معقول العربيه تعمل صيانه ب 2000 جنيه

[Omar Mahmoud]

الله ينور عليك يا باشا بس يا رب متكونش الاسعار دى زادت او اتعدلت

دي من صفحة proton egypt علي الفيسبوك نازلة يوم 22 سبتمبر

[mohamed hussei]

لما كانت عربيتي زيرو كونت بوديها و هي سليمه تماما و مابشتكيش من حاجة و كنت بدفع حوالي 700 ( ده كان سنة 2001) بس لما حسبتها لقيت العربية اللي قبلها و كانت موديل 80 مكنتش بتصرف كده, قعد أحسب سعر الصيانة في التوكيل و بره التوكيل لقيت فرق كبير جدا يعني الزيت بيكون أغلي بخمسين ستين جنية و ياخد مصنعية 30 جنيه , تيل الفرامل كان بحوالي تلت أضعاف سعره غير فرق المصنية

قولت هو أنا جايب عربية جديدة علشان تصرف اكتر فبقيت أشوف جدول الصيانة و أعمله بره , لدرجة ان تغيير فلتر الهواء و البنزين و بوجيهات و تنظيف الكاربراتير أنا اللي بعمله .

واضح ان التوكيل حرامي مفيش سيور بتتغير عند 15 ألف كيلو ده تقريبا نصف عمرها الافتراضي

ياباشا السيور ليها عمر افتراضي بالسنين او ب كيلو متر

[amirz]

بص هو عموما كل التوكيلات حرامية لكن لو الصيانة تستاهل انك تغير طقم الكاتينة هو ده اللى هتلاقيه غالى وممكن يعدى 1000 جندى

[م.محمد مختار]

عدى علي نفس المشكلة...
أنا 2010 ولسة مكملتش ال30 ألف كيلو..!!!
واضطريت أعمل صيانة ال60 وأنا عامل حوالي 25 ألف بس
المفروض نظرياً ان الجدول بيحدد الحاجات اللي تتغير بعد عدد كيلوات (أو عدد شهور) أيهما أقرب..
ده نظرياً صح..!!! بس ده معناه انك تغير الحاجة وهي سليمة علشان تبقى ماشي زي ما بيقول الكتاب (شغل أجانب يعني).. زي كده اللي بيغير كاوتش العربية كل 3 سنين حتى لو بحالته الأصلية .!!
اللي بيحصل انهم بيخوفوك ويقولوا لك عاوز تحافظ على العربية وتعيش معاك وتطول عمر الموتور ولا لأ ؟؟؟ فطبعاً تقول آه...!!!
لكــــــن... نصيحتي ليك: بلاش حد يفتح الموتور طالما لسة مفيش حاجة مضطراك الى ده. أنا غيرت السيور.. قالوا لي محتاج تغير بلية شداد -والله أعلم كان ده حقيقي ولا لأ- وعملت صيانة ال60 بالكامل.. وخرجت من عصام وصفا متوقع ان الأداء هيكون مختلف أو العربية تكون فاقت وانتعشت بعد ما كعيت 3500 جنيه.. لكن الحقيقة إن السحب كان أضعف وصوت الموتور كان أعلى والعربية تحس انها فقدت عذريتها لأول مرة..!!!!
يبدو انه مافيش صنايعي كويس في مصر !! لو قدرت تسيب كل مسمار ربطه المصنع في مكانه بربطة ايد الخواجة اعمل كده... وانت اللي تقدر وتحكم على حالتك.

[carrier]

.. وخرجت من عصام وصفا متوقع ان الأداء هيكون مختلف أو العربية تكون فاقت وانتعشت بعد ما كعيت 3500 جنيه.. لكن الحقيقة إن السحب كان أضعف وصوت الموتور كان أعلى والعربية تحس انها فقدت عذريتها لأول مرة..!!!!

اولا لانه عصام وصفا

ثانيا لان خامات المصنع فى الزيرو مختلفة عن خامات قطع الغيار حتى لو الاصلية ولو انى اشك فى اصلية دى

الاصلى فى مصر يقينا الاستيراد فقط اما فى الجديد الا من رحم ربى

[Alaa H Ghannam]

يا رجااااله انا رأيي التوكيل حراامي اهم حاجه السيور و الكاتينه اهم كمان من سير المجموعه دي لازم تتعمل عشان ليها عمر افتراضي لاززم تتغير نصيحه ..انما الصيانه في التوكيل صدقني مش هاتفيدك هتدفع فلوس اكتر بس روح هات قطع الغيار من بره و روح لواحد فاهم و بعدين العربيه مش معقده خاااالص والله انا بايع عربيتي علي خمس سنوات 250000 كيلو و كنت بعمل كده و الحمد لله عمرها ما عطلت التوكيل حرااامي