معا ضد التوكيل

[ussamalh]

اكتبها ياستاذ

اكتب من فضلك الصيغة
و وريهلنا و الاخوه كلنا نتشارك رالراى فيها بس من فضلك ركز على نقط منها
1-عدم كفاية مراكز الخدمه و صغر حجمها مع العدد الكبير للسيارت
2- عدم توافر قطع الغيار
3-سوء المعاملة من مهندسين الاستقبال وعدم وجود فنين مدربين

ولك جزيل الشكر على تعاونك مع الاخوه جميعا

[MohabSaeed]

لو المشكله على الصيغه
انا ممكن اكتبها
لو عاوزيني
ادوني الاوكي
وانا اكتب
مستني رايكم

ياريت انا مستنى اى جديد فى الموضوع

ديه مشاكلى الاساسيه مع التوكيل


1- اسعار قطع الغيار المبالغ فيها بشكل غير طبيعى و توازى اسعار اليابانى و فى بعض الاحيان اغلى ....... ((( و ديه اهم واكبر مشكله ))) " مثلا علبة دركسيون 4350 جنيه , فانوس امامى 1850 جنيه , سير كاتينه 520 جنيه " . احنا كنه بنتكلم فى اسعار قطع غيار بتقارن بالالمانى !!!

2- الصغر المتناهى لورشه بروتون فعلا صغيره جدا جدا جدا جدا و مش مستحمله كل اعداد العربيات الى بتدخلها .

3- قله مراكز الخدمه , شى غير مفهوم ازاى 3 مراكز خدمه بس , واحد منهم للخدمه السريعه ؟

4- الامبلاه من الصنايعيه و مهندسى الاستقبال

5- مشكله كبيره بالنسبالى ان اسيب عربيتى و ماشوفش بعينى الى بيحصل فيها ايه ....حاليا كل مراكز الخدمه الكبيره بتخلى العميل يشوف عربيته و هى بتتصلح من خلال جلوسه فى الاستراحه .

6- مده الضمان غير كافيه , المفروض يكون 5 سنوات او 100000 كيلو , مش 3 سنوات و 60000 كيلو .

7- مافيش اى عروض او تخفيضات فى اعمال الصيانه الدوريه زى باقى التوكيلات حتى لتشجيع العملاء لعمل الصيانه فى التوكيل بعد انتهاء فتره الضمان .

[MaGiC]

طيب يا جماعه اي حد من اسكندريه يقول رايو عشان انا راي ان اسكندريه التوكيل مفهوش غلطه بصراحه ولاا شفت منو حاجه وحشه نهائي لو كده يبقه فروع القاهره بس هي الي فيها مشاكل ودي تبقى مشكله كبير
طبعا ولاازم توصلو لحل باسرع وقت والتنفيذ يكون حقيقي مش بس كلام وانا اعرف واحد صحبي بيتكلم انجليزي كويس جدا وهخليه يكتب ليكم الجواب ده وهعرضو عليكم هنا

برب

[pharonicking]

التوكيل

ياجماعة انا متابع المشكلة بس ياريت نسال على قطع الغيار ومراكز الصيانةالاول قبل مانشترى اى عربية لان سوق السيارات فى مصر بقت سلطة واى توكيل بيجيب اى عربية ويرميها هنا وخلاص ويبعها ومحدش يدور عليها بعد كدة وادى النتيجة """ اللى انتو فيه دلوقتى :k20:وعندى اقتراح ليكو بدل مانتو مستنيين حد يكتب لكم ايميل بالانجلش اكتبوه بالعربى وابعتوه ""الشركة عندها ناس بتقرا عربى كويس:ack2: والاماكانوش نزلوا العربية فى مصر""ربنا معاكم""

[ahmad alshaaer]

تمااااام ماجيك
انا كنت هكتب الصيغه بالعربي
لو في حد هيكتب انجليزي يبقى افضل طبعااا
ومستني ردودكم

[khpopo]

لو سمحتم اضيف لما قال الاخوة لانة كل كويس وتمام
هى خدمة الطريق السريعة واعطال الطريق انتم نسينها كل التوكيلات عاملة كدة حتى فى عربيات صينى وخدمة الرقم المختصر للحجز والاستفسار عن قطع الغيار........ ربنا يهدى عز العرب ويروقها زى ماروقته
ربنا يوفق معكم قلبا وقالبا

[elmadawy]

يا جماعة انا كنت ضيغه للموضوع عايز رايكم فية
first i want to thank you for giving us the chance to find acar like proton gen2 that we can not describe its advantages but i have some reservations about your agent (ez alarab) in egypt that may effect on our trust on this car like the way of maintenance that i can say that ez alarab do not have the trained engineers or workers to deal with the car with atrue method and this happened with me and they do not have the ability to deal with customers and reflect this on your big company this is not all things but also i want to remember you about the poor marketing of the car comparing with another cars like optra and hunda and i think that gen2 have more avdantages comparing with these cars so please think about this thing and remember that egypt has an open market so you must think about your agent ez alarab .
with my great pleasure ,,,
وياريت كل واحد يدني راية في الموضوع وشكرا

[shadinagi]

المعداوي باشا
انا شايفها صيغه كويسة ... كل التقدير و الاحترام للمجهود المبذول

[elmadawy]

الف شكرا يا استاذ وربنا يوفق الجميع لما في هو مصلحتنا جميعا وشكرا

[mayki4u]

الكلام دا رائع جدا بس بعد اذنكو عايزين نحط كام موقف من اللى حصلو مع الناس ونقولولهم عليها عشان ياخدو احتياطاتهم وابعت يا باشا ومنتظرين الرد
شكرا

[ahmad alshaaer]

انا فكرت اني اكتب الصيغه باللغه العربيه
ولو انتوا عاوزين تترجموها انجليزي ترجموها
او ابعتوها عربي زي ماهي وماتنسوش ان ماليزيا بلد اسلاميه
وانا هراعي في الصيغه كل التفاصيل باذن الله
الصيغه
بسم الله الرحمن الرحيم
اولا اتوجه بالشكر الى شركة بروتون والى كل العاملين على نجاح هذه المؤسسه
وتكملة لنجاح هذه الشركه وحرصاعلى تحقيق اعلى النجاحات نتقدم نحن مجموعه من بعض مالكي سيارات بروتون وخصوصا فئة gen 2
الى سادتكم بالتنويه عن بعض المشكلات التي تواجهنا من خلال وكيلكم عز العرب في القاهره
والتي سوف نذكر منها في هذه النقاط
1-قلة عدد مراكز الخدمه والتي يبلغ عددها فقط 3 مراكز على مستوى جمهورية مصر العربيه واحد فقط منهم هو الرئيسي والباقي لتغيير الزيوت والفلاتر والاعطال الطفيفه وهذا مما يسبب الاختناق والازدحام طبعا في المركز الرئيسي خاصة
2-عدم وجود اي مركز خدمه الا في القاهره والاسكندريه ولكن باقي المحافظات دون اي مراكز خدمه
3-عدم توفر قطع الغيار بصوره مستمره في جميع المراكز ومنها الرئيسي ايضا
4-عدم الاهتمام واللامبالاه من مهندسي الاستقبال والفنيين في الصيانه والاسلوب
5-عدم الاهتمام بالوقت ومن ابسط الكلمات السياره سوف تتاخر وان وصل ذلك الى 24 ساعه اي اليوم التالي وان كان العطل طفيف جدا
6-ضيق المكان في المركز بالنسبه للورشه عدد 6 رافعه فقط
7-عدم وجود استراحه للعملاء
8-عدم مراعاة رؤية العميل للسياره اثناء صيانتها علما بان اغلب مراكز الصيانه للشركات الاخرى بامكان العميل ان يرى سيارته اثناء صيانتها
9-عدم وجود اي اعلانات للسياره سواء مرئيه او مسموعه
10-عدم وجود نظام في استلام السياره وتسليمها وان كان هناك غسيل مجاني لايتم الغسيل اساسا
11-المغالاه في اسعار قطع الغيار للسياره وعد وجودها اغلب الاوقات كما ذكرت
12-عدم وجود شخص يسمع للشكوى عند حدوث مشكله
وغير ذلك من المشكلات التي نكتفي بذكر هذه النقاط منها ونحن كملاك سيارات بروتون من الصعب علينا ان نفقد الثقه في شركة بروتون لان وكيلها في جمهورية مصر العربيه قد اخفق في معاملة اصحابها وفي حق السياره بدون اي اعلان عنها ونحن ملاكها نلعب دور الاعلان عن السياره فلنا الحق ان تكون شركة بروتون في صفنا كملاك لسياراتها ونشكركم على حسن تعاونكم
والسلام عليكم ورحمة الله وبركاته
مقدمه لسيادتكم مجموعه من مالكي سيارات بروتون في مصر

[khpopo]

انا فكرت اني اكتب الصيغه باللغه العربيه
ولو انتوا عاوزين تترجموها انجليزي ترجموها
او ابعتوها عربي زي ماهي وماتنسوش ان ماليزيا بلد اسلاميه
وانا هراعي في الصيغه كل التفاصيل باذن الله
الصيغه
بسم الله الرحمن الرحيم
اولا اتوجه بالشكر الى شركة بروتون والى كل العاملين على نجاح هذه المؤسسه
وتكملة لنجاح هذه الشركه وحرصاعلى تحقيق اعلى النجاحات نتقدم نحن مجموعه من بعض مالكي سيارات بروتون وخصوصا فئة gen 2
الى سادتكم بالتنويه عن بعض المشكلات التي تواجهنا من خلال وكيلكم عز العرب في القاهره
والتي سوف نذكر منها في هذه النقاط
1-قلة عدد مراكز الخدمه والتي يبلغ عددها فقط 3 مراكز على مستوى جمهورية مصر العربيه واحد فقط منهم هو الرئيسي والباقي لتغيير الزيوت والفلاتر والاعطال الطفيفه وهذا مما يسبب الاختناق والازدحام طبعا في المركز الرئيسي خاصة
2-عدم وجود اي مركز خدمه الا في القاهره والاسكندريه ولكن باقي المحافظات دون اي مراكز خدمه
3-عدم توفر قطع الغيار بصوره مستمره في جميع المراكز ومنها الرئيسي ايضا
4-عدم الاهتمام واللامبالاه من مهندسي الاستقبال والفنيين في الصيانه والاسلوب
5-عدم الاهتمام بالوقت ومن ابسط الكلمات السياره سوف تتاخر وان وصل ذلك الى 24 ساعه اي اليوم التالي وان كان العطل طفيف جدا
6-ضيق المكان في المركز بالنسبه للورشه عدد 6 رافعه فقط
7-عدم وجود استراحه للعملاء
8-عدم مراعاة رؤية العميل للسياره اثناء صيانتها علما بان اغلب مراكز الصيانه للشركات الاخرى بامكان العميل ان يرى سيارته اثناء صيانتها
9-عدم وجود اي اعلانات للسياره سواء مرئيه او مسموعه
10-عدم وجود نظام في استلام السياره وتسليمها وان كان هناك غسيل مجاني لايتم الغسيل اساسا
11-المغالاه في اسعار قطع الغيار للسياره وعد وجودها اغلب الاوقات كما ذكرت
12-عدم وجود شخص يسمع للشكوى عند حدوث مشكله
وغير ذلك من المشكلات التي نكتفي بذكر هذه النقاط منها ونحن كملاك سيارات بروتون من الصعب علينا ان نفقد الثقه في شركة بروتون لان وكيلها في جمهورية مصر العربيه قد اخفق في معاملة اصحابها وفي حق السياره بدون اي اعلان عنها ونحن ملاكها نلعب دور الاعلان عن السياره فلنا الحق ان تكون شركة بروتون في صفنا كملاك لسياراتها ونشكركم على حسن تعاونكم
والسلام عليكم ورحمة الله وبركاته
مقدمه لسيادتكم مجموعه من مالكي سيارات بروتون في مصر

+100000000000000
كويس قوى كدة الكلام واضح وصريح وكلام جماعى وشامل لجميع عيوب عز المتعب
بس ياريت كمان نضيف ان يكون فى خدمة طرق وخدمة سريعة ورقم مختصر وبعدين توقيع جميع المالكين برقم الشاسية ونبعت مهموز سريع فى عز .....
ربنا يوفق

[ahmad alshaaer]

ضيفه انته يارجاله بقه اللي انتوا عاوزينه وفين الاستاذ توت في الموضوع ده والاستاذ احمد صياااااام
وحشيني ياجماعه
والاستاذ ماجيك ماعندوش مشاكل في اسكندريه وواحشني جدااا هو كمان وربنا يكرمه

[mayki4u]

كده تمام قوى وزى الفل مين هيترجم او مين هيبعته زى ما هو عشان احنا متشوقين لردهم؟؟؟؟؟؟؟؟؟

[mohamedkamal86]

طيب ياجماعه دلوقتى مين عنده الميل بتاع الشركه عشان نبعت عليه