نتشه والعربيه بارده....هو ده طبيعى؟؟؟؟

[midomido123]

دلوقتى ياجماعه انا فى العادى بسخن العربيه دقيقتين قبل ما اطلع بيها وبمشى بيها واحده واحده لحد ما توصل لقبل التسعين بشويه يعنى كمان دقيقتين.....بس اول امبارح كنت مستعجل وطلعت ودوست شويه على الاول وسبت البنزين من غير مدوس دبرياج لقيت نتشه جامده يعنى العربيه كلها اترمت لقدام وفرملت كدا جربت تانى عملت نفس الحوار استنيت دقيقه سخنت مبقتش بتعمل كده هل دى مشكله ولا طبيعى؟
هل ممكن يبقى طرمبة الزيت كده فيها حاجه؟؟
مع العلم انى عندى صوت كستبنات تكتكه بيخف خالص لما العربيه تسخن!!

[J A G U A R]

طبيعى مفيش حاجه

[Mecha]

كلو عادي
بس واحده واحده ع العربيه
هي شايلاك هتنكل بيها هتخلي بيك

[أحمد جودة]

طبيعي عادي بس حتي لو اضطريت تمشي بالعربية على طول من غير تسخين لازم تمشي سلانسية شوية يعني متحملش ع العربية وتاخد منها عزم


تقبل تحياتي

[midomido123]

شكرا جدا على سرعة الرد.....حلوه هتنكل بيها هتخلى بيك دى :)
واضح انى انا موسوس شويه مش اكتر :)