إيه رأيكم في الويرا الأوتوماتيك ؟؟

[A_H_M_A_D]

أنا بفكر أشتري بروتون ويرا أوتوماتيك موديل 2005 أو 2006

و كنت عايز أعرف إيه رأي الناس اللي معاهم العربية دي؟ و بالذات في جزئية الفتيس الأوتوماتيك , هل على المدى الطويل ممكن يكون فيه خوف منه ؟ مشاكله كتير مثلا أو صيانته صعبة و مكلفة؟ بمعنى تاني هل أخليني في المانيوال ءأمن و لا اتكل على الله و أجيب الأوتوماتيك؟

سؤال تاني عن مدى سهولة الصيانة و توافر قطع الغيار؟ و هل اسعارهم معقولة ولا غالية؟

بصراحة أنا كنت و لا زلت بفكر في الفيرنا و اللانوس كمان و كنت محتاج حد يساعدني على إتخاذ القرار السليم
ياريت اشوف اراءكم و شكرا لكل المشاركين معايا

[aboalm]

بص يازعيم يوم ما جبت الويرا 2006 سألت على الاتوماتيك . كان الرد ماجبوش و لا واحده اتوماتيك ليه يا عم طيب قال اصل فيها مشاكل و مش جينا و لاواحده فى الدفعه الجديده .
عموما فى واحد من الاعضاء هنا معنا معاه الاتوماتيك ويقدر يشرح لحضرتك اكتر

[tutankhamoun]

بروتون بتصنع المواتير بنفسها
بس لسة تقريبا معملوش فتيس
و الفتيس اللي راكب في عربيتها ( مانوال أو أوتوماتيك )
بيكون من إنتاج ميتسوبيشي
يعني بتاع الويرا هاتلاقيه هو هو بتاع اللانسر البطة



و هذا على حسب معلوماتي

[monos1]

انا معايا ويرا 2005 اوتوماتيك
120 الف كيلو حتى الان
العربية فعلا ممتازة ولا يوجد اى مشاكل من الفتيس و هو فعلا متسوبيشى
وهو عبارة عن 3 جيير و ده اللى مخليه ممتاز لان عدد تروسه الداخلية 3 فقط و ليس 4 مما يقلل استهلاكه و يطيل عمره
المهم انك تبعد عن الكيك دون

[A_H_M_A_D]

انا معايا ويرا 2005 اوتوماتيك
120 الف كيلو حتى الان
العربية فعلا ممتازة ولا يوجد اى مشاكل من الفتيس و هو فعلا متسوبيشى
وهو عبارة عن 3 جيير و ده اللى مخليه ممتاز لان عدد تروسه الداخلية 3 فقط و ليس 4 مما يقلل استهلاكه و يطيل عمره
المهم انك تبعد عن الكيك دون

شكرا جزيلا ليك على إيضاحك القيم