استشاره فنيه

[amr saad929]

السلام عليكم يا شباب
من فترة كنت ماشي ف امان الله وخدت مطب عالي وانا على 50-60 تقريبا وكسر كارتيرت الزيت وال Air bags اتفتحت
الحمد لله بعدها بفتره غيرت الكارتيره وليا صديق اقترح عليا ابعت ميل لبروتون ماليزيا بخصوص حوار ال Air bags دا ﻷن المفروض متفتحش مع خبطه زي كده!! انا سبتها على الله لحد م ربنا يفرجها بدام العربيه ماشيه بس كان حصل وروحت التوكيل بعدها بيومين لان الكارتيره كانت بتسرب ولقيت حد نفس الحادثه بس ال Air bags مفتحتش وبسال المهندس ف التوكيل قاللي دا نصيب !! وان في عربيات بتتقلب وال Air bags مش بتفتح !!
دلوقتي انا بفكر فعليا ابعت ميل لبروتون ماليزيا اشرحلهم الحاله خصوصا ان السيستم (ال Air bags بالحزامين بالكنترولر) تكلفة تصليحه ف التوكيل 20 الف جنيه للاسف
ف ايه رأيكم حد ليه تجربه مع بروتون ماليزيا هل انا ليا حق مثلا لو هاطالب بحاجه ولا دي حادثه عاديه وال air bags فعلا كان المفروض تفتح ؟

[Adnfalcon]

حساسات الايرباجز لو حست بالصدمه طبيعي هتفتح
فاكر ان bmw كان الايرباجز بتفتح فحالات أهون من دي بكتير "ودا عيب صناعه طبعا"
بس طالما كارتيره الزيت اتخبطت جامد كده يبقي أكيد الصدمه كانت كافيه تفتح الايرباجز
بس عموما ابعت mail مش هتخسر حاجه

[Omar Mahmoud]

عامتا إبعت الايميل مفيهاش حاجة
بس الايرباج مش بيفتح لو إتقلبت لكن ممكن يفتح لو اخدت مطب بسرعة حسب الكتالوج