كبس ماتور البرسونا ده كويس ؟؟؟؟؟

[mada0202]

يا شباب انا كنت اشتريت عربية بيرسونا - و ماشية 100 الف كيلو و كشفت عند عصام صفا قالى ان كبس الماتور 13 - 12 -12 - 12 و ده كبس ضعيف و محتاجة جوان وش سلندر - المهم سألت واحد تانى قالى اه الموضوع ده هيتكلف جامد و هنروح نخرط و مش عارف ايه - رحت لواحد تالت طمنى و قالى لا الكلام ده كله هجص و مفيش كده و الكبس ده كويس 80% و مادام بتسحب معاك العربية يبقى مفيش مشاكل

مع العلم ان العربية سخنت من صاحبها بسبب الريدياتير و الماتور فصل اوتوماتيك و مشتغلش غير لما الريدياتير اتصلح و اول ما الريدياتير اتصلح اشتغلت العربية على طول.

السؤال بقى الكبس ده كويس و لا لأه ؟؟؟؟؟

[د.هشام]

ممتاز طبعا بالنسبة لعمر الموتور

[eng.m7md.ali]

كبس عادي جداً وكويس بالنسبة لعمرها

الزيرو بيبقى 15 باار في البيستون الواحد

[mada0202]

اومال عصام صفا قالى ليه عايزة تغيير جوان وش سلندر ؟؟ و ان الكبس ضعيف ؟؟؟

[eng.m7md.ali]

الحقيقة دي حاجة غريبة جداً .. ممكن حضرتك تروح تعمل تست للكبس في التوكيل نفسه

وبعدين ايه موضوع جوان وش السلندر هيا العربية ضاربة جوان او الزيت مطحن ولا سحبها طبيعي؟

[د.هشام]

دي اشتغالات وبس، للأسف محدش بقا عنده ضمير

[mada0202]

الحقيقة دي حاجة غريبة جداً .. ممكن حضرتك تروح تعمل تست للكبس في التوكيل نفسه

وبعدين ايه موضوع جوان وش السلندر هيا العربية ضاربة جوان او الزيت مطحن ولا سحبها طبيعي؟

لا خالص مفيش جوان ضارب فيها - كل اللى قالهولى ان الكبس ضعيف و بعد فترة هنبقى نغير جوان وش سلندر.

[eng.m7md.ali]

لا خالص مفيش جوان ضارب فيها - كل اللى قالهولى ان الكبس ضعيف و بعد فترة هنبقى نغير جوان وش سلندر.

لو الكبس قل والموتور خف هتحتاج طقم شمبر .. لكن دلوقتي انا شايف الكبس كويس جداً يعني لو جبت اغلب العربيات اللي زيها وفي نفس الموديل بتاعها وعملتلهم كبس هتلاقيه قريب من 80%

[mada0202]

ربنا يطمنكم د.هشام و eng f3lix

[memo_p910]

شوفها بتاكل زيت ولا لأ

[mada0202]

هى مش بتطلع دخنة بيضا من الشكمان و عموما لما اغير زيت المرة الجاية هبقى اشوف الموضوع ده .

[DESIGNER105]

شوف ...العربيه مدام سخنت وبطلت ده معنها انها وصلت للحرارة القسوى وممكن يكون حصل حاجه فى الجوان ....الجون بس مش الهد ..وممكن جوان والهد ...بس ده ليه علامات...تبقى بتاكل زيت وومكن الميه تنقص باستمرار وباقى اعراض وش السلندر المعروفه ..ده غير تاسير على الاداء...والسحب ....بعض الحلات بيكون جوان وش السنلندر بس هو الى ضارب ..ومن جزء داخلى بين السلندرات بيبقى اضعف جزء واصغر جزء .بس بعيد عن ممرات الزيت والميه فمياكلش زيت ولا بينقص مايه ...بس بياثر على الاداء شويه وطبعا باثر على كبس الماتور ....فى النهايه كبس الماتور معقول عندك ...وعمليه تغير جوان وش السلندر تتكلف من 1000 جنيه تقريبا شامل كل شىء جوانات ومصنعيه ميكانيكى ومصنعية خراط.. طبعا ده بره التوكيل ..

[mada0202]

شوف ...العربيه مدام سخنت وبطلت ده معنها انها وصلت للحرارة القسوى وممكن يكون حصل حاجه فى الجوان ....الجون بس مش الهد ..وممكن جوان والهد ...بس ده ليه علامات...تبقى بتاكل زيت وومكن الميه تنقص باستمرار وباقى اعراض وش السلندر المعروفه ..ده غير تاسير على الاداء...والسحب ....بعض الحلات بيكون جوان وش السنلندر بس هو الى ضارب ..ومن جزء داخلى بين السلندرات بيبقى اضعف جزء واصغر جزء .بس بعيد عن ممرات الزيت والميه فمياكلش زيت ولا بينقص مايه ...بس بياثر على الاداء شويه وطبعا باثر على كبس الماتور ....فى النهايه كبس الماتور معقول عندك ...وعمليه تغير جوان وش السلندر تتكلف من 1000 جنيه تقريبا شامل كل شىء جوانات ومصنعيه ميكانيكى ومصنعية خراط.. طبعا ده بره التوكيل ..

يعنى انت شايف من كبس الماتور ده محتاج تغيير جوان وش السلندر ؟؟ و بعدين موضوع السخونية ده بقاله فترة و ولما صاحبها صلح الريدياتير الماتور اشتغل - و السحب انا شايفه طبيعى ؟؟؟؟
انت ايه رايك ؟؟؟

[carrier]

يعنى انت شايف من كبس الماتور ده محتاج تغيير جوان وش السلندر ؟؟ و بعدين موضوع السخونية ده بقاله فترة و ولما صاحبها صلح الريدياتير الماتور اشتغل - و السحب انا شايفه طبيعى ؟؟؟؟
انت ايه رايك ؟؟؟

انا ليا راى
ان
عربيتك زى الفل وربنا يسترها معاك وعود نفسك تكشف عالميا يوم ويوم

[DESIGNER105]

لو العربية كويسه معاك والسحب كويس ومفيش اى اعراض غريبه ولا بتاكل زيت ولا بتنفس مايه يبقى متعملش حاجه ...خليها على كده ..انت بس تكشف على زيت ومايه مرتين فى الاسبوع الصبح ابل متتحرك بالعربيه عشان تتابع اى نقص وتلحقو .....