تعويم العربية في الملفات مع الفرامل

[mhassan9]

يا جماعة انا غيرت تيل فرامل خلفي
جربت الفرامل في طريق مستقيم الفرامل كويسة
بالصدفة دوست فرامل مع ملف وعلي سرعة مش كبيرة يعني حوالي 70 - 80 العربية عومت جربت تاني نفس الموضوع
هل دا سببه ان الفرامل بطبع ولا كدا في مشكلة في الفرامل؟؟
مع العلم ان المشكلة دي مش موجودة علي سرعات اعلي بكتيير من غير ما أدوس فرامل
العربية جين 2 - 2013 ودي اول مرة اغير تيل خلفي كنت غيرت الأمامي قبل كدا محصلش اي مشاكل

[ashouhdy]

ظبط زوايا والاهم زاوية العجل مفتوحة او مقفولة لازم تكون مظبوطة

[mhassan9]

هل الزوايا تبان مع الفرامل بس ﻷني وانا بحري في منحنيات مفيش أي مشاكل

[ashouhdy]

اة تبان جدا مع الفرامل لو على ملف او خط مستقيم

[eng.m7md.ali]

هو غالباً التيل نفسه .. وكدة في عجلة بتقفش اكتر من التانية عشان كدة خد هوا من الفرامل عند بتاع الفرامل وان شاء الله هتتظبط

[mhassan9]

هو غالباً التيل نفسه .. وكدة في عجلة بتقفش اكتر من التانية عشان كدة خد هوا من الفرامل عند بتاع الفرامل وان شاء الله هتتظبط

هي دي المشكلة بالظبط أن الفرامل كانت واخده هوا عملتها وظبطت بس أنا موسوس وكل شوية أجرب بس الحمد لله كويسه هو أنا بس حاسس أن التيل الكوري دا ناشف شوية عن البوش اللي كان فيها

[abdoumahros]

ممكن اعرف

ممكن اعرف غيرت التيل الخلفي فين؟ لاني سامع ان التيل الخلفي بالذات تغييره صعب بره التوكيل
وشكرا

[mhassan9]

هو مش صعب بس واضح انه كان المفروض ياخد هوا للفرامل بعد التغيير ومحصلش عامة انا غيرته في محل جنب محل المدينة في شارع دمشق بس منصحكش بيه يا تروح التوكيل يا تشوف حد تعرفه كويس

[carrier]

الف مبروك تغيير التيل

اكيد انت غيرت عند ميكانيكى مش متخصص فرامل فقط


تاخد هوا ماشى بس
الاهم
يفك ويلين بستم الفرامل بعد ما يغسله كويس هتلاقى الفرامل ضبطت تمام

متركبش غير التيل البوش يعد كده

[mhassan9]

الف مبروك تغيير التيل

اكيد انت غيرت عند ميكانيكى مش متخصص فرامل فقط


تاخد هوا ماشى بس
الاهم
يفك ويلين بستم الفرامل بعد ما يغسله كويس هتلاقى الفرامل ضبطت تمام

متركبش غير التيل البوش يعد كده

هو الحقيقة لا غسل ولا خد هوا وسألت علي البوش خلفي ملقيتش ومركبتش الكوري دا غير لما لقيت ناس كتيير بتشكر فيه..بس هو ألاقيه فين الميكانيكي المتخصص في الفرامل دا؟

[carrier]

هو الحقيقة لا غسل ولا خد هوا وسألت علي البوش خلفي ملقيتش ومركبتش الكوري دا غير لما لقيت ناس كتيير بتشكر فيه..بس هو ألاقيه فين الميكانيكي المتخصص في الفرامل دا؟

دا مش ميكانيكى حضرتك

دا متخصص فى فرامل السيارات وتغيير التيل وغسيل دورة الفرامل فقط

وفى منهم بيبقى عنده خراطة تيل الفرامل كمان

- فى كل منطقة اسئل عليه ولو انت من م.نصر فى الحى العاشر والحى السابع

وفى بعابدين وفى بشبرا والحرفيين كمان

[mhassan9]

دا مش ميكانيكى حضرتك

دا متخصص فى فرامل السيارات وتغيير التيل وغسيل دورة الفرامل فقط

وفى منهم بيبقى عنده خراطة تيل الفرامل كمان

- فى كل منطقة اسئل عليه ولو انت من م.نصر فى الحى العاشر والحى السابع

وفى بعابدين وفى بشبرا والحرفيين كمان

فيه في الورش اللي شارع الورش اللي في العاشر؟؟
لو تعرف حد معين هناك ياريت تقلي عليه لو متعرفش مش مشكلة هبقي أسئل لأني أول مرة أعرف أن فيه متخصصين فرامل بس