مشكلة مش فاهمها فى الجين 2

[احمد مروان]

السلام عليكم ورحمة الله
بعد اذنكم انا حصل معايا موقف غريب النهاردة
مبدئيا انا جديد مع الجين 2 موديل 2007 من اقل من اسبوع
ولسه مش فاهم فيها كويس عشان كان معايا شاهين وطبعا الفرق كانى كنت راكب عجلة وركبت طيارة
المهم النهاردة اول مرة اطلع بيها مشوار طويل نسبيا
يعنى من المعادى لوسط البلد
فى اخر المشوار والتكييف شغال
مؤشر الحرارة علي بسرعة جدا من 70 ل 100
فطفيت التكييف
وفي خلال بالكتير نص دقيقة نزلة الحرارة ل 70 تانى
وخوفت اشغل التكييف بعدها
فنا معرفش اللى حصل ده عبارة عن ايه
مع العلم ان فى واحد كان قالى قبل كده انها محتاجة تغيير بلية الشداد بتاعة سير المجموعة لانها بتعمل صوت صفير كده احيانا فمعرفش هل ده السبب ولا ايه بالظبط
اسف على الاطالة بس انا فعلا مش فاهم ايه اللى حصل ده وياريت لو حد يعرف مكان حد بيفهم فى البروتون فى المعادى وحد بتاع قطع غيار غير اللى في شارع 77
وشكرا

[elpasha1]

نظف الردياتير

[احمد مروان]

نظف الردياتير

شكرا على اهتمام حضرتك بس هو نضافة الردياتير تتسبب فى ارتفاع الحرارة ونزولها بالسرعة دى وكمان والتكييف شغال بس ؟

[eng.m7md.ali]

بلية الشداد ملهاش دعوة

دي مشكلة تبريد

ياريت تراجع على دورة التبريد ويستحسن تنضفها

[carrier]

اعمل الاتى بالترتيب

شيك على المروحتين

نضف الردياتير

اغسل السربنتينة بخرطوم ميا كويس

نضف الانجكشن
نضف او غير فلتر الهوا

واستمتع بتكييف جميل فى عربية روعة وبلا تحميل حرارى أوسخونية

[احمد مروان]

بلية الشداد ملهاش دعوة

دي مشكلة تبريد

ياريت تراجع على دورة التبريد ويستحسن تنضفها

شكرا جدا على اهتمام حضرتك

اعمل الاتى بالترتيب

شيك على المروحتين

نضف الردياتير

اغسل السربنتينة بخرطوم ميا كويس

نضف الانجكشن
نضف او غير فلتر الهوا

واستمتع بتكييف جميل فى عربية روعة وبلا تحميل حرارى أوسخونية

اولا شكرا على الاهتمام
ثانيا واضح ان فى اجماع على تنظيف دورة التبريد

ثالثا واعذرو جهلى
مفترض انى بوديها لحد متخصص يتعامل ولا انا اللى المفروض اعمل كده ولو انا يبقا ياريت الطريقة
واخر استفسار معلش
محدش رد عليا بخصوص متخصصين صيانة وقطع غيار بالمعادى

[carrier]

اعمل الاتى بالترتيب

شيك على المروحتين كهربائى او بتاع التكييف هيعرف

نضف الردياتير بتاع ليداتيرات او محطة بنزين عندها الجهاز ودا افضل

اغسل السربنتينة بخرطوم ميا كويس انت او البنزينة

نضف الانجكشن ميكانيكى
نضف او غير فلتر الهوا ميكانيكى

واستمتع بتكييف جميل فى عربية روعة وبلا تحميل حرارى أوسخونية

[احمد مروان]

الف شكر يا باشا
وياريت حد يقولى على ميكانيكى بيفهم فى البروتون فى المعادى

[f2nm]

المشكلة دى كانت عندى اول ماجبت العربية زيرو اول ماهدى بالعربية موشر الحرارة يرتفع او اشغل التكيف روحت التوكيل قالى دا عيب فى حساس الكوع وهيتغير .
وغيروا بالفعل و من ساعهتا مافيش المشكلة والحمد لله.

[mido_soliman]

بيتهيالى الردياتير برىء من الموضوع دة واوعى تنضفه ف بنزينه جهاز التنضيف بتاعهم دة بيبوظ السربنتينه اصلا ويتنى المواسير من قوه دفع الميه اللى خارجه منه

انت عندك مشكله من اتنين ملهمش تالت
مروحه التكييف فصلت التكييف حمل ع المروحه الاولانيه العربيبه سخنت ( افتح الكبوت وشغل التكييف وشوف المروحه التانيه بتشتغل ولا لاء )
كون ان الحراره عندك بتوصل ل 70 اصلا دة ترموستات متشال مش موجود لان الحراره الطبيعيه قبل ال 90 بهمسه
ولو انت مش متاكد من حوار ال 70 دة يبقى العيب التانى ان ترموستات الكوع عندك عايز يتغير

مفيش مانع لو تشيك على الميه اللى فى القربه لو مستواها مظبوط يبقى مفيش مشكله ف الردياتير ولا تنضيف ولا دياولو