حل جديد بالنسبالى لكسر دراعات المرايات الجانبيه

[densfog]

السلام عليكم

انا معايا بروتون جين 2 . وكنت أخدت خبطه فى الباب اليمين كسرت دراع المرايه ( اللى بيمسك المرايه فى الباب ) ... دورت على الدراع ده لقيت انى لازم اشترى مرايه كامله . وكان سعر المرايه الاستيراد المانيوال حوالى 275 جنيه ... فروحت لواحد فى الازاريطه ( الأسكندريه ) اسمه خالد بتاع فايبر ( محل فايبر كورنر ) علشان يلحمها ... قالى انا صابب زيها ألومنيوم وهدهنهالك بنفس اللون .. وتم التركيب بالفعل ... والتكلفه 150 جنيه ... وحمى الله سياراتكم جميعا

[Mr.Lawyer]

فكره ممتازه وشكراً لنقل التجربه

المرايات فعلاً صدااااع لكل واحد عنده عربيه فى مصـــر

[Omar Mahmoud]

فكرة هايلة
بس مش عربيتك جين 2 2009؟؟؟إزاي المرايا عندك مش كهرباء

[densfog]

فكره ممتازه وشكراً لنقل التجربه

المرايات فعلاً صدااااع لكل واحد عنده عربيه فى مصـــر

الشكر لله ... شكرا لمرورك

فكرة هايلة
بس مش عربيتك جين 2 2009؟؟؟إزاي المرايا عندك مش كهرباء

فعلا هيا مرايات كهربا .. بس بره مصر فيه منها مرايات مانيوال و التجار بيقطعوا عربيات بره و يجيبوها هنا

[م.محمد مختار]

القاعدة موجودة ب150 بس ده كتير قوي قوي عليها. لو المراية بزجاجها بالكفر ب275 يبقى القاعدة لوحدها ب150؟؟ كتير قوي.!!!
كان في واحد بيصبها في شارع دمشق بس آخر مرة سألت قالوا لي مات و ولاده مش لاقيين الاصطمبة.!!

بالاضافة اني قابلت واحد صابب القاعدة حديد أظن في الحرفيين وكانت ب80 جنيه بس.!!

[eng.m7md.ali]

الحديد بتتكسر بردو ده بس لاجل حظي المهبب اشتريتها واتكسرت في نفس اليوم قبل كدة .. كانت ب 150 جنيه