سؤال لمالكي البيرسونا والجين 2

[moh2015]

هل الزجاج الأمامي يمين أبطأ من الأمامي شمال وهل بيصدر من الزجاج صوت زن والعربية ماشية على طريق خشن

ياريت حد يفيدني ده الطبيعي ولا ايه النظام مع العلم انهم غيرولي مكنتين زجاج يمين وشمال وبرضة لسة بواجه نفس المشاكل

[eng.m7md.ali]

لا طبعاً مفيش حاجة اسمها طبيعي لازم تروحلهم تاني وتشوف المشكلة في ايه

[Omar Mahmoud]

لا ده مش طبيعي و ده اكيد لان انا دايما بفتح الاتنين مع بعض و بيفتحوا مع بعض بدون مشاكل

[moh2015]

لا طبعاً مفيش حاجة اسمها طبيعي لازم تروحلهم تاني وتشوف المشكلة في ايه

هاروح تاني ان شاء الله بس انا بتأكد منكم بس

[moh2015]

لا ده مش طبيعي و ده اكيد لان انا دايما بفتح الاتنين مع بعض و بيفتحوا مع بعض بدون مشاكل

يعني الإتنين نفس السرعة بالضبط اصل في واحد من التوكيل كان بيحاول يقنعني ان الطبيعي يبقى اليمين أبطأ من الشمال

[carrier]

يعني الإتنين نفس السرعة بالضبط اصل في واحد من التوكيل كان بيحاول يقنعني ان الطبيعي يبقى اليمين أبطأ من الشمال

بسيطة قوله انا كمستخدم مش عايزه ابطأ

عايز الاتنين سرعة واحده

[Omar Mahmoud]

يعني الإتنين نفس السرعة بالضبط اصل في واحد من التوكيل كان بيحاول يقنعني ان الطبيعي يبقى اليمين أبطأ من الشمال

انا حاسس إن التوكيل ده لو لقي عربية بتولع هيقوله ده الطبيعي.مرة كنت رايح الصيانة و كان في ريحة شياط جامدة اللي بيركب العربية كان بيسأل ايه الريحة دي(كانوا فاكرين حاجة بتولع في العربية) و طبيعي لما رحت الصيانة في عزالعرب فرع العجوزة كان معايا اخويا و بنقول للي بيستلة العربية بيقول انتوا مشغلين بكرة التكييف اللي في النص؟؟ايه دخل بالريحة اللي بنشمها قال اصل و انت ماشي دي بتقلب الهوا و كلام غريب بعدها استلموا العربية و رحنا حتة جنب الصيانة عقبال ما رجعنا كانوا خلصوا بالصدفة واحد من العمال بيقولنا كان في كيس بلاستيك ماسك في الشكمان و شيلناه و بعد ما اخدنا العربية فعلا مفيش حاجة.

[د.ياسر]

و الله التوكيل ده انا مش عارف هما فعلا على قدهم و لا هما بيشتغلوا الناس و لا ايه بالضبط وخصوصا انهم ماسكين اسماء كبيره زي جيب و سيتروين .... و على فكره كان ممكن البروتون تسمع في مصر اكتر من كده و دا بسبب انها عربيه محترمه بس الناس مش عارفاها .....

الله يهديهم

[Omar Mahmoud]

و الله التوكيل ده انا مش عارف هما فعلا على قدهم و لا هما بيشتغلوا الناس و لا ايه بالضبط وخصوصا انهم ماسكين اسماء كبيره زي جيب و سيتروين .... و على فكره كان ممكن البروتون تسمع في مصر اكتر من كده و دا بسبب انها عربيه محترمه بس الناس مش عارفاها .....

الله يهديهم

زيهم زي كتير من الناس اللي مفيش عندها ضمير و مكسل يشتغل و انا رأيي إن انا افضل معاهم لحد الضمان و بعد كدة اروح لميكانيكي برة علشان لو رايح تعمل صيانة و انت في الضمان و عندك مشكلة بحس إن الراجل اللي بيستلم العربية و البيانات بتاعتها ناقص يحلف ان هي سليمة رغم وجود المشكلة لكن بردو هما احسن من غيرهم.
اللي نفسي اعرفه فعلا هو عامل ايه مع فولفو-سيتروين-جيب-دودج-كرايسلر.