ما مدى صحه هذا الكلام عن البروتون 2014

[د.ياسر]

سمعت عن طريق اشخاص يعملون في احد الشركات الموزعه للسيارات ان الجين 2 والبيرسونا لم ينزل منها موديلات جديده و السيارات اللتي تباع على انها 2014 تكون مخزنه من قبل ذلك ؟؟

هل هذا الكلام وارد اصلا ؟؟ و كيف اتحقق ان السياره موديل السنه اللي انت قالولك عليه ؟؟


تحياتي

[mohamed hussei]

ممكن ب vin number تكتبة علي موقع بتاع بروتون ماليزيا وهيجبلك كل حاجة عنها

[Omar Mahmoud]

بنسبة كبيرة الكلام ده غلط ليه لأن العربيات اللي عند عز بتخلص كلها

[monamize4]

مش المفروض سنه الموديل بتبان من ورق الافراج الجمركى ؟

[engmody32]

متابع

[eng.m7md.ali]

الكلام ده بيحصل عالبومة .. يعني بالعقل كدة في شركة محترمة زي متسوبيشي تنزل موديل جديد وتضربه بموديل قديم؟؟

[D . a .\ AYMAN]

مش المفروض سنه الموديل بتبان من ورق الافراج الجمركى ؟

مضبوط ودي الحتة اللى الوكيل ما يقدرش يلعب فيها لأن الورق بتاع العربية برقم الشاسيه بتاعها بيطلع مكتوب عليه موديلها من المصنع اللى اتعملت فيه

طالما مكتوب في الإفراج 2014 يبقى خلاص هي 2014 ... وبيكون مكتوب كمان في الإفراج تاريخ دفع الجمارك بتاعتها وتاريخ دخولها الميناء المصري أيا كان وتاريخ مغادرتها للميناء الأجنبي واسمه


والموضوع ده هو اللى محيرني في اللانسر البومة اللى لسة بتنزل لغاية دلوقتي على إنها صنع في اليابان ... أكيد الوكيل مش هايقدر يلعب في حاجة زي كدة .. بس برضه أنا ميتبعد على شركة زي ميتسوبيشي تفضل تعمل البومة وفي اليابان لغاية دلوقتي

ده أي شركة عربيات يابانية هي سنتين ولا ثلاثة بالكثير بتعمل العربية بتاعتها في مصانعها في اليابان وبعد كدة يبعتوها بخطوط إنتاجها لمصانعهم اللى في الدول التانية تنتجها هي ويتفرغوا هم لتصميم وتصنيع الموديل اللى هاينزل جديد

البومة دي لغز بصراحة ... ويمكن يكون الورق بتاعها فيه حاجة الله أعلم أنا عمري ما شفته برضه

[S O P H O S]

اعتقد فعلا صعب علشان ورق الافراج