محتاج نصيحة لوجه الله

[speedy4wd]

السلام عليكم ورحمة الله وبركاته
جيلكم بعد ركوب سيراتو 2010 ومعايا 120000 وعشقي زي ناس كتير للبروتون
محتاج نصيحتكم لوجه الكريم هل اشتري بروتون ولا وياريت معلومات عن المشاكل بالتفصيل لاني بسمع كلام كتير والتوكيل اخباره ايه وقطع الغيار. وهل التيل فعلا عامل قلق كده

[amrseif]

بص هيا العربيات ديه اذواق .. عربيات بروتون تمتاز بشكلها الجذاب وقوة الصاج وثباتها الرائع فى السرعات العالية والملفات ولكن بيظهر قدراتها الخارقة فى السرعات العالية اكثر من السرعات المنخفضة فهيا من الاخر كدة عربيات ممتازة فى السفر ... يعيب عليها شوية ان التوكيل بيتاخر فى استيراد قطع الغيار ولما ييجى يصلح العربية بيقعد فترة طويلة .. استهلاك البنزين فيها عالى شوية بالنسبة للعربيات اليابانى مثلا ..
بصراحة انا لو منك ومعايا 120 الف ازود عليهم شوية واجيب لانسر ... ده طبعا مش معناه انا بروتون وحشة ولكن عربيات لانسر كويسة فى سعر اعادة البيع وقطع غيارها منتشرة ... وربنا يوفقك للاختيار المناسب .

[eng.m7md.ali]

مش هتندم

قطع غيار السيراتو اغلى بس اكتر بحكم انتشار العربية

التوكيل بتاع كيا طبعاً احسن

اداء البروتون احسن .. تميز للبروتون اكتر عشان عدم انتشار العربية

بس هتلاقي فرق في الكماليات لصالح السيراتو زي فتحة السقف والبلوتوث وحاجات تانية

[Omar Mahmoud]

الجين 2 تفوق في الثبات لان التعليق الخلفي للسيراتو تورشين بيم انما الجين 2 مالتي لينك.
التوكيل مش سئ جدا لكن مقبول احسن من غيره و قطع الغيار بقت متوفرة جديد و استيراد الخارج.
تيل الفرامل بتاع التوكيل ده معفن و خامته اعفن طول مبتستخدم الفرامل بتسمع صفارة بس ليه بدائل كتير احسن منه.
التسارع ممتاز.
بس لو كنت راكب اعلي فئة في السيراتو اللي كان فيها فتحة سقف و بلوتوث هتحس بفرق زي ماeng f3lix قال عن الكماليات

[speedy4wd]

الله يبارك فيكم انشاء الله نويت اشتري جين 2 اتوماتيك بكره في لو حد عنده معلومه او حاجه في التسليم يقول

[Omar Mahmoud]

http://www.nilemotors.net/Nile/179029-2.html