انظمام الى نادى بروتون

[moh_rayan]

الحمد لله اشتريت برسونا 2014 بعد مقارنات و استشارات كتيرة بعد نزولى من الوحش اليابانى سيفيك 92 si
ياريت لو السادة المشرفين يفيدونى اكتر عنها و عن طريقة التعامل مع عربية على الزيرو و افضل توكيل صيانة

[Omar Mahmoud]

الف الف مبروك
طبعا العربية المفروض متعديش سرعة 100 حتي اول الف كيلو و بردو متشغلش التكييف حتي اول 1000 كيلو و علي قد ما تقدر ما تحملش العربية كتير
افضل اماكن الصيانة عز العرب فرع العجوزة فب ضهر العمارة اللي فيها معرض المصرية في المهندسين عند مسرح البالون(من غير حجز باسبقية الحضور)
او مركز عصام صفا و ده مركز خدمة معتمد و عنوانه 25 شاع د.طه حسين النزهةالجديدة

[moh_rayan]

شكرا للرد يا محمود

[carrier]

الف مبروك

خليك مع التوكيل فى الاول

انهى اول 1000كم لغاية اسماعيلية مثلا وارجع واسكندرية وارجع ....

انهى اول 1000كم ليلا فقط

لا تتجاوز مهما حصل 90كم/س وممتوع تكييف دلوقتى

موفق

[moh_rayan]

شكرا يا باشا على الاهتمام و الرد
واضح ان الميول مشتركة فى العربيات هوندا و بعدين بروتون

[El Prince]

1000 1000 على الجميلة البيرسونا moh_rayan ربنا يديك خيرها و يكفيك شرها

با ريت تقولى جبتها لون ايه و بكام لأنى ميال للأوتو منها

و لو تعليق مبدأى عن العربية بحكم انها معاك يبقى تمام

[BlackEagle1985]

1000 1000 على الجميلة البيرسونا moh_rayan ربنا يديك خيرها و يكفيك شرها

با ريت تقولى جبتها لون ايه و بكام لأنى ميال للأوتو منها

و لو تعليق مبدأى عن العربية بحكم انها معاك يبقى تمام

+1

[BlackEagle1985]

ربنا يبارك لك فيها و يديك خيرها و يكفيك شرها

[moh_rayan]

1000 1000 على الجميلة البيرسونا moh_rayan ربنا يديك خيرها و يكفيك شرها

با ريت تقولى جبتها لون ايه و بكام لأنى ميال للأوتو منها

و لو تعليق مبدأى عن العربية بحكم انها معاك يبقى تمام

هى سعرها واحد فى جميع المعارض 116 الف اقصى تخفيض هتاخده الف جنيه
العربية سحبها هايل و فيها قوة
العفشة ناشفة شوية بس الاستبلتى هايلة
التكييف قوى لدرجة الاحساس بالبرودة فى حر اليومين دول
الفرش مش اد كد و لازم تعملها فرش
هى ضيقة شوية من جوه يعنى لو معاك حد طويل بيقعد ورا هتضيقه فى رجليه
خامات التابلوه رديئة
مقارنة باى عربية فى فئتها و اعلى من سعرها يمكن لغاية 135 الف هى الافضل

[S O P H O S]

الف الف مبروووك يا باشا

[El Prince]

السلام عليكم و رحمة الله و بركاته
كل سنه و حضرتك و الاسرة جميعا بخير و بركة و رمضان كريم

الحقيقة انا عارف انكم من اقدم الاعضاء هنا فى المنتدى و معاكم بروتون و دائما اطمأن لرأيكم

كان معايا فيرنا مانيوال من الزيرو و انا لا اطمأن لأحد يشتغل فى عربيتى سوى التوكيل و خصوصا اثناء الضمان - المهم بعتها علشان مشكلة طبية فى ركبتى و لازم اشترى اوتو و بعد مقارنات كتير زائد ان اللى حاكم الواحد الميزانية برده و انا قدرتى فى الكاش لاتزيد عن تمن البيرسونا زيرو بعد ما كملت على تمن عربيتى و نويت عليها ...

بس لما روحت عند معرض كبير اشوفها علشان اشترى لاقيت كل المعروض سواء جين تو او بيرسونا - الطنابير و الصرر بتاعت العجل مصدية قوى و لما سألت بتوع المبيعات قالولى علشان بتتغسل و مش بتتنشف !!!
طبعا الكلام مش داخل دماغى و خصوصا انى ملاقتش الكلام ده فى اى ماركة تانى !! و الادهى ان المسامير اللى المفروض انها مجلفنه و نيكل برده عليها صدا ؟؟!!

و ده غير فكرتى عن العربية و خلانى مقلق منها - ما هى نصيحتكم الغالية فى الموضوع ده و العربية ككل بحكم التجربة الشخصية
هل تستاهل ضعف تمن العربية اللى كانت معايا و لا ادفع المبلغ ده مقدم فى عربية اخرى و اقسط الباقى حتى لو كانت بموتور اقل فى القوة لأن حضرتك داخل علينا زيادة فى البنزين و غالبا الزيادة هاتكون عل مراحل سنوية ...
ارجو حضراتكم تنصحونى بايه لو كنتم مكانى بأمانه و جازاكم الله خيراً