى البنزين خالص ( اللمبة تنور بعدها بشوية يعنى بس مش كتيير ) و بعدين فول 95 و جرب تانى و ممكن برضة يعدى منك تانى بس معتقدش انك حتلاقى اخر السرعة 170 لأن دة استحالة دية عربيات 1300 سى سى اوتوماتيك بتجيب سرعات اكبر من كدة
      [CENTER]الحمد لله[/CENTER]
      [CENTER] [/CENTER]
      [CENTER][sor2]http://farm3.static.flickr.com/2639/3939929853_4547d6e150.jpg[/sor2][/CENTER]

      Comment


      • #18
        لأ في حاجة غلط .. أنا مرة كنت بشد مع واحد صاحبي معاه جين2 على الصحراوي كنا جايبين سوا 190 .. و عربيتي انا مانيوال و عربيته اوتوماتيك ..
        على فكرة انا بحس الاوتوماتيك فالجين2 جامد .. مش اللي هو يخلي الواحد ميعرفش يشد مع عربية مانيوال ..
        انا برأيي تغير زيت و فلاتر و تشيك على فلتر البنزين و تفول العربية و تطلع تجرب تاني مع اخوك .. لازم هتحس بفرق فالسحب والتوب سبيد ان شاء الله

        Comment


        • #19
          المشاركة الأصلية كتبت بواسطة tutankhamoun مشاهدة المشاركة
          يا باشا أهدى

          بالنسبة للسباق اللي حصل مع اخوك
          أولا ما ينفعش أوتوماتيك تسبق مانوال خصوصا لما تكون الفروق في قوة الموتور بسيطة

          ثانيا .... ادام اخر موتورك 170 ....... يبقى انت عندك حاجة مش مظبوطة لان اخر عربيتك 185 كم / س
          بس خلي بالك الاوتوماتيك مش بيوصل للسرعة القصوى بسهولة زي المانوال
          لان السرعات الخاصة بكل غيار مختلفة عن المانوال

          لو عايز تسبق الاوكتافيا ....... لازم تكون عربية فوق 5000 كم و فيها بنزين كويس و لازم تكون مانوال

          و متحاولش تشد مع عربية مانوال تاني في نفس قوتك
          لانه طبيعي انه هايكسب

          ملحوظة
          أنا شديت مع اوكتافيا قبل كدا و طلعت منه بصعوبة ........... بس طلعت في الاخر

          أكتر عربية عافرت معايا و برضه طلعت هي الهيونداي فيرنا

          و الموضوع ملوش دعوة بماركة العربية انما بقوة الموتور ووزن السيارة و شطارة السائق

          في النهاية موضوع الشد ده خطر جدا و خصوصا على السرعات العالية قوي دي
          حرام و الله يا جماعة ممكن بجد الناس تتعور و بسهولة ممكن تحصل حادثة عند السرعة دي

          الجين 2 أخرها 210 مش 170
          و دي صورة للتوضيح فقط لا غير ..... علشان محدش يحاول يجيب السرعة دي ......... و انا مش بشجع على كدا ......... انا بس بوضح امكانيات العربية مش اكتر و امكانيات الموتور
          علشان بجد السرعة أصلا وحشة جدا بالاضافة إلى ان طرق مصر تعبانة و 100 كم / س حلوة قوي عليها



          لو عايز تسبق أخوك ........ لازم عربية مانوال متلينة صح

          يا استاذ توت انا عامل بعربيتى2400 مانيوال و طلعت من Mazda 3 & lancer 1.6 بكل سهوله و انهرضه انا راجع البيت زعلان من عفريته بتعتى عشان كنت بعمل drag معى Vernna و طلع منى و فرق كمان بس انا قلت اكييييد ده عشان انا متمتش الحد القانونى اللى احنا متفقيين عليه (5000كم) بس هل بعد كده اطلع من ال Vernna؟؟ و يريت لو الاجابه ايوه تقولى عشان اجيب الواد ده تانى و اعفرتو بالجن اللى معايا و سؤال تانى كان فى كلام فى المنتدى ان التوكيل بعد ال5000 بيعمل حاجه فى الموتور يخليه يسحب اكتر ة استهلاك البنزين يكون اقل, ما مدى صحه هذا الكلام ؟؟؟

          Comment


          • #20
            المشاركة الأصلية كتبت بواسطة formoza مشاهدة المشاركة
            يا استاذ توت انا عامل بعربيتى2400 مانيوال و طلعت من Mazda 3 & lancer 1.6 بكل سهوله و انهرضه انا راجع البيت زعلان من عفريته بتعتى عشان كنت بعمل drag معى Vernna و طلع منى و فرق كمان بس انا قلت اكييييد ده عشان انا متمتش الحد القانونى اللى احنا متفقيين عليه (5000كم) بس هل بعد كده اطلع من ال Vernna؟؟ و يريت لو الاجابه ايوه تقولى عشان اجيب الواد ده تانى و اعفرتو بالجن اللى معايا و سؤال تانى كان فى كلام فى المنتدى ان التوكيل بعد ال5000 بيعمل حاجه فى الموتور يخليه يسحب اكتر ة استهلاك البنزين يكون اقل, ما مدى صحه هذا الكلام ؟؟؟

            استاذ فيرموزا اهلا بيك يا باشا
            بُص بالنسبة لموضوع الشد و الجري ....... انا بعتبره شئ خطير جدا لانه بيأثر على تركيزك و انت سايق ده غير انه بيقلل قوة تحكمك في العربية

            بالنسبة للشد مع العربيات
            انا طلعت من اغلب العربيات او بقيت معاهم في نفس المتسوى و محدش عارف يطلع من حد
            لانسر و مازدا و ميجان و اوكتافيا

            و ده لا يدل على شئ لان الشد و الجري بيعتمد على حاجات كتير
            الموتور نفسه و قوته ........ حالة الموتور و الزيت و البنزين ........ وزن السيارة ... مهارة السائق و جرائته
            خصوصا ان كل العربيات دي تقريبا قوتها متساوية

            بالنسبة لموضوع الفيرنا
            الفيرنا فيها موتور قوي و قريب من قوة الجين 2
            بس وزن العربية اقل حوالي 170 كجم لصالح الفيرنا
            و ده بيفرق جامد
            يبقى موتورين جامدين
            بس واحد بيجر حمل اتقل من التاني

            عايز تسبق فيرنا
            يبقى لازم تكونوا انتوا الاثنين فوق سرعة 100 كم / س
            موتور الجين 2 قوته بتبان بعد 80 أو 70 و لما بتطلع عن 100 بتشد جامد قوي
            و ده اللي حصل معايا
            الأول الفيرنا فرق جامد كمان بعد كدا عديت سرعة 100 .......... فرقت عنه ييجي ب كيلومتر بحاله
            على فكرة ........... الجيتز طلعت مني و معرفتش أحصلها
            شوفت بقى فرق الوزن بيعمل ايه مع ثبات قوة الموتور
            هو صحيح انا كنت وراه جامد ....... بس برضه فرق الوزن خلاه يطلع و يكمل و ساعده على الشد و طبعا مع ضياع الثبات و الاتزان بتاع العربية علشان العربية كانت بتنط ادامي مع اي تمويجة و تحس انها هاتطير من على الارض
            و ياريت تحط بنزين 95 لو عايز تقطعه !!!
            و منظف رشاشات كمان و تشوف الزيت
            بس طبعا انا بهزر ........... احترس على حياتك و حياة غيرك و بلاش اللعب بالارواح

            التوكيل ما بيعملش حاجة في العربية في صيانة 5000 و موضوع فتح الكمبيوتر و الكلام ده

            كل اللي بيحصل ان الموتور كل لما يعمل عدد كيلومترات اكبر بيكون تليينه احسن و بيديك اداء احسن طبعا

            و ياريت تحط بنزين تخليقي و بلاش معدني
            بيدي نعومة للمحرك احسن

            و بالنسبة للبنزين و الاستهلاك
            انا شرحت الموضوع ده كتير و اهم حاجة
            منظف رشاشات ( خلي بالك منظف رشاشات و ليس منظف دورة الوقود )
            و طريقة السواقة ....... ( عدم القرص على الموتور )
            و نوعية البنزين

            و جرب و ان شاء الله تعالى الاستهلاك يتحسن كتير

            مع تحياتي
            [img2]http://i59.tinypic.com/2vxpukz.jpg[/img2]

            Comment


            • #21
              المشاركة الأصلية كتبت بواسطة tutankhamoun مشاهدة المشاركة

              و ياريت تحط بنزين تخليقي و بلاش معدني
              بيدي نعومة للمحرك احسن
              تقصد زيت تخليقى؟ أنت بتحط نوع ايه يا توت؟ ، ودة بتاخده معاك فى الصيانة وتطلب إنك تحطه؟.

              منظف رشاشات ( خلي بالك منظف رشاشات و ليس منظف دورة الوقود )
              معلش ياريت تشرح حتة منظف الرشاشات دى تانى بجيب العلبة دى وأحطها ازاى مش فاهم هو سائل ولا ايه بالظبط؟.
              [CENTER][URL="http://www.youtube.com/watch?v=Y7lCM9ElUqQ"]Speeding. No one thinks big of you I[/URL]
              [URL="http://www.youtube.com/watch?v=yt823zEGyMY"]Speeding. No one thinks big of you II[/URL][/CENTER]

              Comment


              • #22
                المشاركة الأصلية كتبت بواسطة IslamGen2 مشاهدة المشاركة
                تقصد زيت تخليقى؟ أنت بتحط نوع ايه يا توت؟ ، ودة بتاخده معاك فى الصيانة وتطلب إنك تحطه؟.

                معلش ياريت تشرح حتة منظف الرشاشات دى تانى بجيب العلبة دى وأحطها ازاى مش فاهم هو سائل ولا ايه بالظبط؟.


                أستاذ اسلام .........اهلا بيك
                طبعا زيت تخليقي ( شكلي كنت مهيس خالص )
                ناس كتير بتشكر في زيت امارات مصر
                و لازم تشتريه قبل ما تروح علشان هما عندهم توتال بس
                و ناس كتير بتشكر في توتال برضه ....... بس انا عايز اجرب بتاع امارات مصر
                أنا استعملت في أول 5000 زيت موبيل 5000
                و بعدين زيت توتال 5000
                و المرة الجاية ان شاء الله .......... زيت تخليقي 10000 و هايكون امارات مصر باذن الله تعالى ......... أو توتال اذا الظروف حكمت

                بالنسبة لمنظف الرشاشات
                هو سائل بيكون في حدود 200 ملم
                و لونه احمر غامق
                تشتري العلبة و تروح البنزينة لما يكون مؤشر البنزين عند الربع كدا أو اقل
                و بعدين تحط العلبة كلها على التانك و هو فاضي ( ربعه مليان )
                و بعدين تمون على طول للأخر
                و تستنى لما يوصل الربع تاني قبل التفويلة اللي بعديها علشان يعمل تأثير
                علشان لو فولت في النص ........ التركيز هايقل

                و ان شاء الله تاخد نتائج جيدة و تكون مرضية ليك
                و التوفيق على الله تعالى
                [img2]http://i59.tinypic.com/2vxpukz.jpg[/img2]

                Comment


                • #23
                  المشاركة الأصلية كتبت بواسطة tutankhamoun مشاهدة المشاركة

                  بالنسبة لمنظف الرشاشات
                  هو سائل بيكون في حدود 200 ملم
                  و لونه احمر غامق
                  تشتري العلبة و تروح البنزينة لما يكون مؤشر البنزين عند الربع كدا أو اقل
                  و بعدين تحط العلبة كلها على التانك و هو فاضي ( ربعه مليان )
                  و بعدين تمون على طول للأخر
                  و تستنى لما يوصل الربع تاني قبل التفويلة اللي بعديها علشان يعمل تأثير
                  علشان لو فولت في النص ........ التركيز هايقل

                  و ان شاء الله تاخد نتائج جيدة و تكون مرضية ليك
                  و التوفيق على الله تعالى
                  آه يعنى أدى العلبة للراجل اللى بيمون وأقوله يفرغها كلها فى التانك وبعدين يفول صح كدة ولا انا فهمتك غلط؟.

                  وياترى هكرر الموضوع دة فى كل مرة يوصل المؤشر فيها للربع؟ ، وتفتكر النتائج هلاحظها على طول؟ ، حاجة كمان ياريت تقولى أنت عندك العداد عامل كام لتر كل 100 كيلو؟.

                  شكرا ً على وقتك.
                  [CENTER][URL="http://www.youtube.com/watch?v=Y7lCM9ElUqQ"]Speeding. No one thinks big of you I[/URL]
                  [URL="http://www.youtube.com/watch?v=yt823zEGyMY"]Speeding. No one thinks big of you II[/URL][/CENTER]

                  Comment


                  • #24
                    المشاركة الأصلية كتبت بواسطة IslamGen2 مشاهدة المشاركة
                    آه يعنى أدى العلبة للراجل اللى بيمون وأقوله يفرغها كلها فى التانك وبعدين يفول صح كدة ولا انا فهمتك غلط؟.

                    وياترى هكرر الموضوع دة فى كل مرة يوصل المؤشر فيها للربع؟ ، وتفتكر النتائج هلاحظها على طول؟ ، حاجة كمان ياريت تقولى أنت عندك العداد عامل كام لتر كل 100 كيلو؟.

                    شكرا ً على وقتك.

                    يُفضل تحط أتنت السائل في العربية بأيدك علشان تضمن ان السائل ميغرقش الصاج و البوية و علشان كله ينزل في التانك كمان
                    لأن فتحة التانك صغيرة شوية ........

                    و النتائج هاتبان إن شاء الله بعد أول تفويلة ....... بس خلي بالك
                    أنت أصلا عربيتك جديدة ...... يعني مش هاتحس بفرق كتير
                    إلا لو كان البنزين اللي بتحطه مش نظيف ......... في الحالة دي هاتحس بفرق طبعا

                    المؤشر عندي من غير حرق بيقول 7 و ساعات 7.6 أو 7.8 و ساعات لما بشد بيوصل ل 9
                    بس علشان تقيسه صح
                    لازم تعمل اعادة ظبط و بعدين تسوق على الأقل لمسافة 10 كم على سرعة واحدة و بكدا هايديك القياس المظبوط
                    فهمتني يا عسل !!!

                    تحياتي
                    [img2]http://i59.tinypic.com/2vxpukz.jpg[/img2]

                    Comment


                    • #25
                      اكيد يا بشمهندس لازم يطلع مش عشان حاجة بس عشان الاوكتافيا اوكتافيا والجين2 جين 2
                      م/ احمـد عـزت

                      Comment


                      • #26
                        طب انا عندى سؤال لو انا ركبت بوجيهات 5 شمعه و سلوك splitfire و فلتر هواء K&N دول هيرفعولى كفائت العربيه احوالى 130 HP السؤال بقى هل الحجات دى تستهلك كم وقود زياده و لو ايوه ,تقريبا هيكون كام فى السواقه الهادئه؟؟

                        Comment


                        • #27
                          المشاركة الأصلية كتبت بواسطة amir مشاهدة المشاركة
                          تعليق بسيط علي اسم الموضوع و الموضوع ذات نفسه
                          تقريبا فولتيير قالها:
                          تكلم اعرف من انت
                          و بس
                          :D:D
                          [COLOR=Magenta][COLOR=Indigo]
                          [/COLOR][/COLOR][SIGPIC][/SIGPIC]

                          Comment


                          • #28
                            انا كنت مستني راي الاستاذ توت وفعلا ماخيبش ظني بس انا لسه هعمل صيانه 5000 تنصحني بايه؟
                            اخد زيت امارات مصر واجيب زيت امارات مصر يعني هو ده الزيت التخليقي
                            وبعدين منظف الرشاشات ده اجيبه منين؟
                            وبالنسبه للماتور بتاعي انا صعب اوي اوصل 170 يعني بالعافيه اوي اوي اوي
                            تاني حاجه عربيتي فيها تسقيفه بسيطه مع دوسه البنزين وصوتها بحس انه عالي ده ليه؟
                            gashe3 سابقا

                            Comment


                            • #29
                              المشاركة الأصلية كتبت بواسطة ahmed21015 مشاهدة المشاركة
                              اكيد يا بشمهندس لازم يطلع مش عشان حاجة بس عشان الاوكتافيا اوكتافيا والجين2 جين 2
                              ليه يا باشمهندس لازم يطلع ؟؟؟؟
                              ماركة العربية ملهاش دعوة
                              الجين انسيابية اكتر من الأوكتافيا
                              الجين موتورها اقوى من موتور الأوكتافيا
                              و انا طلعت منها قبل كدا و مش هي بس و الحمد لله زي ما قلت لم تخذلني ابدا
                              و الوحيدة اللي عافرت معايا هي الفيرنا و كمان الجيتز بتوع هيونداي علشان وزنهم خفيف
                              و موتورهم مش ضعيف

                              موتور الاوكتافيا 102 حصان
                              و موتور الجين 2 يوصل 110 حصان
                              يبقى لازم يطلع ليه ؟؟؟؟؟ !!!!!!!!!!!!

                              الأخ gash عنده مشكلة في عربيته .......... و دي ملهاش دعوة بالجين 2 نهائي كعربية في العموم


                              ناس بتوصل بالجين 2 لسرعة 210 كم / س و دي دليل لوجود مشكلة عند الاخ gash

                              ياريت يا جماعة نقول كلام علمي ........... مش علشان ماركة اقدم من التانية يبقى خلاص الماركة القديمة تطلع و خلاص من غير حسابات علمية
                              و دي صورة للعداد و العربية جايبة 210
                              و معرفش الأوكتافيا أخرها كام ..
                              .


                              طبعا الصورة للتوضيح فقط و انا شخصيا لا انصح بزيادة السرعة عن 110 كم / س و هذا اذا كانت سرعة الطريق تسمح بذلك و اذا كانت لا تسمح .......... بلاش غرز الله يكرمكوا ..... و التزموا بسرعة الطريق مهما كانت حتى تتحين فرصة أفضل ........... بس بلاش غرز

                              المشاركة الأصلية كتبت بواسطة roadmaster مشاهدة المشاركة
                              لأ في حاجة غلط .. أنا مرة كنت بشد مع واحد صاحبي معاه جين2 على الصحراوي كنا جايبين سوا 190 .. و عربيتي انا مانيوال و عربيته اوتوماتيك ..
                              على فكرة انا بحس الاوتوماتيك فالجين2 جامد .. مش اللي هو يخلي الواحد ميعرفش يشد مع عربية مانيوال ..
                              انا برأيي تغير زيت و فلاتر و تشيك على فلتر البنزين و تفول العربية و تطلع تجرب تاني مع اخوك .. لازم هتحس بفرق فالسحب والتوب سبيد ان شاء الله

                              و ده راي و تجربة راجل شد مع جين 2 و هو نفسه مش معاه جين 2 و عربيته لانسر
                              و الراجل بيشهد انه شد مع الجين 2 لغاية سرعة 190 كم / س
                              و العربيات كان لسة فيها

                              فياريت الكلام يكون علمي اكثر و عن تجربة يكون افضل
                              [img2]http://i59.tinypic.com/2vxpukz.jpg[/img2]

                              Comment


                              • #30
                                المشاركة الأصلية كتبت بواسطة gashe3 مشاهدة المشاركة
                                انا كنت مستني راي الاستاذ توت وفعلا ماخيبش ظني بس انا لسه هعمل صيانه 5000 تنصحني بايه؟
                                اخد زيت امارات مصر واجيب زيت امارات مصر يعني هو ده الزيت التخليقي
                                وبعدين منظف الرشاشات ده اجيبه منين؟
                                وبالنسبه للماتور بتاعي انا صعب اوي اوصل 170 يعني بالعافيه اوي اوي اوي
                                تاني حاجه عربيتي فيها تسقيفه بسيطه مع دوسه البنزين وصوتها بحس انه عالي ده ليه؟

                                أستاذ gashe ....... أنا في الخدمة
                                بُص يا سيدي
                                لازم تحط منظف رشاشات ( رابيدو أو سبيدوا ) من كارفور
                                و بالنسبة للزيت ....... أديها زيت امارات مصر 10000 بس كدا انت هاتضطر تغيره على 15000 كم ........ يعني هاتروح تغير زيت في صيانة مش موجودة في الجدول
                                لا ن الصيانات ماشية أول 1000 ثم 5000 ثم 10 الاف ثم 20 الف

                                و برضه انت محتاج تبص على البوجيهات
                                لما تروح صيانة 5000
                                قولهم ان السحب عندك ضعيف
                                و ممكن يكون الشريحة الالكترونية ( برنامج التحكم في السيارة )
                                محتاج اعادة ظبط

                                و شكلك كدا مفتحتش الموتور ؟؟؟؟ صح

                                لو عايز تفتح الموتور .......... استنى لما تخلص صيانة 5000
                                و اعمل الآتي
                                تحط بنزين 95 ( مكلف شوية بس دي مرة واحدة ) من بنزينة نظيفة
                                و تكون منظف الرشاشات من دلوقتي
                                و تخليهم يبصولك على برنامج السيارة ( لاعادة ظبطه اذا لزم الامر )
                                و تشوف فلتر البنزين و البوجيهات

                                و تطلع الفجر على طريق نظيف و بكرر نظيف ( زي العين السخنة مثلا )
                                و تبدا تجرب العربية ......... بس لازم تحرق على الغيارات و تغير عند 5500 ......... علشان تفتح موتورك و تخليه فايق شوية
                                لان واضح ان موتورك مخنوق شوية و لسة التليين بتاعه متمش 100 %

                                بس خلي بالك ......... و ربنا يستر طريقك يارب

                                و إن شاء الله هاتلاقي نتيجة احسن و ابقى قلنا على النتيجة
                                و قولي أقصى سرعة قدرت توصلها كام بعد الحاجات اللي قلتلك عليها
                                [img2]http://i59.tinypic.com/2vxpukz.jpg[/img2]

                                Comment

                                Working...
                                X