معا ضد التوكيل

[momenhamdy]

كلامك جميل يا استاذ توت انت انسان محترم جدا وانا حبيت اتكلم فى الموضوع دة عشان المشاركة ليكو بس استفسار من حضرتك مكتوب فى بداية الاسعار من فوق "" there is nothing average about "Gen 2 --except the price معنى الترجمة حرفيا---- لايوجد شىء متوسط عن الجين2 عدا السعر !! معناها ايه الجملة دى؟

طبعاً انا حرد بالنيابة عن الاخ الفاضل توت و ياريت لو تفسيري غلط حضرتك صححهولي
المفهموم من الجملة دي يا استاذي الفاضل ان الحاجة الوحيدة في العربية الي كفائها متوسطة او ممكن ان يقال عليها متوسطة هو السعر فقط و ان كل امكانيات العربية علي كفاءه عالية دا تفسيري للجملة
و لو الاخ توت عنده تفسير اخر ياريت يوضحه
وشكراً

[ahmad alshaaer]

شكراا للاستاذ توت على قبول دعوتي بالمشاركه وزي ماحنا كنا ماشيين ياجماعه
نكلم الشركه الام ومش ك شكوى لا بل كتوضيح للي حاصل مش اكتر
بس نهتم شويه ونشد حيلنا ونطلب كمان شخص نلجأله لو ماتحلتش المشاكل بعد الشكوى ويكون في ايده انه يقدر يفيد العميل
واتمنى نشوف ايه المطلوب ياجماعه ونعمله بقه عشان الوقت
وانا عندي راي تاني
يحصل ايه لو اتجمعنا كلنا في يوم واحنا رايحين الصيانه وندخل للمسؤول الكبير ايا كان اسمه كلنا كده ونشرحله اللي احنا ناويين نعمله لو الحال ماتصلحش
انا واحد من الناس عندي خشانه في العربيه وتزييق ورحت صيانتين 1000و5000
وقالولي الجلده المسؤوله عن الموضوع ده مش موجوده
قصدي يعني نتكلم جماعيا في يوم واحد وكل واحد يجهز مشكلته
هاااا
قلتوا ايه

[Eng.Sameh]

اولا أحب اشكركم جميعا لثنائكم على الخبر الخاص بالمركز الجديد ، وعلى فكره هو خلاص بيتشطب اليويمن دول وأنا عرفت الكلام ده لأني روحت التوكيل فعلا امبارح ، وعرفت الكلام ده من المهندس احمد عبد الحميد ، وهو مدير خدمة ما بعد البيع والعضو المنتدب بمجموعة عز العرب ، والراجل ده يا جماعة محترم فعلا احترام فوق الوصف ، ويمكن ده من الأسباب اللي خلتني اقولكم اتعاملو معاهم الأول ، وعشان توصلو لأحسن نتيجه ، خليكم مع المهندس احمد عبد الحكيد ، وده لسببين
1 - انه زي ما قلت محترم جدا وكمان مش بيقول كلمه غير وهو متأكد منها ومسئول عنها
2 - انه هو المسؤل الأول عن خدمة ما بعد البيع واللي هي تشمل كل المشاكل المقدمه

فخليكم معاه الأول وشوفو رد فعله وبيعدين قررو ،

ده رأي ، وطبعا الرأي الأخير للأغلبيه

والله ولي التوفيق

[Eng.Sameh]

بالنسبه لنقطة السعر في انجلترا وانها اغلى من مصر ، فيه نقطه صغيره ، عشان بس نكون صادقين مع انفسنا ، وهي ان اللي في انجلترا مختلفة كتير جدا عن اللي في مصر ، وادخلو على موقعهم وشوفو جين2 ايكولوجيك اللي نازلة عندهم عاملة ازاي

[Eng.Sameh]

شكراا للاستاذ توت على قبول دعوتي بالمشاركه وزي ماحنا كنا ماشيين ياجماعه
نكلم الشركه الام ومش ك شكوى لا بل كتوضيح للي حاصل مش اكتر
بس نهتم شويه ونشد حيلنا ونطلب كمان شخص نلجأله لو ماتحلتش المشاكل بعد الشكوى ويكون في ايده انه يقدر يفيد العميل
واتمنى نشوف ايه المطلوب ياجماعه ونعمله بقه عشان الوقت
وانا عندي راي تاني
يحصل ايه لو اتجمعنا كلنا في يوم واحنا رايحين الصيانه وندخل للمسؤول الكبير ايا كان اسمه كلنا كده ونشرحله اللي احنا ناويين نعمله لو الحال ماتصلحش
انا واحد من الناس عندي خشانه في العربيه وتزييق ورحت صيانتين 1000و5000
وقالولي الجلده المسؤوله عن الموضوع ده مش موجوده
قصدي يعني نتكلم جماعيا في يوم واحد وكل واحد يجهز مشكلته
هاااا
قلتوا ايه

اهي فكره انكم تروحو جماعة وتتكلمو مع مسؤول كبير دي احسن فكره فعلا ، واكبر مسؤول عن خدمة ما بعد البيع هوه المهندس احمد عبد الحميد ، وزي ما قولت قبل كده انكم فعلا كلكم هتشهدو بمدى احترامو وايجابيته ، وربنا يوفقكم

[tutankhamoun]

كلامك جميل يا استاذ توت انت انسان محترم جدا وانا حبيت اتكلم فى الموضوع دة عشان المشاركة ليكو بس استفسار من حضرتك مكتوب فى بداية الاسعار من فوق "" there is nothing average about "Gen 2 --except the price معنى الترجمة حرفيا---- لايوجد شىء متوسط عن الجين2 عدا السعر !! معناها ايه الجملة دى؟

أهلا يا دكتور محمد
بالنسبة للجملة المذكورة
أولا هي جملة تسويقية بحتة ........ و بتعني
أنك تدفع فلوس متوسطة مقابل سيارة بها نسبة أمان عالية و قوية و فيها كماليات .......... الخ
ده كلام تسويقي

بالظبط زي الاعلانات اللي بنشوفها في مصر
يقولك ........ السيارة الفلانية ب 150 الف فقط لا غير
و كلام من ده
على فكرة سعر الجين 2 هناك زي سعر اللانسر و المازدا 3 و و أقل 500 جنيه استرليني عن السيات الليون
يعني العربية في مصر ........ صفقة رابحة إن شاء الله للي عايز يشتريها لو قارنت سعرها بسعر منافسيها

شكرا للباشمهندس مؤمن على التوضيح ....... ربنا يباركلك
و منور الموضوع يا دكتور محمد
--------------------------------

بالنسبه لنقطة السعر في انجلترا وانها اغلى من مصر ، فيه نقطه صغيره ، عشان بس نكون صادقين مع انفسنا ، وهي ان اللي في انجلترا مختلفة كتير جدا عن اللي في مصر ، وادخلو على موقعهم وشوفو جين2 ايكولوجيك اللي نازلة عندهم عاملة ازاي

معاك يا باشمهندس سامح ان فيه اختلاف في الخامات الداخلية فقط لا غير
بس برضه ....... اللي في مصر أنا شوفت واحد صارف عليها 300 جنيه على الفرش و محوله لفرش جلد

و الله و الله و الله
لما شوفت العربية أفتكرته فبريكة و سألته هي نازلة كدا و لا أيه ؟؟

يعني برضه موضوع الفرش الداخلي محلول و بسيطة

و شكرا مرة أخرى على المعلومات عن مركز الخدمة الجديد الذي يتم فتحه و شكرا على مشاركتك معنا و لو حتى بمشاعرك و رأيك و لهو لإحساس جميل منك
و رنبا يرزقك بعربية حلوة و تكون مناسبة ليك إن شاء الله

يا استاذ / توت
عز العرب عارف كل المشاكل ال عندة ومش عايز يغير من الطريقه الخاصة بيه او حتي التغير لانه عارف ان الحاجه ال عندة الناس بتحبها وهي ال بتروح وتشتريها .
وزي ما انت بتكتب في اخر كل رساله ليك
الشعب مينفعش معاه غير كدة
وبالتالي لازم يكون لينا موقف معاه وهو اننا نرسل رساله للشركة الام في ماليزيا ونقالهم عن كل ال مش عجبنا في التوكيل في مصر وشكرا

أستاذ معداوي
أهلا بيك يا باشا
أنا عارف ان الاخوة في التوكيل عارفين كل حاجة عن المشاكل
لكن لما يعرفوا ان الناس مش عاجبها
أكيد هايكون في تحرك
و لو لم يكن هناك تحرك و تمت الاستعانة بالشركة الأم
يبقى أحنا كدا مش غلطانيين

أنا كل قصدي عدم التعدي على عز العرب بمحادثة الشركة الأم مباشرة

يمكن لما نكلمهم الأول في مشاكلنا يقدروا الموقف و يفهمونا أكتر و نشوف حلول إن شاء الله
لأن أحنا اشرينا منهم سلعة وواجب عليهم صيانتها
ده بالاضافة ان الصيانة دي مش ببلاش
ده احنا بندفع فلوس
يعني التوكيل مستفيد مننا و أحنا أستفدنا منه بشراء السيارة

يبقى عايزين نعمل علاقة ثقة بينا و بينهم قبل الاتصال بالشركة الأم



شكرا للأستاذ مهاب و أنا معاك و برضه في حيرة
بس أنا شايف منتعداش التوكيل في الأول إلا إذا لم يستجيبوا لمطالبنا

و إن شاء الله تعمل صياناتك على خير و عقبال صيانة المليون كيلومتر

[tutankhamoun]

تم إرسال رسالتين الكترونيتين إلى الأستاذ احمد عبد الحميد و الأستاذ ابراهيم حبيب
و منتظرين ردودهم ان شاء الله في الموضوع

و ربنا يقدم اللي فيه الخير باذن الله تعالى و دون ان نحتاج الى مخاطبة بروتون ماليزيا في شئ

و هذه نص الرسالة

السلام عليكم و رحمة الله و بركاته
السادة الأفاضل
الأستاذ أحمد عبد الحميد و الأستاذ ابراهيم حبيب

نحن مجموعة من عملاء مجموعة عز العرب من مشتري السيارة بروتون في العموم من الموديلات المختلفة لماركة بروتون

نحن أعضاء في منتدى للسيارات و هو أكبر منتدى مصري للسيارات ألا و هو
www.nilemotors.net

لقد اُثير على صفحات المنتدى مشكلة جودة الخدمات المقدمة من الوكيل الحصري لبروتون في خدمة ما بعد البيع
و هذا بعض من المشاكل التي نواجهها

-قلة عدد مراكز الخدمه والتي يبلغ عددها فقط 3 مراكز على مستوى جمهورية مصر العربيه واحد فقط منهم هو الرئيسي والباقي لتغيير الزيوت والفلاتر والاعطال الطفيفه وهذا مما يسبب الاختناق والازدحام طبعا في المركز الرئيسي خاصة
2-عدم وجود اي مركز خدمه الا في القاهره والاسكندريه ولكن باقي المحافظات دون اي مراكز خدمه
3-عدم توفر قطع الغيار بصوره مستمره في جميع المراكز ومنها الرئيسي ايضا
4-عدم الاهتمام واللامبالاه من مهندسي الاستقبال والفنيين في الصيانه والاسلوب
5-عدم الاهتمام بالوقت ومن ابسط الكلمات السياره سوف تتاخر وان وصل ذلك الى 24 ساعه اي اليوم التالي وان كان العطل طفيف جدا
6-ضيق المكان في المركز بالنسبه للورشه عدد 6 رافعه فقط

7-عدم مراعاة رؤية العميل للسياره اثناء صيانتها علما بان اغلب مراكز الصيانه للشركات الاخرى بامكان العميل ان يرى سيارته اثناء صيانتها
8-عدم وجود اي اعلانات للسياره سواء مرئيه او مسموعه
9-عدم وجود نظام في استلام السياره وتسليمها وان كان هناك غسيل مجاني لايتم الغسيل اساسا
10-المغالاه في اسعار قطع الغيار للسياره وعد وجودها اغلب الاوقات كما ذكرت
11-عدم وجود شخص يسمع للشكوى عند حدوث مشكله
12- عدم وجود نظام الحجز المقدم ( بالهاتف ) للصيانة مما يضطر العملاء للتواجد باكرا أمام مركز الخدمة و حتى قبل فتح المركز أبوابه بساعيتن أو ثلاثة حتى نحجز دور لنا في طابور السيارات القادمة للصيانة

و هذا رابط أحد المواضيع التي تكلمنا فيها كأعضاء عن مشاكلنا في خدمة ما بعد البيع

http://www.nilemotors.net/Nile/showthread.php?t=43142&page=5

و الأعضاء على استعداد تام لإرسال أرقام المحرك و الشاسيه و موديل السيارة و نوعها


نشكر سياداتكم على سعة صدوركم و نشكركم مقدما لحل مشاكلنا إن شاء الله

أيه رأيكم ؟؟؟؟
على فكرة الرسالة الإنجليزية جاهزة و التي سيتم إرسالها لماليزيا ما لم يتم البت في اقتراحتنا ( لن أسميها شكوى )
و انا لن أراسل ماليزيا بدون موافقتكم جميعا
و أيضا لأهمية إرسال بيانات السيارات فقط و ليس بيانات الأعضاء
مثل رقم المحرك أو أخر أربعة أرقام منه و أيضا الشاسيه لإظهار الجدية
على فكرة الوحيد الذي قام بإرسال رقم الشاسيه الخاص به و المحرك هو الأستاذ الفاضل مُهاب سعيد

و أشكره بشدة على ثقته في شخصي

و السلام عليكم و رحمة الله و بركاته

[ahmad alshaaer]

شكراااااااا للاستاذ توت على مجهوده الرائع وربنا يكرمنا ويبارك لنا في سياراتنا

[tutankhamoun]

شكراااااااا للاستاذ توت على مجهوده الرائع وربنا يكرمنا ويبارك لنا في سياراتنا

العفو يا استاذ احمد و شكرا ليك انت كمان
لأن النقاط الموجودة في الرسالة من مجهودك
لأن دي النقاط أو المشاكل الأصلية و اللي تم تجمعيها في مداخلتك في صفحة رقم 4 تقريبا
و لذلك وجب شكرك و شكر الجميع للمساهمة في رفع كفائة خدمات ما بعد البيع

و يجب أن يفهم التوكيل ان السمعة الحسنة ستزود لهم المبيعات مما سيزود لهم الأرباح و يوطد الأسم التجاري لعز العرب في السوق
خصوصا انهم شغالين في كذا ماركة زي
سيتروين و بي ام و دودج و موتوسيكلات كاوساكي و بروتون و الماركة الصيني جريت وول اللي أشتغل فيها مؤخرا

و السلام عليكم و رحمة الله و بركاته

[elmadawy]

الله ينور عليك يا استاذ توت وربنا يسهل وتعمل حاجه الرساله ديه

[khpopo]

;)شكراااااا جداااا لتعبك واهتمامك بالموضوع لهذة الدرجة والكلام المرتب الشامل ;)
على فكرة انا كنت من الاراء لارسال الميل الى بروتون وخصوصا ان حبيب هناك كمان عز بيوصلة نسخة فى ذات الوقت من الرسالة الى بتروح لبروتون اتوماتيكا وذلك لااخذ المواضيع بجدية معهم لان كان مرة فى اول سنة للجين 2 حصل برضة مشاكل وبروتون وصلهم كتير من النوع دة ارسلت بروتون مجموعة من الفنين كمان اهتمت فى ارسال قطع الغيار وبدا نوع من الاهتمام مع المبيعات الى زادات وتركيب رافعات جديدة لانى دخلت المركز دة وكان فى 3 رافعات او 2 والدنيا اتظبطت فترة ودة لان بروتون نفسها بيتهيالى محتاج برضة ضغط من المالكين للاهتمام :angelsad2::angelsad2:
ربنا يوفق

[mayki4u]

متشكر جدا يا استاذ تووت على اهتمامك بالموضوع وأرجو افادتنا عند الرد عليك
شكرا

[MedaSam]

rabena ma3ako ya regalla

I hope your suggestions find a space in the coming EZZ improvements plan.

TUT basha, do you mind sending the English version of your mail? I just want to help in the mail editing to be in a professional form. I am sure of your translation quality, bas zyadet el 7'eer 7'eryeen :D .

I do not have a Proton car, but I am interested in GEN2 and I am concerned about colleagues comments about EZZ.

[ahmedsiyam]

الاخ الفاضل توت

انا باحييك طبعا على المجهود الاكثر من رائع مع انك ماشاء الله من الناس اللى مبسوطة من العربية وماعندكش مشاكل فيها انما تضامنك مع اخوانك هنا فى المنتدى شيئ جميل الصراحة و لا بد اننا نحييك عليه

للاسف انا ماكنتش متابع الموضوع اوى انما هاركز معاك و مع الاخوة فى الموضوع ده سعيا لاننا نوصل بالعربية اللى احنا حابينها لاحسن مايكون و يكون فى صالحنا كعملاء

[MohabSaeed]

تسلم ايدك يا استاذ توت جزاك الله كل خير
الرساله فعلا متضمنه كل المشاكل و الاراء الى اتكلمنا فيها , فيماعادا نقطه مهمه كان استاذ khpopo اضافها و هى عدم وجود خدمه انقاذ سريع , او صيانه متنقله .... انا شايف برده ان ديه حاجه مهمه جدا و معظم التوكيلات مطبقاها
يعنى لقدر الله لو العربيه عطلت فى نص الطريق اروح اجيب ميكانيكى ولا كهربائى اى كلام علاشان يبوظلى العربيه و يلعب فيها ؟؟.
ديه نقطه مهمه جدا .

ياريت نسمع رد من م/ احمد عبد الحميد و أ/ حبيب فى اقرب فرصه و نشوف حيقولو ايه . و انا بالنسبالى مع حضراتكم فى اى مقابله مع ممثلى عز العرب فى اى وقت لمناقشة المشاكل و الاراء ديه .

لو الرد كان سلبى نبدأ نتكلم مع بروتون مباشرتاً .

بس ان شاء الله انا متفائل خير ان الوضع حيتغير للاحسن .