عيوب الجين 2

[scaryface]

بسم الله الرحمن الرحيم ....
ياجماعه انا النهارده وانا بتصفح احد المنتديات شوفت تعليق احد ملاك الجين 2.....
وبصراحه خوفنى منها جدا وده طبعا علشان نا كنت ناوى انشاء الله انى اجيبها فى خلال هذا الشهر ....وكنت عملت موضوع فى هذا المنتدى من قبل اطلب فيه مساعدكم وأراكم...
فحبيت ان انقل ما ورد عن لسان صاحبها لكى اعرف أرائكم على ما كتب وهل هو صحيح ام لا...

.................................................. .................................................. .................................................. ....................
بصو يجماعه الجين 2 حلوه مش وحشه انا العربيه معايه بقلها 7 شهور عملت بيها 25 الف كيلو العربيه مش ثبته على الطريق بتاكول بنزين التكيف بياكول من عزم المطور فى السحب صوط المطور عالى بتسخن وبتلع حراره عليه جدن من جناب السياره وبزات من الجنب الايسر قطع غيرها نار مش متوفره كمان ده غير ان مروه اردتير لمه بتشتغل بترج العربيه الفتيس سعات بتحس او بيعلق او بيتقل فى الاوتوماتيك وصواو بيبقه باين ونتا بتنقل من بى الى دى او ار صدقونى العربيه شكل بس ده غير كمان العفشه بتعهتها وحشه جدا وضعيفه انا صوت العفشه عندى غلس المساعدين بتزيق وفى صوت رنه فى المساعد اليمين بصراحه انا من الاخر لبست العربيه وبنصح اى حد انو ميشتريها صدقونى هتزهر عيوب بعد كده العربيه كشكل حلو كا امكانيه لالالالا فشله
.................................................. .................................................. .................................................. ....................
هذا هو نص ماكتب ارجو الافادة حول صحه هذا الكلام ولكم جزيل الشكر......

اللون الاحمر مخصص للادارة

مشرف القسم

[fahd_628]

انا اختلف تمام مع الأخ على حكاية الثبات دية

الجين 2 من اكثر السيارات ثباتا فى فئتها ( فى مصر بتكلم ) و دة يرجع لأن بروتون تمتلك لوتس ( شركة مشهووووووورة جدا جدا جدا فى الثبات و كل العربيات بتاعتها مشهورة بالثبات و موقع Whatcar مدى ال Elise خمس نجوم من خمسة فى الثبات و فى برامج السيارات بيقولو ان لوتس Elise هى من اسهل السيارات السوبر الى تسوقها

و دة دليل على ان شركة لوتس رائدة فى موضوع الثبات دة و شركة لوتس داخلة فى حكاية ثبات سيارات بروتون ( الجين 2 و الواجا دول الى موجودين فى مصر معنديش فكرة اذا كانوا داخلين فى الويرا ولا لأ و حتى تقييم سبعاوى اتكلم فية عن موضوع الثبات دة و قال انة ممتاز فا معلش محدش يقدر يقول حاجة عن الثبات

اما بالنسبة لحكاية الأوتوماتيك دية فا ممكن الأخ abo3bdolrahman يفيدك فى الموضوع دة لأنى اعرف ان اخوة عندة العربية اوتوماتيك
ممكن حضرتك تبعتلة رساله خاصة !

و عن العربية لو عندك DSL انا ممكن ارفعلك فيديو عندى حوالى 70 ميجا عن العربية لو تحب
بصراحة انا لما شفتة انبهرت بالعربية

فية كل حاجة عنها و كمان فيه اختبار تصادم ليها و شرح للكماليات و بيتكلم عن كل حاجة فيها

و قولى برضة لو تحبة على موقع اية !



و على فكرة انا مش بدافع عن العربية :D انا بقول كلمة حق :)

و بالنسبة للعيوب دية انا مقدرش افتيلك فيها لأن العربية مش معايا و معرفش حد عندة العربية

انت احسن حاجة تسأل اصحابها

[Sharky]

انا لى واحد صاحبى معاه العربية فعلا بيشتكى من التقفيل السئ و صوت الموتور العالى و العفشة بتاعتها بس هيا سيارته مانيوال مش أتوماتيك
هو مضايق منها و قرر يبعها أول مايخلص أقساطها .

هو على العموم ممكن تتأكد من ملاك السيارة نفسها فى المنتدى أو تسأل الناس اللى معاها السيارة دى فى الشارع

[scaryface]

شكرا على ردك يافهد وباين كدة والله أعلم انى بتقل عليك جاااامد وشكرا جزيلا على ردك ......
والله انت بنى أدم ذوق جدا ومش عارف أقولك ايه بس معلش لومفهاش تعب لحضرتك ياريت
ترفعلى الفيديو علشاان بجد هيفدنى كتيير وهيفيد أعضاء تانيه أكترمعلش لو فيها تعب لحضرتك .....
وبالنسبه على اى موقع فده يرجع ليك تختار الموقع الى الابلود بتاعه عالى زى rapidshareمثلا....

[abo3bdolrahman]

العربية اللى مع أخويا 2007 أتوماتيك و ما شاء الله زى الفل و ما فيهاش أى مشاكل من دى خالص و لا حتةى مشاكل التقفيل

[fahd_628]

حاضر يا باشا انت تؤمر و بعدين ولا تتقل ولا حاجة احنا اخوة :) ولا اية ؟ , انا حرفع الفيديو دلوقتى و حسيبة و انزل و لما ارجع على 12 كدة ان شاء الله يكون خلص و هحط اللينك

[fahd_628]

انا لى واحد صاحبى معاه العربية فعلا بيشتكى من التقفيل السئ و صوت الموتور العالى و العفشة بتاعتها بس هيا سيارته مانيوال مش أتوماتيك
هو مضايق منها و قرر يبعها أول مايخلص أقساطها .

هو على العموم ممكن تتأكد من ملاك السيارة نفسها فى المنتدى أو تسأل الناس اللى معاها السيارة دى فى الشارع

ممكن سؤال هية موديل كام ؟

[scaryface]

شكرا على ردك يا أبو عبد الرحمن طمنتنى الله يطمنك بس ليا استفساار بسيط عندك ياريت تفيدنى فيه
...... ايه أخبار قطع الغيار وهل هى متوفرة جميعها خارج التوكيل ولا لآ وهل أسعارها خارج التوكيل حنينه ولا...... وشكرا على مرورك الكريم

[mohamed el hussien]

عيوب تقفيل بس

يا باشا اطمن اللي كان كاتب العيوب دي مش معاة العربية اصلا
دة بيقول اي كلام
وانا سبق واتكلكت عن عيوب الجين كلها عيوب تقفيل عبيطة
وصوت المونور عالي فعلا بس عالي يحسسك بالشدة
مش عالي عشان موتور تعبان
يعني موتور قوي وعفي

وموضوع العفشة دة
الموضوع كلة انا في صوت ترزيع في المساعدين اللي ورا
ودة نتيجة ان المساعد بتاعها حديد في حديد
فلما الصوت دة بتحسة بيغيروا المساعدين اللي ورا في الضمان
او انا سمعت ان في ناس عملتها في امير وجوزيف
وركبوا كاوتشة كدة في المساعد ضيعت الصوت
بس الصوت دة فعلا موجود في عربيات كتير
وفي ناس قالتلي عشان العفشة سبور
فالمساعد حديد في حديد
بس هما في التوكيل متعودين يغيروا مش يصلحوة او يعدلوا
يعني من الاخر هي دي الحاجة الوحيدة اللي لاحظتها في العفشة
وكمان صوت الرزعة دي في المطبات والحفر الجامدة بس
ومش مع الناس كلها

لكن العربية كثبات وموتور واداء
لا غبار عليها
ماشاء اللة لاقوة الا باللة

وابو عبد الرحمن
بيقول انهم عدلوا العيوب دي في موديل 2007

وغير الكلام اللي انا بقولهولك سيبك كم اي كلام تاني

[mohamed el hussien]

اة نسيت

بالنسبة لقطع الغيار
عادية زي اي عربية جديدة
ومصاريف الصيانة مش غالية
وفي حاليا محلات قطع غيار
وورش فتحت لبروتون بس
اعرف ورشة في امبابة

[mohamed el hussien]

for fahd

ازيك يا باشا
معلش
انا كنت عايز الفيديو بتاع الجين 2 دة

[scaryface]

بجد والله يافهد اقف عاجز اللسان عن شكرك على مجهودك العظيم دة الى مبتتأخرش أبدا عن بذله لكل من يحتاجه ولا املك سوى ان أدعى الله سبحانه وتعالى أن يجزيك كل خير على مجهودك دة.....

[scaryface]

شكرا يامحمد باشا والله انت متعرفش انتا ريحتنى قد ايه بجد انت رديت تقريبا على كل النقط الى محيراانى علشان العربيه دى داخله دماغى بجد ونفسى اجيبها شكرا ليك وعلى مرورك المفيد.....وربنا يكرمك يارب

[fahd_628]

والله يا جماعة انا لسة راجع و لقيت مكتوبلى page cannot be displayed :shock: :shock: :shock: :shock: :shock:

و معلش انا حرفعة دلوقتى على موقع تانى غير الرابيد شير

[fahd_628]

السلام عليكم

انا خلاص رفعت الفيديو

حتلاقية فى الموضوع دة

http://www.nilemotors.net/Forum/viewtopic.php?p=40258#40258

اتمنى يعجبك

و لو فية اى استفسار انا موجود احنا اخوة كلنا هنا فى نايل موتورز