حادث امامي لبرسونا 2014

[Momen.H]

السلام عليكم ورحمة الله وبركاته.

يا جماعة انا روحت امير وجوزيف عملولي مقايسة فيها 30 حاجة هتتغير سعر التصليح هيبقي في حدود 25 الف, انا عندي 3 افكار في دماغي ياريت تقوليلي ايه الاصح.

1- لو في مكان معتمد بسجل تجاري وبطاقة ضريبية اجيب منو قطع الغيار بتمن ارخص بحيث التكلفة تنزل 5 ولا 7 الاف واخلي التامين يعوضني.

2- العب علي نقطة تبديل العربية بس انا حاسس ان التلفيات متوصلش لاعتبار العربية تالفة. ارجو الافادة في النقطة ديه بالذات واعرف في حالة ايه العربية تعتبر تالف.

3_ اكمل مع امير وجوزيف وبلاش المخاطرة... وده هتزعلني لحد مرجع فلوسي من التامين وممكن يدفعوني 3 - 4 الاف....

ارجو الافادي في اسرع وقت.

شكرا ليكو.

[eng.m7md.ali]

احكيلنا اللي حصل بالتفصيل لان محدش بيتعامل مع امير وجوزيف غير حضرتك تقريباً

والف سلامة على حضرتك

وياريت بردو تقولنا التلفيات ايه

[Momen.H]

احكيلنا اللي حصل بالتفصيل لان محدش بيتعامل مع امير وجوزيف غير حضرتك تقريباً

والف سلامة على حضرتك

وياريت بردو تقولنا التلفيات ايه

[aldl]http://postimg.org/image/3l97nafcv/[/aldl]

[aldl]http://postimg.org/image/dhaamxl4v/[/aldl]

حادثة بسبب فسبة تلت تكاسي خبطو في بعض وانا كنت اخر واحد اخبط من الامام في التاكسي,

لقين الراديتاير اتخرم والمية فضيت في ثواني والوش داخل لجوة زي مواضح في الصور. تاني يوم روحت قاطرها لامير وجوزيف ياريت تقولي لو في مكان احسن قريب من مدينة نصر او مصر الجديدة وانا اودهالو انشاء الله.

[eng.m7md.ali]

الصور مش ظاهرة .. ياريت حضرتك ترفعها تاني عشان نشوف التلفيات

[Omar Mahmoud]

حمد لله علي سلامتك
لو هتكمل مع امير و جوزيف و هتدفع الفلوس هتاخدها تاني بعد ايه؟؟

[Momen.H]

عشان تشوف الصورة دوس فيو بيكتشر هيفتحهالك في صفحة تانية، موقع الابلود هو السبب في ده، لو مظهرش حاجة ياريت تبلغني.
أمير وجوزيف قالو تقريبيا هتعد أسبوعين.

[yousefsemsem]

من وجه نظري المتواضعه الخبطه ديه مش مكلفه اوي لدرجه 25 الف بس حمدالله علي سلامتك وفكر في الفكره الاولانيه

[Momen.H]

من وجه نظري المتواضعه الخبطه ديه مش مكلفه اوي لدرجه 25 الف بس حمدالله علي سلامتك وفكر في الفكره الاولانيه

الله يسلمك يا باشا.

قطع الغيار لوحدها هما سعروها ب 17 الف.

[eng.m7md.ali]

الله يسلمك يا باشا.

قطع الغيار لوحدها هما سعروها ب 17 الف.

شوفت الصور بس مش باين منها اي حاجة غير ترييحة عالردياتير والشبكة مكسورة والصدر عايز يترد

لكن الحاجات دي مش هتتكلف كل السعر ده الا لو الحاجات الاصلية جديدة من التوكيل

لو مأمن يبقى وديها التوكيل نفسه في ابو رواش يصلحها ومش هتدفع فلوس .. التأمين هو اللي هيخلص مع التوكيل

يااما تصلح برة في ورشة نايل موتورز وتجيب حاجتك استيراد من عند الراعي او ملك البروتون في الحرفيين بالفواتير

[Momen.H]

شوفت الصور بس مش باين منها اي حاجة غير ترييحة عالردياتير والشبكة مكسورة والصدر عايز يترد

لكن الحاجات دي مش هتتكلف كل السعر ده الا لو الحاجات الاصلية جديدة من التوكيل

لو مأمن يبقى وديها التوكيل نفسه في ابو رواش يصلحها ومش هتدفع فلوس .. التأمين هو اللي هيخلص مع التوكيل

يااما تصلح برة في ورشة نايل موتورز وتجيب حاجتك استيراد من عند الراعي او ملك البروتون في الحرفيين بالفواتير

مامن عليها مع مصر للتأمين التكافلي اول سنة, ابو رواش ده غير عز العرب؟ وازاي التأمين هو الي هيخلص معاهم, مش المفروض انا بدفع وبعدين يعوضوني؟ ارجو الافادة يا كبير.

[eng.m7md.ali]

مامن عليها مع مصر للتأمين التكافلي اول سنة, ابو رواش ده غير عز العرب؟ وازاي التأمين هو الي هيخلص معاهم, مش المفروض انا بدفع وبعدين يعوضوني؟ ارجو الافادة يا كبير.

لو حضرتك وديت العربية لشركة التأمين نفسها مش هتدفع اي حاجة .. اعتقد اي شركة تأمين ليها مركز هيكون في ابو رواش

اما لو وديتها للتوكيل في ابو رواش هيجي المندوب بتاع الشركة يشوف المقايسة ويوافق عليها او ممكن يتفاوض شوية مع التوكيل .. ومش هتدفع حاجة تقريباً والتأمين هو اللي هيخلص كل حاجة مع التوكيل

اما بقى لو وديتها ورشة برة فاحضرتك بتدفع والتأمين بيديلك شيك بعد فترة "معرفش المدة" .. وبتتحمل 10% من قيمة قطع الغيار المستبدلة يعني لو قطع الغيار ب 5000 جنيه هتتحمل منهم 500 جنيه بس .. السمكرة والدوكو بيديك فيهم سقف 2000 جنيه تقريباً .. ومبتتحملش منهم حاجة ساعت مابتاخد شيك التعويض

ده نظام شركة قناة السويس للتأمين اللي انا كنت مأمن معاها .. بصراحة معرفش الشركة اللي مع حضرتك كدة ولالا

[Momen.H]

لو حضرتك وديت العربية لشركة التأمين نفسها مش هتدفع اي حاجة .. اعتقد اي شركة تأمين ليها مركز هيكون في ابو رواش

اما لو وديتها للتوكيل في ابو رواش هيجي المندوب بتاع الشركة يشوف المقايسة ويوافق عليها او ممكن يتفاوض شوية مع التوكيل .. ومش هتدفع حاجة تقريباً والتأمين هو اللي هيخلص كل حاجة مع التوكيل

اما بقى لو وديتها ورشة برة فاحضرتك بتدفع والتأمين بيديلك شيك بعد فترة "معرفش المدة" .. وبتتحمل 10% من قيمة قطع الغيار المستبدلة يعني لو قطع الغيار ب 5000 جنيه هتتحمل منهم 500 جنيه بس .. السمكرة والدوكو بيديك فيهم سقف 2000 جنيه تقريباً .. ومبتتحملش منهم حاجة ساعت مابتاخد شيك التعويض

ده نظام شركة قناة السويس للتأمين اللي انا كنت مأمن معاها .. بصراحة معرفش الشركة اللي مع حضرتك كدة ولالا

كلمتهم في الموضوع ده قالولي لأ مبيعملوش الخدمة ده, انا فعلا بدفع 10% من التوتال بس دول بيتخصمو لما يجو يعوضوني, حاليا انا شايف احسن حل اني اروح ورشة تكون عنها قطع غيار اصلية ومحترمة بس تكون اسعارها في المعقول واتكل علي الله بقي. عشان رمضان في الحر بصراحة جميل من غير تكييف :)

ارجو الافادة بافضل الاماكن للتصليح غير امير وجوزيف. وارقام تليفوناتهم لو متاحة.

[Momen.H]

ارجو الافادة بافضل الاماكن للتصليح غير امير وجوزيف. وارقام تليفوناتهم لو متاحة. مساعدة يا جماعة العربية مركونة بقالها اسبوع كده.

[eng.m7md.ali]

ياباشا ودي عربيتك على ورشة نايل موتورز .. ناس محترمة وشغلهم عالي جداً

قطع الغيار ممكن تجيبها من التوكيل جديدة اصلية او من الحرفيين استيراد حسب السيولة اللي معاك .. واعمل حسابك في الفواتير عشان التأمين يحاسبك

[Momen.H]

ياباشا ودي عربيتك على ورشة نايل موتورز .. ناس محترمة وشغلهم عالي جداً

قطع الغيار ممكن تجيبها من التوكيل جديدة اصلية او من الحرفيين استيراد حسب السيولة اللي معاك .. واعمل حسابك في الفواتير عشان التأمين يحاسبك

معلش بقي تعبك معايا يا باشا، تمام انا انشاء الله هوديها علي هناك، بس عندي استفسار بسيط.
الفرق ما بين الأصلي والمستورد من حيث المتانة والأداء كبير؟ وعلي حد علمي التوفيقية بيبيعو فيها قطع غيار اصليه أرخص من التوكيل، أرجو الإفادة وشكرا جداً ليك يا كبير.