سؤال من شاب معندوش اى خبرة فى العربيات

[Nebw]

سؤالى احتمال تكون معروفة اجابته زاى الشمس بس الشمس بالنسبالى قمر ... يعنى معرفش خالص

هو مثﻻ يعنى مثﻻ!! لو روحت عز العرب ممكن اﻻقى بروتون موديل قديم 2009 او 2010 مثﻻ جين 2؟

يعنى ممكن اﻻقى عربيات جديدة مش موديل 2014 و 2013؟

اتمنى اجابات من غير تجريح لو سمحتوا

[amrseif]

اولا اهلا بيك فى منتدى بروتون ونتمنى ان تكون واحد من مالكى بروتون
ثانيا ... السؤال مش عيب ايا كان السؤال .. واللى هيرد عليك بسخرية يبقى العيب فيه هو مش فيك انت ...
بالنسبة لعز العرب فممكن يكون عنده مويلات قديمة مش موديل السنة وبينزل شوية فى سعرها بس مش قوى
زيه زي كل التوكيلات الاخرى ... انا لما جيت احجز عربيتى كان فى اواخر سنة 2011 ولقيت عنده عربية بروتون واجا 2010( اللى انتاجها توقف دلوقتى ) كانت مانيوال ب 80 الف كان منزل فى سعرها 4 الاف جنيه
ولكن انا بقالى فترة مش متابع فممكن انت تتصل بيهم وتسالهم عادى عن الموديلات الزيرو اللى متوفرة عندهم بس مش موديل السنة وربنا يوفقك ..

[Nebw]

اشكرك جدا جدا عى الرد المحترم جدا ده .... ان شاء الله هاكلمهم و هاكتب تانى انا ﻻقيت ايه

[Nebw]

للﻻسف مفيش غير 2014 و ساجا 2013 مفيش اى موديﻻت قديمة ...... طب محدش يعرف ممكن اﻻقى الكﻻم ده فى اى معرض وﻻ ده مستحيل

[amrseif]

اشكرك جدا جدا عى الرد المحترم جدا ده .... ان شاء الله هاكلمهم و هاكتب تانى انا ﻻقيت ايه

العفو .. تحت أمرك ..

[amrseif]

للﻻسف مفيش غير 2014 و ساجا 2013 مفيش اى موديﻻت قديمة ...... طب محدش يعرف ممكن اﻻقى الكﻻم ده فى اى معرض وﻻ ده مستحيل

ممكن تدخل على الموقع ده ان شاء الله هتلاقى فيه الاجابة ...

http://www.nilemotors.net/Nile/420480-a.html

[amr011111]

صعب تلاقى موديلات قديمه كده عن السنه دى
ساعات المصريه للسيارات بتعمل اعلان ان عندها عربيات زيرو سنتين فاتوا وبتقلل فى سعرها جامد
بس طالما بتدور على موديل 2010
يبقى هتشترى ياما من معرض او من حد عنده العربيه
فخش موقع دبيزل والعربيه اللى تعجبك اتفق مع صاحبها انك تكشف عليها فى التوكيل
وبالتوفيق

[Nebw]

ممكن تدخل على الموقع ده ان شاء الله هتلاقى فيه الاجابة ...

http://www.nilemotors.net/nile/420480-a.html

تسلم يا غالى هدور عليهم وهاشوف ... علشان انا عايز اركب زيرو الصراحة ومعيش سعرها 2014 وكمان المستعمل موئرف فى حاجات كتير

شكرا مرة اخرى

[Omar Mahmoud]

يا باشا السؤال مش عيب، اسأل براحتك
بالنسبة للاجابة هو عزالعرب عنده نظام الاستبدال و العرض ده انا قريته من يجي شهرين شهرين و نص لانه كان عامل تخفيض علي الصيانات و كان كاتب استبدل عربيات بروتون اللي هيا ساجا واجا ويرا جين2 برسونا بس تبيع ليهم و تجيب بروتون تاني و لا اي حاجة من عنده معرفش بصراحة بس اكيد هو بيبيع العربيات دي مستعمل.انا لو مكانك اتصل بيهم و اسأل احسن و بالتوفيق.

[Nebw]

يا باشا السؤال مش عيب، اسأل براحتك
بالنسبة للاجابة هو عزالعرب عنده نظام الاستبدال و العرض ده انا قريته من يجي شهرين شهرين و نص لانه كان عامل تخفيض علي الصيانات و كان كاتب استبدل عربيات بروتون اللي هيا ساجا واجا ويرا جين2 برسونا بس تبيع ليهم و تجيب بروتون تاني و لا اي حاجة من عنده معرفش بصراحة بس اكيد هو بيبيع العربيات دي مستعمل.انا لو مكانك اتصل بيهم و اسأل احسن و بالتوفيق.

شكرا على ردك جدا بس هو انا مش عايز استبدل وكده انا عايز اشترى زيرو بس بسعر اقل من سعر 2014 فبدور على بدايل .. لو عندك اى اقتراحات ياريت متبخلش

[Omar Mahmoud]

شكرا على ردك جدا بس هو انا مش عايز استبدل وكده انا عايز اشترى زيرو بس بسعر اقل من سعر 2014 فبدور على بدايل .. لو عندك اى اقتراحات ياريت متبخلش

لو تقدر تجيب كسر زيرو يبقي كويس ﻹن مفيش بدائل زيرو ليها كويسة في نفس الفئة السعرية و ممكن تشوف المعارض الكبيرة ممكن تلاقي عندهم عربيات متخزنة و حضرتك سألت عزالعرب اذا كان عندو عربيات 2013؟؟؟

[Nebw]

لو تقدر تجيب كسر زيرو يبقي كويس ﻹن مفيش بدائل زيرو ليها كويسة في نفس الفئة السعرية و ممكن تشوف المعارض الكبيرة ممكن تلاقي عندهم عربيات متخزنة و حضرتك سألت عزالعرب اذا كان عندو عربيات 2013؟؟؟

انا فعﻻ سألت عز العرب مفيش غير ساجا اللى 2013 و بالنسبة للمعارض .. فانا حاليا بدور بجيب ارقام وبتصل وربنا يسهل

سؤال تانى بقى اللى هو ازاى كسر الزيرو ده؟

[Omar Mahmoud]

انا فعﻻ سألت عز العرب مفيش غير ساجا اللى 2013 و بالنسبة للمعارض .. فانا حاليا بدور بجيب ارقام وبتصل وربنا يسهل

سؤال تانى بقى اللى هو ازاى كسر الزيرو ده؟

إن شاء الله تلاقي.بالنسبة لكسر الزيرو انا اعرف عنه انا المفروض العربية تبقي موديل السنة و اتمني حد من الاعضاء يفيدنا بردو.

[mohamedyounis]

ممكن تسأل في الاحمدي موتورز في مدينة نصر لأن ممكن يكون عندهم موديلات 2013 لسه باقيه .. بس مش متوقع تلاقي اقدم من كده يعني مش هتلاقي 2011 او 2010

بالتوفيق

[carrier]

انت متخيل ان عربية بروتون سمعتها الماظ فى السوق

تقعد فى ارابيز التجار اكتر من 8/9 شهور ومتتباعش ؟؟؟

لا دا انت عايزها ودا مستحيل تقعد اكتر من سنتين وزيروو كمان

ودا من المستحيلات للاسف حضرتك