بيرسونا ام لانسر بوما 1.6 اوتوماتيك؟!!

[D.muhamed]

السلام عليكم و رحمة الله
ارجو خصوصا من السادة ملاك البيرسونا و الجين 2 افادتى برأيهم الثمين و تقييمهم للسيارة و هل لو فى الامكان انى اشترى بوما 1.6 اوتوماتيك يبقى افضل ولا
البيرسوناا افضل علما انى محتاج سيارة تتحمل سفر 100 كيلو يوميا و فى طرق غير ممهدة

[abdoumahros]

بيرسونا

السلام عليكم و رحمة الله
ارجو خصوصا من السادة ملاك البيرسونا و الجين 2 افادتى برأيهم الثمين و تقييمهم للسيارة و هل لو فى الامكان انى اشترى بوما 1.6 اوتوماتيك يبقى افضل ولا
البيرسوناا افضل علما انى محتاج سيارة تتحمل سفر 100 كيلو يوميا و فى طرق غير ممهدة

بصراحه انا معرفش اخبار البومه ايه
لكن البيرسونا او جين 2 عربيه اعتماديه وعاليه وثابته وتقدر تعتمد عليهم وانت مطمئن

[Omar Mahmoud]

البيرسونا/الجين 2 إعتماديتهم عالية و هيستحملوا السفر و عاليين عن الارض يعني مش هيحكوا في المطبات

[zohdy]

علما انى محتاج سيارة تتحمل سفر 100 كيلو يوميا و فى طرق غير ممهدة

غير ممهد ازاي شكلة ايه عشان لو حجز ورمل هات حاجة 4X4 زاي دايــهاتســو

[S O P H O S]

بص يا باشا راي العربية الي صيانتها اسهل ليك
واقرب فيهم تجبها الاثنين كويسين فرأي
طالما استخدام عملي

[A7medelfe2y]

الاتنين محترمين جدا بس الي هتسد معاك اكتر اللانسر طبعا

[UsefHusseinHas]

البومة الجديدة مصري و موتورها المصري مش اد كدة الياباني كانت 121 حصان المصري 107 بس مقابل بيرسونا 110 حصان و تقفيل احسن بكتير

السلام عليكم و رحمة الله
ارجو خصوصا من السادة ملاك البيرسونا و الجين 2 افادتى برأيهم الثمين و تقييمهم للسيارة و هل لو فى الامكان انى اشترى بوما 1.6 اوتوماتيك يبقى افضل ولا
البيرسوناا افضل علما انى محتاج سيارة تتحمل سفر 100 كيلو يوميا و فى طرق غير ممهدة

[UsefHusseinHas]

ده زمان انما المصري متتركبش

الاتنين محترمين جدا بس الي هتسد معاك اكتر اللانسر طبعا

[monamize4]

البومة الجديدة مصري و موتورها المصري مش اد كدة الياباني كانت 121 حصان المصري 107 بس مقابل بيرسونا 110 حصان و تقفيل احسن بكتير

بومة ايه اللى مصرى ؟ هى متسوبيشى ليها plant ف مصر و احنا منعرفش ؟!!!!!!!!!!
و كمان موتورها مصرى ؟!!!!!!! ( يسمع من بقك ربنا )
و على كدا الموتور المصرى مواصفاته ايه و بيطلع كام حصان و ايه كوده ؟

واضح انك جديد ف المنتدى و مكتوب ف بياناتك ان معاك جين 2
احب اقولك ان فى ملاك بروتون كتييييير ف المنتدى و منهم اللى رد ف الموضوع اللى احنا فيه
و محدش قلل من اى عربية منافسه للبروتون زى ما انت عملت

[tutankhamoun]

بص يا باشا .

اللانسر بسبب أنتشارها الرهيب هاتتميز عن البرسونا و الجين 2 في أنتشار كل أنواع قطع الغيار من الأصلي للتقليد و دي ميزة للميتوسبيشي لانسر (بومة )

فنيا الأثنين ممتازين .. أقصد البروتون و البومة .
الأثنين مغيهومش مشاكل أن شاء الله .
يعيب اللانسر بس الأنتشار و الشكل القديم قوي ... هو مش عيب يعني بس بعض الناس مش بتحب الحاجة المنتشرة .

أما بقى سؤالك الأخير عن السفر المستمر على طرق غير ممهدة .

السيارتين سيارات صالون .... و درجة تحملهم واحدة تقريبا .
و لذلك لو الطرق عندك كلها مدقات و مكسرة ........ ممكن تشوف حاجة مصممة لكدا .

[eng.m7md.ali]

البومة الجديدة مصري و موتورها المصري مش اد كدة الياباني كانت 121 حصان المصري 107 بس مقابل بيرسونا 110 حصان و تقفيل احسن بكتير

هيا مش مصري .. ممكن تكون تايلاندي بس اللي متأكد منه انها مش ياباني بيور زي القديمة

[UsefHusseinHas]

سألت في اباظة من كام شهر وقالي مصري

هيا مش مصري .. ممكن تكون تايلاندي بس اللي متأكد منه انها مش ياباني بيور زي القديمة

[hugan]

مفيش الكلام ده
مصري ازاي يعني
البومه افضل بيع صيانه انتشار قطع غيار
واضح ان المقارنات فيها تحيز لبروتون

[eng.m7md.ali]

مفيش الكلام ده
مصري ازاي يعني
البومه افضل بيع صيانه انتشار قطع غيار
واضح ان المقارنات فيها تحيز لبروتون

مش تحيز ولا حاجة ياباشا .. البوما بتاعت دلوقتي غير موديلات 2007 و 2006 .. الفرق في حاجات كتير في الخامات مثلا والتقفيل .. في العفشة .. الموديلات بتاعت دلوقتي عفشتها عفشة البوما 1300 سي سي .. هتقولي عرفت منين اقولك ان ال 1600 بتنزل بأبعاد جنط 114*4 .. وال 1300 بتنزل ب 100*4 .. دلوقتي كل الموجود 100*4 وده عفشة ال1300

ومش ياباني عشان مش معقول شركة محترمة زي متسوبيشي تنزل موديل جديد في 2008 الي هو الشارك وتخلي انتاج البومة لسة شغال عشان يضرب الموديل اللي لسة نازل .. كلنا عارفين ان الورق ده بيتضرب والعربية تبقى موديل 2000 يقولك موديل 2010 عادي

اسهل مستهلك واسهل شخص يتضحك عليه هو المصري .. في كل المجالات سواء اقتصادية سياسية ثقافية فنية

[tutankhamoun]

أنا عندي مداخلة في الموضوع يا فيليكس باشا بعد أذنك .
مبدئيا صعب قوي أن يتم اللعب في الموديل و شركة بحجم ميتسوبيشي لن تسمح أصلا بحاجة زي دي .

أما بخصوص الموديل و هل هو ياباني أو حاجة تانية .... و لية لسة موديل قديم بينزل مع أن الموديل نفسه تم تطويره .
دي طبعا موجودة في كذا عربية عادي و ده بيكون حسب السوق اللي بتتباع فيه العربية .

يعني مثلا عندك الجين 2 ........ مش بتنزل خلاص في ماليزيا و بتتصنع للتصدير فقط مع أنهم نزلوا بديل لها .
و كمان عندك الساجا ... عملوا التطوير بتاعها و لسة بينزلوا الموديل القديم برضه للتصدير بس و كمان على حسب السوق .

مش شرط على فكرة أنهم علشان نزلوا موديل جديد من اللانسر أن يتم وقف الموديل القديم .
لو فيه سوق معين في العالم عنده طلب كبير ... بيستمر في صناعة العربية عادي و يصدرها للسوق ده .

عندك مثلا البومة أصلا واقفة في أسواق أوروبا و أمريكا من فترة كبيرة و لكن بتنزل لأسواق الشرق الأوسط و أكيد معاهم أمريكا الجنوبية و آسيا .

عندك مثلا الهيونداي فيرنا .... وقفت في كذا سوق ... و لكن كانت شغالة للتصدير ( غبور بيجمعها هنا ) و موجودة في الهند و شوية دولة فقيرة أو محتاجة عربية رخيصة .

فأنا و الله أعلم أعتقد أن ممكن زي ما أنت بتقول يكون حصل تغيير في بعض المواصفات و لكن العربية فعلا ممكن تكون موديل السنة (مصنوعة في السنة دي يعني )

مع تحياتي .