سرقة وفى رمضان

[smsmsaad]

الحمد لله وقدر الله وماشاء فعل.....
نزلت الصبح ولقيت الباب اللى جنبى مفتوح والازاز بتاعى مكسور والعربية فى مكانها
الغريب انه مخدش حاجة
اطمنت على البطارية والكاسيت وكل حاجة

سبحان الله انا مستغرب .... فى رمضان !!!!!!!!!! الحمد لله وحسبنا الله ونعم الوكيل

لو سمحتوا افيدونى اعمل الازاز فين وبكام...وهل ده هيأثر على مكنة الباب ، وعلى الضمان

[mr.moustafa]

الحمد لله ، انت عندك تأمين ؟؟

[smsmsaad]

الحمد لله ، انت عندك تأمين ؟؟

لا معنديش....هى موديل 2013 وفيها سنة ونصف

[Usama Nagi]

اعمله عند دكتور جريش كويس و ده مش هيأثر علي مكنه الزجاج و لا علي الضمان
علي ما اظن الزجاج مالوش ضمان

[moh_faheem]

قدر الله وماشاء فعل

[ahmedelrayan]

الحمد لله قدر الله وما شاء فعل وكويس انها جت على زجاج الباب

[smsmsaad]

جزاكم الله خيرا ... والحمد لله

[FOUR 2014]

ممكن ميكونش حرامي ممكن العيال كسرو بالكورة وفتحو الباب
انا مره نسيت اقفل العربيه ونزلت لقيت العيال فتحين العربية ولعبو في التابلوة ومفيش حاجه الحمد لله اتسرقت

[Omar Mahmoud]

قدر الله و ما شاء فعل
قبل ما تعمل الإزاز برة اسأل التوكيل لو اتغير فيها مشكلة و لا لأ لان دول بيتلككوا إن العميل يطلع من الضمان.
في 3 حلول
الاول تجيبه جديد من عند دكتور جريش و ده مش غالي اوي بس هتبان إنك مغير إزاز.
التاني تشوفه استيراد و ده المفروض مش هتفرق لأن الكتابة علي الإزاز واحدة.
التالت تجيبه من التوكيل و ده اخر حل خالص لانه السعر هيكون مبالغ فيه.

[carrier]

ده مش حرامى حضرتك ... دى طوبه طايشة ممكن
الحمد لله

مفيش لك غير حل واحد ملوش تانى

تروح على طول الصبح الحرفيين عند
ملك البروتون
تجيب الزجاج من عنده استيراد وهو يركبهولك مقابل تمنه انت وشطارتك - من 150 ل 200ج + 20ج تركيب

[Dr\Mohamed]

الحمد لله إنها جت على قد كده

أما بخصوص إن حضرتك مستغرب من إللي لم يراعي شهر رمضان فأنا قبل كده فكرت في الموضوع ده لما تلاقي حد مصمم على المعصية حتى في رمضان ووصلت لتفسير بسيط جدا ومقنع وهو

( من لا يرجو لله وقارا ..... لا يرجو لرمضان وقارا )
فمع تقلب الزمان .... واختلاف المكان .... تظل حدود الله ثابتة وتعديها إثم
مجرد رأي شخصي

[أسامه الحسيني]

الحراميه مش بتفرق معاهم رمضان من غيره بل بالعكس يعتبر رمضان موسم بالنسبه ليهم
انا شقة حمايا هوا وجاره اتسرقت مواتتير المياه ساعت الفطار

[RedBull_30]

بالمناسبة خامة زجاج الابواب للجين 2 مش قد كده ومع تجربتي معاها في تكرار فتح الزجاج و قفله لقيت انها بتعمل خدوش في نص الزجاج و كأنها عربية قديمة زي مثلا الفيات ال 128 .. في رأي مش هتفرق انك تجيبه من التوكيل او استيراد او د. جريش .
متبقاش مطمئن للتوكيل بان كل قطع الغيار اصلية .. والمثال البسيط تيل الفرامل عنده نوعين غير البوش ومن المفترض انه ميبعش غير الاصلي .

الحاجة الوحيدة اللي كنت بكلف نفسي و اجيبها من التوكيل هو فلتر الزيت , كنت بقول يمكن يبقى نوعه نضيف وميعملش مشكلة .

[eng.m7md.ali]

الحمد لله انها جات على كدة .. حضرتك مستغرب ان في ناس بتسرق في رمضان .. طب ماهو في ناس بتقتل ناس غلابة بدون ذنب في رمضان بردو

الحرام هيفضل حرام سواء في رمضان او بعد رمضان وربنا يسترها علينا

بالمناسبة خامة زجاج الابواب للجين 2 مش قد كده ومع تجربتي معاها في تكرار فتح الزجاج و قفله لقيت انها بتعمل خدوش في نص الزجاج و كأنها عربية قديمة زي مثلا الفيات ال 128 .. في رأي مش هتفرق انك تجيبه من التوكيل او استيراد او د. جريش .
متبقاش مطمئن للتوكيل بان كل قطع الغيار اصلية .. والمثال البسيط تيل الفرامل عنده نوعين غير البوش ومن المفترض انه ميبعش غير الاصلي .

الحاجة الوحيدة اللي كنت بكلف نفسي و اجيبها من التوكيل هو فلتر الزيت , كنت بقول يمكن يبقى نوعه نضيف وميعملش مشكلة .

دي مشكلة الكاوتش او الفرشة مش في خامة الزجاج نفسه

الكاوتش لما بينشف بيعمل كدة في الازاز

[smsmsaad]

ممكن ميكونش حرامي ممكن العيال كسرو بالكورة وفتحو الباب
انا مره نسيت اقفل العربيه ونزلت لقيت العيال فتحين العربية ولعبو في التابلوة ومفيش حاجه الحمد لله اتسرقت
ده مش حرامى حضرتك ... دى طوبه طايشة ممكن
لا ده سعادته فاكك كاوتشة الزجاج بمفك ومحفر فى اطار الباب