اخبار النهاردة عن الجين2

[minasamirus]

انا كنت رحت اتفرجت علي العربية بليل قبل كده... النهاردة بقي رحت الصبح خدت معايا مهندس ميكانيكا سيارات عشان اطلع القطط الفاطسة في العربية انا مبدايا ماهتمتش خالص بالبيرسونا لاني حاجز جين2 ودي ملاحظاته علي العربية الجين 2 الوحيدة الموجودة عندهم


1-العربية فيها abs بس مفيش ebd
2-عجبه موضوع العمود الي رابط الشاسيه و ده هدفه ان الشاسيه مايفتحش
3-دورنا العربية و قالي الموتور كويس و دي احسن حاجة فيها تقريبا
4-اكتشفنا عيوب تقفيل في الصاج قاتلة ورا في الشنطة وقدام في الكبوت بطريقة غريبة لدرجة ان احنا قلنا لو سمكري هيقفل احسن من كده ولكن لما بصيت علي البرسونا لقينا التقفيل مختلف تمام و اشك ان كل العربيات الجين 2 هتنزل كده دي شكلها علي الارجح نازلة علي انها فيها عيوب بس للعرض

واخيرا ا/محسن سالته انا حاجز مانيوال جين 2 قالي المفروض هي هي الاوتوماتك معادا الاسبويلر والكساحات وثانيا قالي مفيش جين2 هتتباع الي لما دفعة الربسونا كلها بتاعت الشحنة دي تتحجز وتتطلع يعني حاطط الناس في خانة الياك لدرجة انوا قالي ماتاخد بيرسونا مانيوال ياجدع قلتله هو بالعافية انا عايز جين2 راح رادد عليا وقالي كانه بيغظني لعلملك بقي الدفعة دي مفيهاش ولا واحدة جين2 مانيوال وقالي كده انت هاتستني الدفعة الجاية الي قدامها شهر يعني تستلم في اول 12 مش عارف حسيت انوا بيهتش عليا عشان اشتري البيرسونا المانيوال وخلاص بس برده ممكن يكون كلامه صح

[شريف]

اولا شكرا لنقل تجربتك على المنتدى
كدة بقى مفيش ebd اكيد
مفيش صور للعيوب دى ياباشا او شرح ليها عشان الكل يستفيد

[mayki4u]

أنا المفروض حاجز واحده وهستلم فى نص 11 وأنا اكدت على البشمهندس قاللى نص 11 بالكتير عشان الشحنه خلاص نزلت فى المخازن حتى قاللى برضو انه الشحنه دى فى رمادى واسود مانيوال بس وانا اخترت الصراحه اللون الرمادى جامد قوى

[MedaSam]

Which type of defects in the body you mean?

I wonder why model 2009 has no EBD like model 2008?!!!! I can not get this.

[minasamirus]

قفلات الصاج ونهايته ده الي انا قصدي عليه عارفين شفة الكبوت الي في الطرف بتاعه مش ماشيه مية واحدة كلها معوجة كان سمكري خيبان عاملها ونفس الشفة دي في زيها في الشنطة ونفس الكلام برده و مش بس كده ده اي بنط جنبها حتت لافة في الكبوت كلها لفة غلط ...الحاجات الي بقول عليها دي هيفهمها قوي لو واحد سمسار عربيات او واخج بيشتري عربيات لناس دايما بشوف الحاجات دي علي اساس يعرف منها العربية دي عملت حادثة او حاجة ويشوف السمكري اكيد مش هايرجعها لاصلها ...بس الواضح زي ماقلت ان العربية دي نازلة كده كلها غلطات و اكيد مش هتتباع والدليل ان هما اختاروها للعرض لانها كده كده هاتتبهدل في العرض

[waleedseng]

لية شالو ال Ebd ليييييييييييييه

الثبات الرائع للجين 2 على السرعات العالية و في الملفات كان من أهم مميزات الجين 2.
لكن دلوقتي و بعد ما شالو ال Ebd الميزة دي هاتقل جامد

[aapaap855]

جين 2008 احسن
مفيش ebd
مفيش مثبت سرعة
مفيش IAFM
يعني مفيش غير 2008

[waleedseng]

ينفع نركب Ebd ولا ماينفعش

سؤال هوا ينفع نركب EBD ولا ماينفعش ؟

[essamostafa]

السلام عليكم ورحمة الله وبركاته...
على فكرة انا كنت قبل كدة سالت في التوكيل على الجين وقالولي ساعتها ان ال2008 خلصت و2009 نازله خلال الشهرين اللي جايين... وعلي فكرة انا كنت بسال برضه على المانيوال عشان دي اللي كنت عاوزها وقالولي ان الدفعة اللي نازله دلوقتي اللي هيه الدفعة الاولى يعني اوتوماتيك بس والمانيوال (اللي انا عاوزها) هاتنزل الدفعة اللي جاية يا اما اخر 11 او في شهر 12
وده كان لما سالت في اول شهر 10 تقريبا... الغريب بقى في الموضوع....اني لسة متصل بالتوكيل انهاردة وقالولي انه في خلال اسبوع او 10 ايام الجين هاتبقى موجودة ال2009 واكدت على اللي كلمته اذا كانت فيها مانيوال ولا لأ قالي ان فيها مانيوال ولو عاوز احجز مفيش مشكلة.... اصدق انا بقى كلام مين.... الكلام الاولاني ولا التاني ..... انا متهيالي ممكن نقعد نسال في التوكيل ده لغاية ما العربية تنزل وتخلص والواحد ونصيبه.....................