فكرة عجيبة لتيل الفرامل

[Omar Mahmoud]

لما يكون مالك السيارة حيران في التيل يبقى ربنا يستر في باقي مكونات السيارة

مالك السيارة اللي حيران في تيل فرامل مش حيران علشان مش متوفر إنما لجودته اللي هي اسوأ من السئ و الصفارة اللي بتسمعها مع الفرامل زي التيل المصري المعفن بتاع التوكيل(انا كنت في نفس المشكلة)
باقي الانواع التجارية اللي ليها مشاكل مع الجين 2 ليها مشاكل مع انواع تانية

[carrier]

لما يكون مالك السيارة حيران في التيل يبقى ربنا يستر في باقي مكونات السيارة

عندك حق بجد

والموضوع دا فى كل ماركات العربيات

التجار فى الجديد بيسترخصوا من المستوردين على حساب الفنيات والخامات لان الاصلى غالى والناس عايزة توفر

امال ليه اللى ماشى دلوقتى الاستيراد ..... ارخص واصلى كمان والغريب بيعيش اكيد اكتر من الجديد المضروب ابو فلوس كتيرة

[S O P H O S]

مش مقتنع بصراحة
لان الغلطة هتبوط الطانبير
مع اول مشوار

[Dr\Mohamed]

المشاركة الأصلية كتبت بواسطة carrier
احذر التيل اللى دلوك عليه الاصلى دا مش اصلى

وفكرة القص والتضبيط دى فاشلة

اوعى سيادتك تعمل كده

بدون مبالغة البروتون لها اكتر من 35 نوع تيل بالمحلات وفى الاخر عايز تقص وتلزق ... دا كلام يا راجل

الافضل انك تفك امامى وخلفى وتجيب زيهم استيراد مع ميكانيكى مش لوحدك ومن الوكالة او الحرفيين او عزبة شلبى

8200كم الان مع البوش الالمانى الاستيراد فوق الامتياز

وبسافر كتير ولا اروع مكابح قوية فعلا

سيبك من اللى يقولك مخزون / نشف خلاص / يقلق

بداية شكرا جزيلا لحضرتك على النصيحة الغالية دي

أنا مش من القاهرة وطبعا صعب إني أسافر 4 ساعات مع العفشجي علشان نجيب تيل استيراد

فيبقى الحل زي ما حضرتك قولت إني أجيب تيل جديد بديل ويكون نفس المقاس

بس إللي عايز أعرفه أنهي خامة تحافظ على الطنابير ؟؟
كان العفشجي قاللي التيل الكويس يكون فيه نسبة النحاس كتيرة علشان ما يتكالشي بسرعة ويعيش فترة طويلة بس أنا خايف ميكونشي حنين على الطنابير وتتاكل بسرعة

كمان معلشي التيل بتاع حضرتك الألماني نسبة النحاس فيه كتير ولا قليلة ؟ وبيكون ناشف ولاطري؟

ممكن الإفادة بعد إذن حضرتك .... آسف على الإزعاج

[mr.moustafa]

اغلب انواع الاتيال الجديدة صديقة للبيئة "مفيهاش سبيسيتوس "

التجربة هتبقى ممتازة بس هل فعلاً هيقدر يشكله زي شكل تيل الجين2؟

لان للاسف اي غلطة في التشكيل هتضر الديسكات

الاسبستوس مش بيضر البيئة .. ده بيضر الانسان مباشرة باورام سرطانية

[ramy elsebaay]

انا سمعت عن حاجة اسمها ملى التيل يعنى واحد بيأخد التيل القديم يملاة ويركب تانى كانة جديد
حد سمع عن الموضوع دة

[Omar Mahmoud]

انا سمعت عن حاجة اسمها ملى التيل يعنى واحد بيأخد التيل القديم يملاة ويركب تانى كانة جديد
حد سمع عن الموضوع دة

انا سمعت عن الموضوع ده و سمعت بردو إن التيل عمره بيبقي قصير اوي
بس معرفش مين اللي بيعملها

[abdoumahros]

موضوع سهل

موضوع تيل الفرامل وخصوصا الامامي سهل جدا
زي ماتفضل الزملاء في انواع كتير بتركب بالظبط بدون اي تعديل نهائي
انا ركبت تيل مايلي امامي وكان زي الفل ولسه مغير بنوع تاني اسمه يورو جولد بقاله اسبوع وممتاز لحد الان ولا يوجد من المايلي الالماني او اليورو جولد صفاره وبيمسكوا كويس جدا

[Omar Mahmoud]

موضوع تيل الفرامل وخصوصا الامامي سهل جدا
زي ماتفضل الزملاء في انواع كتير بتركب بالظبط بدون اي تعديل نهائي
انا ركبت تيل مايلي امامي وكان زي الفل ولسه مغير بنوع تاني اسمه يورو جولد بقاله اسبوع وممتاز لحد الان ولا يوجد من المايلي الالماني او اليورو جولد صفاره وبيمسكوا كويس جدا

اليوروجولد و المايلي قعدوا معاك كام اد ايه؟؟؟
دول بتوع فيات ولا بروتون؟؟
عربيىتك مانيوال ولا اوتوماتيك؟؟
شكرا

[abdoumahros]

بتوع فيات

اليوروجولد و المايلي قعدوا معاك كام اد ايه؟؟؟
دول بتوع فيات ولا بروتون؟؟
عربيىتك مانيوال ولا اوتوماتيك؟؟
شكرا

عربيتي مانيوال
التيل ده بتاع فيات بترا
المايلي قعد معايا 35 الف وكان لسه فيه شويه بس انا قلت اغيره
اليورو جولد لسه راكب من اسبوع
اي استفسار انا تحت امركم

[zohdy]

https://www.facebook.com/protonspelamir

[Dr\Mohamed]

السلام عليكم

أحب أنقل ليكم تجربة تغيير تيل الفرامل الأمامي
الموضوع بدأ لما كنت مسافر وسمعت صوت غريب في العجلة الشمال ..... المنطق بيقول التيل بس الواقع إن العفشجي قايللي التيل فيه كتير ولما وصلت عند العفشجي فك العجلة وقاللي التيل خلص رحت أشتري تيل أنا كنت سألت عليه في مصر كان سعره 135 & 235 طيب والحل هسافر مصر مخصوص علشان أجيبه طيب هات مستعمل زي ما أحد الزملاء نصحني برده مش لاقي المهم افتكرت موضوع التيل البديل لقيت تيل بتاع فيات وكمان صيني وكمان رخيص بـ75 جنيه قلت مش مهم أنا مانمتش بقالي يوم ونص وراجع من سفر طويل فهيمشيني شوية وخلاص خليني أروح أنام

بصراحة المفاجأة العفشجي قاللي التيل ممتاز ولما ركبته فعلا الفرامل اتحسنت بنسبة مليون في المية.
فرامل بتسعف على السرعات العالية (ماشي على 120 وواحد الله ينتقم منه لف يو تيرن قدامي الحمد لله الفرامل جابتني من بدري كمان بدون ما أجيب أخرها) فرامل هادية بدون صفراة حتى في الاستخدام المفاجئ ماتسمعشي إلا صوت الكاوتش وABS فقط وكمان الدواسة نفسها بقت طرية في الضعط وبكده مشكلة الفرامل في العربية دي اتحلت تماما 2000 كيلو سفر معظمهم على السريع حصل فيهم كام موقف كده اضطريت أستخدم الفرامل بصورة عنيفة بصراحة أداء فوق الممتاز مفيش أحسن من كده.

أنا تعمدت أأخر الموضوع شوية علشان أتأكد من حكمي عليه وفعلا كده شهرين أثبت كفاءته بجدارة وأنصح أي حد بيشتكي من الفرامل بالنوع ده "فيات صيني !!!!"

الصور









دعواتكم علشان داخل امتحان الماجستير قريب