عملت حادثة بالعربية

[ram elnahas]

انا عملت حادثة بالعربية .... بس الحمد لله ربنا قدر و لطف
... انا كنت ماشى على سرعة 90 و كسرت شمال مرة واحدة
لقيت العربية بتعوم منى بطريقة غير متوقعة يمين وشمال ومعرفتش الم نفسي و طلعت على جزيرة .... الحمد لله ربنا ستر سترا كبيرا... انا بكتب دلوقتى علشان خاطر حاجتين:
اولا يا ريت كل واحد يخلي باله اوى وهو بيسوق... السواقة ملهاش كبير... الله أكبر.... و اوعى حد العربية تغره(تغريه).... حتى لو كنت راكب bmw او مرسيدس... ﻷنك ممكن فى لحظة تفقد السيطرة على عربيتك و توديك و تجيبك.
ثانيا عايز اعرف عربية زى ديه ازاى تحدف اوى كده.. هو ده طبيعي؟؟؟
جين 2 2008
اسف للاطالة... و شكرا

[S O P H O S]

الحمد الله جت سليمة وحضرتك بخير

[ayman hamdy]

الحمد لله انك بخير
ومنتظرين مالكى الجين 2 لتفيسر ما حدث
وقدر الله وما شاء فعل

[a7mad_mo7amad6]

الف حمدلله على سلامتك..
مش طبيعي طبعا ده حتى العربيه ده مميزه بثباتها...
اكيد كان في شوية رمل اول حاجه هما الي عملوا كده..
شبك على كاوتشك واتأكد انه كويس.
اظبط زوايا واتا كد ان معندكش مشاكل عفشا

[HOSSAM99]

قدر الله و ما شاء فعل و الحمد لله علي كل حال
و ربنا يعوض حضرتك خير منها
نيجي لأعتراض حضرتك علي إن عربيه "" زي دي "" تعوم ... للأسف إحنا ساعات حاجتنا بتبقي عزيزه علينا و أختيارنا يبدو لنا هو الأفضل و الأحسن فنبدا نوهم من حولنا و الناس إن الحاجه دي لا يعلي عليها و إنها طفرة الصناعة و التكنولوجيا و كذا و كذا .... لكن في الحقيقه و للأسف بتبقي أقل من كده في المستوي و للأسف أكتر إن حد تاني ممكن يتخدع بكلامنا و يجرب الحاجه دي و يحصله موقف مش لطيف
كل ده بسبب أننا نقلنا صورة غلط
الجين تو عربيه إقتصاديه مش رياضيه ثباتها و سحبها و خامتها هو ثبات و سحب و خامة عربيه أقتصاديه رخيصة التكلفه فمنحملهاش أكثر من طاقتها
و علي فكره الهاله دي معموله علي كذا عربيه هنا في المنتدي و بالتالي بنلاقي ناس خدت الكلام و نزلت تنفذه في الشارع فيحصل مشاكل

و ده مش عيب في شركة بروتون لو مرسيدس حبت تعمل عربيه بنفس تكلفة الجين تو هاتبقي تقريبا نفس الأداء و الخامة

[eng.m7md.ali]

هيا حاجة غريبة فعلاً

الحمد لله انك بخير وانها جات على كدة وبس

حالة الكاوتش؟ الزوايا ؟ العفشة ؟ .. كل ده عاملين ايه لان من الصعب ان عربية جين2 من سرعة 90 بس تعمل كدة

[J A G U A R]

حمد لله على سلامه حضرتك

[ram elnahas]

الله يسلمكم جميعا ... و منشفكمش ابدا فى حاجة وحشة... اللهم آمين...
كلامكم بصراحة كلكم مقنع

[mahmoud_ali]

قدر الله وما شاء فعل حمدلله على سلامتك

[فتح الباب]

حمدا لله على سلامتك الاول
حضرتك اللى كسرت شمال ولا العربيه هى اللى خطفت لوحدها ولو انى مستبعد دى اساسا لان انا عندى فى دورة الباور للدركسيون كهرباء فقط وليس زيت . عربيه شارك لما فصل منى الباور ما حصلش حاجه من دى رغم المفروض الخطوره تكون اكبر فى مثل حالتى . هو الباور فى الجين زيت ولا كهرباء وعموما انا مش بجيب العيب عند الباور الكهربا لكن مش متخيل الواقعه بالظبط

[Omar Mahmoud]

مش طبيعي ابدا حاجة زي تحصل في الجين 2 علي 90 كيلو
الزوايا و العفشة حالتهم ايه؟؟

[ram elnahas]

حمدا لله على سلامتك الاول
حضرتك اللى كسرت شمال ولا العربيه هى اللى خطفت لوحدها ولو انى مستبعد دى اساسا لان انا عندى فى دورة الباور للدركسيون كهرباء فقط وليس زيت . عربيه شارك لما فصل منى الباور ما حصلش حاجه من دى رغم المفروض الخطوره تكون اكبر فى مثل حالتى . هو الباور فى الجين زيت ولا كهرباء وعموما انا مش بجيب العيب عند الباور الكهربا لكن مش متخيل الواقعه بالظبط

انا اللى كسرت شمال... بعد كدة العربية عامت منى... الباور بتاعها زيت

[FOUR 2014]

الحمد لله علي سلامتك

[daliag]

قدر الله وماشاء فعل

[DESIGNER105]

لا مش طبيعى ..ياما عملت بيها غرز على سرعات على المحور ....بص على الكاوتش عندك ممكن قدم قديم وامتاكل او نوعية سيئة. او الطريق نفسو كان فيه رمله او ماية او زيت او اى حاجه .....لكن ده ميمنعش برضو ان السواقه ملهاش كبير و ونخلى بالنا مهما كانت العربية ....