(بروتون جين 2) المسمار اللى بيربط العجلة انكسر ، أصلحها فين

[roubykeda]

عربيتي نوعها بروتون جين 2 ، وأنا بركب العجلة الأمامية, المسمار اللى بيربط العجلة انكسر ، نص فى الصامولة ونص فى الطمبورة ، كلمت التوكيل، قالوا عندنا، رحتلهم بعد كذا يوم، قالوا خلص ،وقالولى إن تغيير المسمار بالشغل يتكلف 350 جنيه، مع إن أصحابي قالولى أى خراط بره إيده شاطرة مش حياخد أكتر من 50 جنيه، كلمت مركز معتمد من التوكيل قالولى عندهم المسامير والصامولة، وتتكلف 50 جنيه، بس معندهمش شغل الخراطة، أنا مش عارف اتصرف إزاي، أنا مش عاوز أوديها لحد بره يعملها عشان العربية متخرجش من الضمان، ومش قادر استنى التوكيل لحد ما يجيب المسامير لأنى بروح بالعربية الشغل ومضطر امشى بيها على 60، حد ينصحنى

[Mostafa Hessen]

معلش هو ايه اللى انكسر اى مسمار ؟؟
تقصد مسمار من ال 4 اللى ماسكين العجلة ولا تقصد ايه
لو واحد منهم عند اى خراط حيفكه واشترى طقم مسامير جديد من اى واحد بيبيع اكسسوار سيارات

[memo_p910]

الموضوع ده سهل بس روح لميكانيكي يفكلك الطنبوره الاول

[eng.m7md.ali]

الموضوع هيكلفك حوالي 30 جنيه .. سيبك من شوية النصابين اللي في التوكيل دول واصلاً كنت مغيره في التوكيل ب 120 جنيه بالتركيب مع انه كتير

[hesham fawzy h]

350 جنية كتيييير جدا

[swimmer25]

الموضوع أبسط مما تتخيل
لو عندك صمولة بتركب من برا علي الجنط علي مسمار خارج من الطنبورة
كل الحكاية أي ميكانيكي أو حتى بتاع كاوتش هيدق علي المسمار يخرجه من صرة العجل وتشتري مسمار جديد بصامولة من محل قطع غيار بروتون ويركبهم وشكرا وهيكلفك ثمن المسمار والصامولة بس وثمن الفك والتركيب

لو عندك مسمار بيركب من برا علي الجنط وأعتقد دا مش عندك يبقى هتحتاج خراط يخرج المسمار من الصرة وتركب مسمار جديد

مش محتاجة توكيل خالص متقلقش
بالتوفيق

[DESIGNER105]

المسمار بالصامولة بتعتو بعشرين جنيه و30 جنيه مصنعية الميكانيكى ..روح لمكنيكى وهو هيتصرف ....وسيبك من التوكيل دول خالص دول حراميه ونصابين وبيستهبلو الناس اخر استهبال

[Omar Mahmoud]

روح لميكانيكي و سيبك من التوكيل خالص دول بيستهبلوا

[samehshokry]

اتكسر عندي برده ، المسامر ب 15 جنيه
خد الحته اللي اتكسرت و ووديه لبتاع قطع الغيار و هو هيقيس المسمار و يجيبلك و احد زيه
وماتقلقش من موضوع المشي ، امشي بالعربيه براحتك . مش هيأثر علي حاجه المسمار المكسور ده

[S O P H O S]

مغيره فعربية صديق ب 15 او 20 جنيه
من غير المسمار