عاوز آعرف اماكن لتظبيط الجين تو ( كم انت عظيم يا بروتوني )

[e.s.o]

السسسسسسسسسسلام عليكم ورحمة الله وبركاتة
مسا مسا علي كل بروتوني آصيل , بما اني بقيت بروتوني انا كمان زيكم

دلوقتي انا اشتريت الجين تو 2007 لونها فيراني هي عايزه شويه تظبيطات طبعا من جوا ومن برا فيها شويه خبطات بسيطة مع خرابيش وكدا
والفانوس الي ورا الباغه مش موجوده

ثانياً العربية لسه علي دهان الفابريكا مرشتش خالص

وانا لسه في بداية سواقتي وكدا فا تنصحوني بـ ايه اولاً
انا حابب اظبط الدنيا جوا العربية واكسيسورات وحركات وبتاع
والعربيه من جوا ليها فرش جلد بس زي ما تقولو كدا اتبهدلت او حاجه زي كدا

ياتري اعمل فرش كامل للابواب والارضيات والكراسي والكنب
ويكلفني كام ومنين والاكسيسورات في رينج كام كدا ؟

ولو في حجات تنفع للجين تو عشان تظبط شكلها وكدا قلولي عليها الله يباركلكم
انا لسه جديد في عالم السيارات اصلا فا معرفش اي حاجه خالص ومعرفش اي حاجه في اي حاجه


كل سنه وانتم طيبين

[kokowasfy]

خليها على حلها كدا لحد ما تتعلم السواقة و المشى فى الشوارع شهرين تلاتة كدا بعد ظبت و عيش لكن لو ظبت دلوقتى و لا قدر اللة خدش حصل و لا بتاع هتزعل و استمتع و عيش

[Omar Mahmoud]

اولا الف مبروك علي العربية
ثانيا بتقول إنك جديد في السواقة يعني حرام تظبتها لانك هتبقي ماشي قلقان و هيا كدة ما بالك لما تظبتها؟؟يبقي الحل تمشي بيها لحد ما تتعود عليها
ثالثا الجين 2 علشان تظبتها عايزة من الsport package (عتب جانبي و كساحات امامية خلفية و اسبويلر) بس الاسبويلر يكون بتاع العربية من موديلات 2006-2008 لأنه احسن من بتاع الجديدة.
جنوط 16 زي جنوط الواجا بس شكله هيبقي لايق اكتر علي البيرسونا او اي جنوط تاني مقاس 205/55r16.
الفوانيس الخلفية في الفوانيس الليدات و دي شكلها تحفة و الامامية في الفوانيس الرينجات
لو عايز تروشها خلي لونها فراني مع احمر او ازرق زي عربية paul walker السكايلاين في fast and the furious الجزء التاني لو ممكن.
الفرش في جينز كار و الsport package ممكن واحد بتاع فايبر يعملهم و ممكن جديد.
بالتوفيق و اسف للاطالة

[Omar Mahmoud]

http://www.nilemotors.net/Nile/103347-a.html

و ممكن تشوف ارابكوم

[e.s.o]

خليها على حلها كدا لحد ما تتعلم السواقة و المشى فى الشوارع شهرين تلاتة كدا بعد ظبت و عيش لكن لو ظبت دلوقتى و لا قدر الله خدش حصل و لا بتاع هتزعل و استمتع و عيش

تمام ماهو كله قالي خليها علي حالها كدا بدون رش لحد ما تتمكن , انا قصدي مثلا علي الفانوس الي مكسور ورا هي الباغه الحمرا البلاستك مش موجوده

ومثلا لو ظبطتلها فرش من جوا وظبط الاداء جوا دا عادي ولا لازم اظبطو مع باقي التظبيطات لما اكون متمكن ؟

والف شكر ليك

[e.s.o]

اولا الف مبروك علي العربية
ثانيا بتقول إنك جديد في السواقة يعني حرام تظبتها لانك هتبقي ماشي قلقان و هيا كدة ما بالك لما تظبتها؟؟يبقي الحل تمشي بيها لحد ما تتعود عليها
ثالثا الجين 2 علشان تظبتها عايزة من الsport package (عتب جانبي و كساحات امامية خلفية و اسبويلر) بس الاسبويلر يكون بتاع العربية من موديلات 2006-2008 لأنه احسن من بتاع الجديدة.
جنوط 16 زي جنوط الواجا بس شكله هيبقي لايق اكتر علي البيرسونا او اي جنوط تاني مقاس 205/55r16.
الفوانيس الخلفية في الفوانيس الليدات و دي شكلها تحفة و الامامية في الفوانيس الرينجات
لو عايز تروشها خلي لونها فراني مع احمر او ازرق زي عربية paul walker السكايلاين في fast and the furious الجزء التاني لو ممكن.
الفرش في جينز كار و الsport package ممكن واحد بتاع فايبر يعملهم و ممكن جديد.
بالتوفيق و اسف للاطالة

الله يبارك فيك ياجميل
عندك حق مينفعش ارشها ولا اعمل لها اي سمكره برا مثلا بس انا كان قصدي علي الفانوس المكسور او مثلا علي الفرش الداخلي بما انه متبهدل وكدا فا عادي لو ظبطت الفرش جوا وكدا ولا لازم اكون اتمكنت من السواقه ؟

هي فيها عتب وكساحات واسبويلر هي 2007
هي العربية لونها فراني مش عارف هيليق لو عملت الفرش احمر مع فراني ؟
انا شوفت العربيه لما تبقي حمرا وفرشها احمر في اسود بتبقي تحفة في موضوع جينز كار

الف شكر ليك ياجميل معليش تعبتك معايا

[Omar Mahmoud]

الله يبارك فيك ياجميل
عندك حق مينفعش ارشها ولا اعمل لها اي سمكره برا مثلا بس انا كان قصدي علي الفانوس المكسور او مثلا علي الفرش الداخلي بما انه متبهدل وكدا فا عادي لو ظبطت الفرش جوا وكدا ولا لازم اكون اتمكنت من السواقه ؟

هي فيها عتب وكساحات واسبويلر هي 2007
هي العربية لونها فراني مش عارف هيليق لو عملت الفرش احمر مع فراني ؟
انا شوفت العربيه لما تبقي حمرا وفرشها احمر في اسود بتبقي تحفة في موضوع جينز كار

الف شكر ليك ياجميل معليش تعبتك معايا

عفوا علي ايه،مفيش مشكلة
الفانوس للاسف هتضطر تجيبه كامل و في إختيارين يا إما تجيبه جديد او إستيراد ﻹن انا مشوفتش عربية الباغة بتاعت الفاموس بتتباع لوحدها.بالنسبة للفرش و توضيب العربية من جوة ده عادي مفيش مشكلة و لو عملت فرش تفصيلة cps(اللي هي اسودxاحمر)ده بيبقي تحفة و انا شوفت قبل كدة جين 2 فرانيxازرق شكلها تحفة و الاحمر كمان احسن بكتير بس طبعا هيبقي غالي شوية و حاول تشوف اللونين علي الطبيعة مع بعض علشان تقتنع بيهم.
طالما فيها عتب و كساحات و سبويلر يبقي كدة اختصرت جزء كبير من تعديل الشكل الخارجي لأن هي نازلة كدة.

[carrier]

الباغة موجوده بشركة الاهرام بالتوفيقية

ولو انت من م.نصر ابعتك لواحد يضيعلك الخرابيش بلا رش ويلمع العربية بتكلفة فى الرخيص

بالنسبة للفرش له اكتر من حل غالى ومتوسط ورخيص

مبروك
ومرحب انك معانا

[Omar Mahmoud]

الباغة موجوده بشركة الاهرام بالتوفيقية

ولو انت من م.نصر ابعتك لواحد يضيعلك الخرابيش بلا رش ويلمع العربية بتكلفة فى الرخيص

بالنسبة للفرش له اكتر من حل غالى ومتوسط ورخيص

مبروك
ومرحب انك معانا

شركة الاهرام باغة الفوانيس بتاعتهم كويسة و لا لأ؟؟؟
لأن والدي كان مجربهم زمان من 15 سنة في فيات 128 كانت بتجرب زي الفوانيس الصيني فهل الخامة بتاعتهم احسن دلوقتي؟؟
و شكرا

[e.s.o]

الباغة موجوده بشركة الاهرام بالتوفيقية

ولو انت من م.نصر ابعتك لواحد يضيعلك الخرابيش بلا رش ويلمع العربية بتكلفة فى الرخيص

بالنسبة للفرش له اكتر من حل غالى ومتوسط ورخيص

مبروك
ومرحب انك معانا

الله يبارك فيك يا جميل
انا من شبرا مصر بالنسبه للفرش مادام عادي اني اظبط جوا حتي وانا مش متمكن من السواقه يبقي هتوكل علي الله واعملو

سؤال فني بقي
انا كان عندي بيظهر في التابلوه في العداد الي علي الشمال الي بيظهر فيه الايقونات بتاعت البنزين والزيت والكلام دا كله بيظهرلي دايره وفيها علامة تعجب بيبقي لونها برتقالي متعرفش دي بتاعت ايه ؟

[e.s.o]

عفوا علي ايه،مفيش مشكلة
الفانوس للاسف هتضطر تجيبه كامل و في إختيارين يا إما تجيبه جديد او إستيراد ﻹن انا مشوفتش عربية الباغة بتاعت الفاموس بتتباع لوحدها.بالنسبة للفرش و توضيب العربية من جوة ده عادي مفيش مشكلة و لو عملت فرش تفصيلة cps(اللي هي اسودxاحمر)ده بيبقي تحفة و انا شوفت قبل كدة جين 2 فرانيxازرق شكلها تحفة و الاحمر كمان احسن بكتير بس طبعا هيبقي غالي شوية و حاول تشوف اللونين علي الطبيعة مع بعض علشان تقتنع بيهم.
طالما فيها عتب و كساحات و سبويلر يبقي كدة اختصرت جزء كبير من تعديل الشكل الخارجي لأن هي نازلة كدة.

تمام اوي كدا
هي بس هتبقي ناقصلها لو الواحد يعمل اي تعديل بسيط قدام انا شوفت عضو مش متذكر اسمه الي هو عمل فتحة سقف في الجين تو كان مظبط من قدام ورموش علي الفوانيس مخليه شكل العربية حلو
سؤال فني بقي
انا كان عندي بيظهر في التابلوه في العداد الي علي الشمال الي بيظهر فيه الايقونات بتاعت البنزين والزيت والكلام دا كله بيظهرلي دايره وفيها علامة تعجب بيبقي لونها برتقالي متعرفش دي بتاعت ايه ؟

[carrier]

بيظهرلي دايره وفيها علامة تعجب بيبقي لونها برتقالي متعرفش دي بتاعت ايه ؟

[/color]

http://www.nilemotors.net/Nile/24860-a.html

أهم اللمبات التحذيرية فى تابلوه السيارة | اخبار السيارات | قاري نت

[e.s.o]

http://www.nilemotors.net/Nile/24860-a.html

أهم اللمبات التحذيرية فى تابلوه السيارة | اخبار السيارات | قاري نت

الله يباركلك يارب
طلعت بتاعت فرامل اليد

[Omar Mahmoud]

تمام اوي كدا
هي بس هتبقي ناقصلها لو الواحد يعمل اي تعديل بسيط قدام انا شوفت عضو مش متذكر اسمه الي هو عمل فتحة سقف في الجين تو كان مظبط من قدام ورموش علي الفوانيس مخليه شكل العربية حلو
سؤال فني بقي
انا كان عندي بيظهر في التابلوه في العداد الي علي الشمال الي بيظهر فيه الايقونات بتاعت البنزين والزيت والكلام دا كله بيظهرلي دايره وفيها علامة تعجب بيبقي لونها برتقالي متعرفش دي بتاعت ايه ؟

انا لسة شايف الرد دلوقتي معلش
ايوة ممكن حاجة زي دي و لكن انا كل إعتراضي علي فتحة السقف لانها عايزة اللي يعملها واحد فاهم اوي لانه لو عملها غلط هينيل الدنيا