عاوز اشترى بيرسونا ٢٠١٤ القرار صعب جدا

[seiko2011]

الساده اعضاء الصفحة المحترمين

بعد التحية لسيادتكم ،،،

انا عاوز اشترى عربية بيرسونا ٢٠١٤ اوتوماتيك ،عاوز نصيحة سيادتكم عشان القرار بجد صعب ، بس انا صليت استخارة ومرتاح للعربية اوى بس فيهة ناس مخوفانى من التوكيل مع العلم ان العربية سعرها اتوماتيك ١١٥٩٠٠ يعنى الموضوع مش بسيط ، لذلك ارجو التكرم باعطاء اراءكم ومقتراحاتكم بشأن الموضوع .

مع كامل احترامى وتقديرى ،،،

اخوكم م / محمد فرج
٠١١١١٣٧٠٤٤١

[windofchange]

متجربها مع حد تكون تعرفه عموما واحد صديقي كان معاه من 100 ا120 وكنا بنفاضل بين 14 عربية واستقرينا عليها الحمدلله

[Omar Mahmoud]

طالما مرتاح للعربية اتوكل علي الله
التوكيل زيه زي غيره إذا مكانش احسن منهم كمان
مش عايز التوكيل في امير و جوزيف و في عصام صفا

[carrier]

متجربها مع حد تكون تعرفه عموما واحد صديقي كان معاه من 100 ا120 وكنا بنفاضل بين 14 عربية واستقرينا عليها الحمدلله

احييكم على القرار الصائب دا

[Omar Mahmoud]

لو مفيش حد تعرفه معاه العربية اعتقد عز العرب تقدر تعمل تست درايف للعربية عنده
لو عايز تتصل بيهم و تعرف إزاي الhot line 19399
و ربنا يوفقك

[Momen.H]

اتكل علي الله, عربية ماشاء الله تدوس علي كل الكلام الغالي علي الفاضي, هيونداي وشيفرلويه ونيسان, وسعرها حلو علي الفول اوبشن الي مدهولك في العربية, ستابيلتي رائع وحرق علي الطريق رائع وموضوع الفرامل لما تروح اول صيانة قولهم الفرامل خفيفة هيظبتهالك وبردو موضوع الريموت كنترول لو ساعات بيعلق معاك قولهم هيظبتهولك وربنا الموفق انشاء الله.

[S O P H O S]

هل بتفكر فبديل مثلا ؟

[heshhesh]

العربيه تحفه

انا كان معايا النترا 2007
وافيو
ونيسان صنى الشكل الجديد

عايز اقلك انى مرتحتش الا فى الجين تو

لانى كان اهم حاجه عندى الثبات والموتور والتكييف

بس اللى هيضيقك فيها شويه خاماتها وتقفيلاتها

وربنا يوفقك للى فيه الخير

[a7mad_mo7amad6]

عربية محترمة..توكل على الله