خيبتة املي في الجين 2

[kirolous123752]

شباب الجين 2 انا لسة شاري عربية جين 2 2006 مانيوال و كل الناس شكرتلي فيها و انا كنت حببها جدا الصراحة بس دة لغاية لما جبتها و هيا مطلعة عنيا و مبهدلاني فيها عيب محدش عارف يوصلوا متهيالي لو اتحل العربية مفيهاش عيب تاني بس هوا يتحل و العيب او العطل دة اني كنت ماشي بيها و فجاة العربية تسخن جامد جدا و تبطل و تحلف انها مدورش فاستنا لغاية لما تبرد و بعدها تدور فروحت لحد بتاع ريدياتيرات و نضفهولي كويس و سلكة و حطلي مية خضراء و صاحب العربية بيقولي انا كنت مغير ثرموثتات كوعة فمغيرتوش و دفعت سعتها زيادة عن 200 جنية بمية خضراء اصلية مفيش يومين و الاقي العرية و انا ماشي في امان الله علي سرعة او في ايحتةبطيئة بتبطل لوحديها روحت لواحد متخصص بروتون في احمد سعيد قلي هنغير ترومبة بنزين كاملة جديدة و حساس كرنك و طبعا انا عايز اخلص فقولتلة اتكل علي الله و اشتغل و كلفتي ساعتها بتاع 1700 جنية قولت بس يارب تتعدل و طبعا كان حاططها علي الجهاز و ادالوا حاجة اسمها mis fire diagnosis و مفيش اسبوع و المصيبة رجعت تاني تقف بية لوحديها كدا و لازم استنا بياع نصف ساعة علشان تشتغل و علي كوبري اكتوبر يعني صباح البهدلة و الشتايم و للي فاكرني انا واقف بمزاجي و بامناسبة العربية كانت بتهبد و بتترج مني و مفيش سحب خالص ياريت حد يفيدني و يقولي اعمل اية علي فكرة العربية فابريكة و نضيفة جدا و عاملة 83 الف كيلو بس يعني لسة متهلكتش مستحيل يبقا فيها كل دة و كانت كل صيانتها في التوكيل و بتاعة رجل كبير و محافظ عليها المشكلة انا مش لاقي حد يحلها و الراجل الي صلحها محتار و مش عارف يصلحها و بيقولي ابيعها علي حالتها و ربنا يعوض عليك و انا العربية مكملتش معايا شهرين بس انا مش عايز حد يدعي عليا بس

معلش طولت عليكم - ارجوكم حد يقولي علي اي حل
تحياتي د / كيرلس

[hugan]

محتاج كهربائي نضيف يراجع علي ضفيره العربيه بالكامل

[amr011111]

روح التوكيل
لان اللى قالك بيع العربيه كفتجى مش ميكانيكى

[hilal]

دي اعراض حساس كرنك
احتمال الحساس الجديد مش اصلي

[ashouhdy]

متابع

[kirolous123752]

شكرا يا بشوات علي ردكم السريع بس انا مركبتش في العربية غير الحاجات الاصلية بس حساس الكرنك ب 430 جنية و الطرمبة كاملة ب 500 جنية من عند الراعي و حكاية التوكيل علشان اروحلوة مش ضامن العربية توصلني ولا لاااااااا عايز اعرف هل هذا عيب شائع فيها و لا دة حظييي في العربية اللي كنت فاكرها الطلقة ممكن حد يقولي علي حد محترف في شغل الربية دية في الحرفيين لانها تعتبر الاقرب ليا علي فكرة انا معايا الهوندا و السيراتوا و عاملين كيلوا متر اكتر بكتييير و عمرهم ما زعلوني كدا فهل العربية دية عملا زي البيجو في الكهرباء بتاعتها معقدةةةةة و محدش بيفهم فيها ارجوكم ساعدونيييييييييي

[Omar Mahmoud]

حضرتك حاول بأي طريقة تروح بيها للتوكيل
و الراعي ده بتاع قطع غيار جديد ولا استيراد؟

[eng.m7md.ali]

اللي يخليك تروح الحرفيين ماتروح لعصام صفا في النزهة الجديدة .. وياريت محدش يلعب في العربية لان ده مش حساس كرنك ولا طرمبة بنزين .. انت بتقول العربية بتسخن منك يعني في مشكلة في التبريد ممكن يكون المروحة السبب او الارضي

[carrier]

سيادتك لازم تروح لكهربائى

المشكلة غالبا

طرمبة مياه و راديتر ومروحة وسير

[pharonicking]

العربية بتسخن """ يعنى مشكلة فى دورة التبريد "" غيرت ليه طرمبة بنزين"" افحص طرمبة المية "" ممكن تكون السبب"

[S O P H O S]

روح التوكيل او مركز الصفا
لكن متبعش العربية قبل ما تدور علي حل

[engzidan]

اسف على الازعاج بس ممكن اعرف وصلت لفين ف العربيه وحلتها وكانت ايه المشكله ؟

[svneleven]

أنت بتقول كان فيه كود عطل misfire يعني السخونية ممكن تكون بسببها مش لازم دورة التبريد. شوف موبينة الحقن عاملة ايه.

[kirolous123752]

يا رجالة فية ناس فهمت الموضوع غلط العربية لما سخنت و كانت بتوقف و روحت صلحتها مشكلة السخونية اتحلت لاكن العربية لسة بتبطل معايا و علا فكرة انا مغير طرمبة مية و سير كاتينة و سير مجموعة و ثرموثتات و المروحة شغالة و اللي لسة مغيرة حساس كرنك و طرمبة بنزين و كلة اصلي و علي فكرة العربية بتفصل بعد مشوار كبير يعني مثلا انا كنت جاي من الف مسكن و وقفت بيا عند كوبري اكتوبر بدون اي مقدمات و ماشي علي سرعة انا الصراحة اول مرة اشوف عربية كدة و اللي جد في الموضوع انها كل 500 متر بتقف و راكنها من ساعتها في الجراج اكتر عربية بهدلتني دة انا كان معايا شاهين و معملتش معايا كدة
(علي فكرة انا مش بعيب في الجين 2 يمكن دة حظي و ممكن تكون فعلن محترمة بسسسسسس ادي الله و ادي حكمتة )

[kirolous123752]

أنت بتقول كان فيه كود عطل misfire يعني السخونية ممكن تكون بسببها مش لازم دورة التبريد. شوف موبينة الحقن عاملة ايه.

الف شكر علي ردك و انا ناوي اوديها التوكيل او مركز الصفا و هما يتعاملوا انا صرفت كتيررررر اوي علي العربية و المشكلة مش عايزة تتحل