كشفت على البيرسونا و محتاج رأيكم فى سعرها بعد ما اكتشفت فيها حاجات

[mada0202]

السلام عليكم

دلوقتى يا شباب انا كنت قايلكم على عربية عاملة 34 الف فبريكة برة و جوة و كان مطلوب 85 الف

بعد ما كشفت عليها الراجل طلع كذاب و طلعت العربية عاملة حادثة واخدة خبطة من قدام فمغير كابوت و راشش الابواب الاربعة ورنيش اما الشنطة و السقف فبريكة و دواخل فبريكة و اساسيات العربية كويسة و الايرباجات مضربتش بالمناسبة
النقطة التانية كنت برضه سمعت ان صوت المروحة عالى جدا و طلع ان ماتور المروحة بايظ مش عارف بقى نتيجة الخبطة ولا لأه المهم سألت ماتور المروحة بكام -كان فى مركز عصام صفا - فقالى ب 1200 جنيه - بصراحة انا اتفاجئت من الرقم

المهم دلوقتى سعر العربية كام متوسطها بعد ما عرفت انها رشة برة ؟؟؟

و هل قطع الغيار بتاعة البروتون بالشكل المبالغ فيه ده ولا ايه ؟؟؟؟

[ARKOON]

65 ألف .

[mada0202]

العربية اوتوماتيك و كان طالب 85 الف على اساس انها فابريكة و لما سألت الناس هنا قالولى سعرها مناسب - تفتكر تنزل 20 الف جنيه ؟؟؟؟

[ARKOON]

باشا الراجل بيحور ومش دغري معاك وقطع غيارها مش متوفر قد كدا يعني الله أعلم فيها ايه تاني انتا تدفع في حاجة انتا عارف الى فيها وراضي بحالتها كدا وجربها واحكم عليها شوف سحبها وصوت الماتور وما إلى ذلك . بس نزل من سعرها عشان الحوار الى هوا عمله .

[eng.m7md.ali]

انا من رأيي تبعد عنها .. يااما لو عايزها بالسعر ده اخسفلو بسعرها الارض عشان النصاب ده ربنا مش هيباركلو طول ماهو كدة .. عجبوا السعر يبقى كان بها .. معجبوش يبقى احسن بردو

[mada0202]

هو عموما التقرير قال ان حالة العربية كلها كويسة جدا مفيهاش غير نقطة الرش و الحادثة - انا بفكر اقوله 75 الف جنيه و ييصلحلى المروحة بتاعة العربية - فانتوا ايه رأيكم :؟؟؟

بس النقطة التانية فعلا ماتور مروحة البيرسونا يعمله 1200 جنيه ؟؟؟؟؟

[midomido123]

هو ايه ده اللى 65 الف ويخسفلو بسعرها الارض ليه ما ينزل من سعرها بما برضى الله يا اخى ده حرام لا تبخسوا الناس اشيائها
دى عربه 2012 بيرسونا حتى لو رشه بره يبقى 79 او 80 الف امال لما تبقى 2012 ب 65 يبقى 2006 يوزعوها على البطايق بقى انا بتمنى من كل واحد انو يتقى ربنا فى الناس و فى نفسو

[mada0202]

طب بالنسبة ل 75 الف جنيه ؟؟؟ مع العلم ان العربية مغيرة كبوت و رشة الابواب و الرفارف ماعدا الشنطة و السقف - و الرش ده كان ورنيش.


و يا ريت حد يرد عليا فى موضوع سعر ماتور مروحة التكييف اللى ب 1200 جنيه - اصلها يعنى لما مروحة بس بالمبلغ ده اومال لو حاجة ميكانيكية فى العربية هتبقى بكام ؟؟؟

[midomido123]

موضوع رش الورنيش ده انا مش فهمو يعنى ده معناه ان مكنش فيها خبطات طيب ليه رشها ولا عشان يوحد اللون

[ARKOON]

طالما حضرتك كشفت على العربية وجت على قد موضوع الرش واساسيات العربية سليمة والحادثة مأثرتش على لماتور او الريداتير ... عشان دا من حقك تعرف العربية الى انتا بتشتريها هتعرف فيها ايه وهتكون مرتاح نفسيا صاحبي العربية لما يعرفك هوا غير ايه وعدل ايه بالضبط هتدعيلوا اما لو العكس وخمك فيها كل شوية حاجة تعطل ومكنة تسخن ساعتها حتحسبن عليها . اما بنسبة لسعرها في السوق لو ماشية 34 ألف كيلو و أوتو ب 85 فدا كويس انتا احكى معاه ف 75 إلى 80 دا معقول جدا . بس ما تخدش العربية وانتا مش مقتنع بيها موضوع الرش دا عادي مش إشكال المهم الاساس (مكنة جيربوكس ...)
.

[mada0202]

اه رشها ورنيش علشان يوحد اللون - لكن العربية مش واخدة معجون فى الابواب.

خلاص تمام كده انا هحكى معاه فى 75 الف جنيه و ربنا يسهلها


بس برضه مفيش حد رد عليا فى موضوع اسعار قطع الغيار - انا عارف انها عالية بس اللى سمعته ده مبالغ فيه.

ولا توكيل عصام صفا اصلا غالى ولا ايه ؟؟؟؟

[eng.m7md.ali]

هو ايه ده اللى 65 الف ويخسفلو بسعرها الارض ليه ما ينزل من سعرها بما برضى الله يا اخى ده حرام لا تبخسوا الناس اشيائها
دى عربه 2012 بيرسونا حتى لو رشه بره يبقى 79 او 80 الف امال لما تبقى 2012 ب 65 يبقى 2006 يوزعوها على البطايق بقى انا بتمنى من كل واحد انو يتقى ربنا فى الناس و فى نفسو

طب ماهو كان صاحب العربية اتقى ربنا وقال اللي فيها بما يرضي الله .. ايه لازمتها بقى اللف والدوران والكدب لما في الاخر المشتري هيعرف اللي فيها؟!!

وبعدين مش قصدي يخسف سعرها يعني ياخدها ب 50 الف مثلا هو 75 الف كويس عليها ولو عرف ياخدها بأقل من كدة يااخدها بس اهم حاجة متجيش الخبطة جمب الصدر او الشنب

[eng.m7md.ali]

طب بالنسبة ل 75 الف جنيه ؟؟؟ مع العلم ان العربية مغيرة كبوت و رشة الابواب و الرفارف ماعدا الشنطة و السقف - و الرش ده كان ورنيش.


و يا ريت حد يرد عليا فى موضوع سعر ماتور مروحة التكييف اللى ب 1200 جنيه - اصلها يعنى لما مروحة بس بالمبلغ ده اومال لو حاجة ميكانيكية فى العربية هتبقى بكام ؟؟؟

معلش هو رش ليه باقي العربية؟ اصل العربية مش قديمة عشان يبقى في فرق في اللون .. اكيد في حاجة مقالش عليها النصاب ده

[eng.m7md.ali]

اه رشها ورنيش علشان يوحد اللون - لكن العربية مش واخدة معجون فى الابواب.

خلاص تمام كده انا هحكى معاه فى 75 الف جنيه و ربنا يسهلها


بس برضه مفيش حد رد عليا فى موضوع اسعار قطع الغيار - انا عارف انها عالية بس اللى سمعته ده مبالغ فيه.

ولا توكيل عصام صفا اصلا غالى ولا ايه ؟؟؟؟

اسعار قطع الغيار طبيعي في التوكيل تبقى غالية .. ومبالغ فيها ساعات .. بس عايزك تقارن اسعار العربية دي بالعربيات التانية زي اللوجان وال 301 والاكسنت ار بي والريو والصني الجديدة هتلاقيها ارخص عربية فيهم .. ووكمان الاستيراد موجود للبرسونا .. وقطع الغيار ليها بدائل كتير يعني الريدياتير بتاع البروتون هو زيو بتاع الكريستالة .. والمراوح لو فيها مشكلة كدة كدة العربية في الضمان يعني حقك تغير اللي انت عايزو وعز العرب الوحيد اللي مبيطلعش عين الزبون على تغيير قطعة في الضمان .. اسألني انا

[memo_p910]

موتور المروحه في اي توكيل لاي نوع من السيارات طبيعي انه يكون معدي ال 1000 جنيه