مشكله في السحب و التجميع

[samehshokry]

قعدت اسمع ان الجين تو طلقه و كله بيكتب الطلقه جين تو
بس للاسف مالقتش الكلام ده الا في السرعات العاليه ( في السرعات بصراحه زي القطر )
انما علي الاول و التاني بحس انها ارنبه و اي عربيه تانيه بتسبقها
هل ياتري ده عيب عندي و عاوز يتظبط و لا هي كده ؟
انا عملت تنظيف دوره الوقود ( بس الانجيكشن لسه ) و الفرق مش ملحوظ قوي يعني
بس برده مش لاقي كلمه ((( طلقه ))) اللي الناس بتكتبها عن الجين تو
للعلم عربيتي موديل 2011 ، يعني الموتور المعدل

[eng.m7md.ali]

مانوال ولا اوتو؟

[J A G U A R]

الجين 2 معروف انها قبل ال 70 او ال 60 بطيئه شويه انما بعد كده بتفتح

[Elhosieny]

طبيعى جدا فى العربيه دى
لان وزنها تقيل وكل حاجه فيها تقيله شبه الالمانى

[carrier]

( بس الانجيكشن لسه )

المشكله منه

وهى طلقة فعلا ضبط الانجكشن بحساساته برشاشاته
ضبط ضغط الكاوتش

ولو حد حصلك يبقى بشق الانفس بجد

[samehshokry]

مانوال ولا اوتو؟

مانوال

الجين 2 معروف انها قبل ال 70 او ال 60 بطيئه شويه انما بعد كده بتفتح

بس المفروض انها تبقي نسبه و تناسب
يعني عربيات تعدي مني و انا اعدي عربيات و كده ، انما مش كله يعدي مني

طبيعى جدا فى العربيه دى
لان وزنها تقيل وكل حاجه فيها تقيله شبه الالمانى

ما الالماني كله تقيل و صواريخ ماشيه في الشوارع ... وبعدين الناس كانت بتقول طلقه ، فين الطلقه
و خصوصا ان السرعات العاليه مش بنشوفها الا في السفر عشان تقدر تحس بعزم العربيه انما معظم مشينا بيبقي ع الهادي يعني مش هتشوف كلمه طلقه دي .

المشكله منه

وهى طلقة فعلا ضبط الانجكشن بحساساته برشاشاته
ضبط ضغط الكاوتش

ولو حد حصلك يبقى بشق الانفس بجد

تفتكر الفرق الكبير ده هيحصل من الانجكشن ، ياريت
عموما انا اشتريت منظف STP و ان شاء الله هنضف الانجكشن انهارده او بكره بالكتير
و ان كان علي الكاوتش فانا جايب فردتين امامي بريدجستون سبورت و فيها اتنين ورا كومهو حالتهم لسه زي الفل و ضغط متظبط و جاهز ... يا مسهل

[eng.m7md.ali]

حضرتك كنت راكب ايه قبلها؟؟

لان المانوال في الجين2 اغبى من الاوتو بفرق كبير

[samehshokry]

حضرتك كنت راكب ايه قبلها؟؟

لان المانوال في الجين2 اغبى من الاوتو بفرق كبير

انا كنت راكب كريستاله 99 - 1300 سي سي
تقصد ايه بالمانوال اغبي من الاوتو ؟؟

[elbaz45]

انا كنت راكب كريستاله 99 - 1300 سي سي
تقصد ايه بالمانوال اغبي من الاوتو ؟؟

سبحان الله فى قطع غيار مشتركة بين الكرستالة وبين الجين2
وعن تجربة شخصية انا مركب جوز مساعدين خلفى لانسر كرستالة ومغير جلب شدادات اللى ماسكة الطنابير الخلفية برده بجلب لانسر كرستالة وعاوز اجيب دراعات مساحات وقالولى هات بتاع لانسر كرستالة والمفاجأة ان حاجة لانسر كرستالة مش متوفرة كتير فى السوق مش عارف ليه !!!
وفلتر البنزين اللى كان راكب قبل ما اغيره كان بتاع لانوس والتيل بتاع فيات

وعلى فكرة انا عربيتى كده برده فى السحب على السرعات البطيئة بطة بلدى ..
انما على السريع الله اكبر ما شاء الله - ربنا يكفينا شرها ويدينا خيرها

[carrier]

وعلى فكرة انا عربيتى كده برده فى السحب على السرعات البطيئة بطة بلدى ..

• ضبط الانجكشن بحساساته برشاشاته
• ضبط ضغط الكاوتش .... البطة هتبقى طلقة

[samehshokry]

عاوز ابلغكم باخر الاخبار
روحت امبارح للاسطي مدحت و ظبطت عنده الانجكشن برشاشاته و نزلت بلاوي
جربت بعدها ، بصراحه البطه نطقت ... فيه فرق في السحب ملحوظ ... و بالمناسبه عرفت معلومه قالهالي الاسطي مدحت ان الرشاشات دي مش بتبوظ ، الرشاشات الوحيده اللي بتبوظ بتاعه اللانوس عشان مافيش حد يشتغلنا ( زي ما اشتغلوا واحد صاحبي و قالوله هات مسطره كامله )....

اللي زعلني بقه ايه في المشوار ده ، اني جبت جوز تيل امامي من الامير اللي في ش احمد زكي ، المفروض علي حسب كلامه انه ماليزي زي ما مكتوب عليه و مكتوب علي العلبه بخط كبير " بروتون " و بيقولي ده اللي في التوكيل و سعره 250 جنيه و قولت بلاش الريمسا الاسباني و بلاش الكوري ..
ركبته من هنا و اول ما طلعت بالعربيه ، راحت مصفرررررررررررررره
انتوا مش متخيلين الاحساس اللي كنت فيه ، ماكنتش عارف اشتم مين و لا اعمل ايه

[carrier]

... و بالمناسبه عرفت معلومه قالهالي الاسطي مدحت ان الرشاشات دي مش بتبوظ ، الرشاشات الوحيده اللي بتبوظ بتاعه اللانوس عشان مافيش حد يشتغلنا ( زي ما اشتغلوا واحد صاحبي و قالوله هات مسطره كامله ).... انا اسف جدا وجدا كمان

الاسطى مدجت الميكانيكى بتاعك غلطان حضرتك لان الرشاشات بتبقى غير صالحة فى حالات

واللى بيحكم عليها ولا اتخن ميكانيكى سيادتك فقط جهاز الترا سونيك لاختبار وضبط وتنظيف الرشاشات

اللي زعلني بقه ايه في المشوار ده ، اني جبت جوز تيل امامي من الامير اللي في ش احمد زكي ، المفروض علي حسب كلامه انه ماليزي زي ما مكتوب عليه و مكتوب علي العلبه بخط كبير " بروتون " و بيقولي ده اللي في التوكيل و سعره 250 جنيه و قولت بلاش الريمسا الاسباني و بلاش الكوري ..
ركبته من هنا و اول ما طلعت بالعربيه ، راحت مصفرررررررررررررره
انتوا مش متخيلين الاحساس اللي كنت فيه ، ماكنتش عارف اشتم مين و لا اعمل ايه

اقرأ الموضوع دا كاملا
http://www.nilemotors.net/Nile/413532-2.html

[samehshokry]

اقرأ الموضوع دا كاملا
http://www.nilemotors.net/Nile/413532-2.html

بص هو وارد ان يكون كلامه غلط ، انا مجرد بقول معلومه اتقالتلي امبارح وجايز تكون صح وجايز غلط

بالنسبه لموضوع القول الفصل في التيل ، قريته قبل كده و النتيجه ( مافيش )
كل واحد جرب حاجه و ناس نفع معاها نوع و نفس النوع مع حد تاني مانفعش
والبوش الوحيد اللي الناس مجتمعه عليه ، بس مش معقول مافيش تيل ينفع في كل الانواع غير البوش ابو 350 جنيه

[Omar Mahmoud]

عاوز ابلغكم باخر الاخبار
روحت امبارح للاسطي مدحت و ظبطت عنده الانجكشن برشاشاته و نزلت بلاوي
جربت بعدها ، بصراحه البطه نطقت ... فيه فرق في السحب ملحوظ ... و بالمناسبه عرفت معلومه قالهالي الاسطي مدحت ان الرشاشات دي مش بتبوظ ، الرشاشات الوحيده اللي بتبوظ بتاعه اللانوس عشان مافيش حد يشتغلنا ( زي ما اشتغلوا واحد صاحبي و قالوله هات مسطره كامله )....

اللي زعلني بقه ايه في المشوار ده ، اني جبت جوز تيل امامي من الامير اللي في ش احمد زكي ، المفروض علي حسب كلامه انه ماليزي زي ما مكتوب عليه و مكتوب علي العلبه بخط كبير " بروتون " و بيقولي ده اللي في التوكيل و !سعره 250 جنيه و قولت بلاش الريمسا الاسباني و بلاش الكوري ..
ركبته من هنا و اول ما طلعت بالعربيه ، راحت مصفرررررررررررررره
انتوا مش متخيلين الاحساس اللي كنت فيه ، ماكنتش عارف اشتم مين و لا اعمل ايه

لو عايز تركب تيل ماليزي ركب في الخلفي فقط الامامي لو مش تجيب الاستيراد في الريمسا وده مجربه في الاوبل هو سعات بيصفر و سعات لا بمزاجه
مع العلم إن التيل الماليزي في التوكيل ب307 جنيه مصري و مصنعية التركيب 185 جنيه.
معرفش ايه ظروف الريمسا في البروتون بس اكيد مش هيبقي مختلف و اللي ركبته في الامامي كان نوع كوري