محتار جدا في الصعيد

[white ashe]

السلام عليكم
انا من اسيوط و للاسف معندناش قطع غيار غير الكوري و الياباني
و كنت محتار بين الجين2 و دايو جوليت الاثنين نفس الثمن و الحاله تقريبا
بس انا خايف من قطع غيار البروتون انا بسافر مصر مرتين ثلاثه في السنه و حابب الجين 2 جدا
و كان ليا استفسار تاني ايه ظروف اسعار قطع الغيار هل هي قليله و غاليه و لا ايه يعني مثال الفرق الضعف في الثمن مبين العربيتين

[ahmedalaahosny]

عايز رايي تبقى غلطان لو جبت الجين 2 هى عربيه روعه بس هل انا لو مثلا يعنى الموبينه قطعت وﻻ خرطوم ضرب وﻻ حاجه هقعد مستنى لما اضرب مشوار زى ده عشان اجيب القطعه دى او انى اخد ونش واطلع بيها ع القاهره بيتهيالى صعب بس اسهل حاجه تحاول تسال حواليك وتعرف اقرب حته فيها قطع غيارها فين لو لقيت حاجه قريبه منك يبقى بروتون على طول انما غير كده بلاش

[ahmedalaahosny]

بالنسبه لحكايه السعر دى مش هتوصل للضعف ليه مرسيدس !!
الموضوع وما فيه ان اللانوس عربيه شعبية وبما ان اللانوس شعبيه فسيادتك اودامك من قطع غيارها صينى درجه اولى ومضروب وكورى واحيانا بوش المانى

[Omar Mahmoud]

لأ متشتريش جين 2 كدة هتتحول لنقمة مش نعمة

[white ashe]

عايز رايي تبقى غلطان لو جبت الجين 2 هى عربيه روعه بس هل انا لو مثلا يعنى الموبينه قطعت وﻻ خرطوم ضرب وﻻ حاجه هقعد مستنى لما اضرب مشوار زى ده عشان اجيب القطعه دى او انى اخد ونش واطلع بيها ع القاهره بيتهيالى صعب بس اسهل حاجه تحاول تسال حواليك وتعرف اقرب حته فيها قطع غيارها فين لو لقيت حاجه قريبه منك يبقى بروتون على طول انما غير كده بلاش

بالنسبه لحكايه السعر دى مش هتوصل للضعف ليه مرسيدس !!
الموضوع وما فيه ان اللانوس عربيه شعبية وبما ان اللانوس شعبيه فسيادتك اودامك من قطع غيارها صينى درجه اولى ومضروب وكورى واحيانا بوش المانى

لأ متشتريش جين 2 كدة هتتحول لنقمة مش نعمة

شكرا جدا ليكم بس معلش انا دخلت شوفت البدايل في موضوع هنا البدايل دي موجوده فهل بردو هتتعبني

[Omar Mahmoud]

البدائل موجودوة بس دي للقطع الميكانيكية هتعمل إيه بالنسبة للقطع الخارجية؟؟؟