سؤال يطرح نفسه الى شركة بروتون

[ahmad alshaaer]

السلام عليكم ورحمة الله وبركاته
الطبيعي ان اي سياره الموديل الجديد بيبقى احدث من الموديل اللي قبله
ولكن انا شايف ان الي حصل في الجين 2 هو العكس
يعني ازاي يبقى 2008 فيها مثبت سرعه
و ebd
وال2009 يشيلوا منها الامكانيات دي
انا عن نفسي فضلت افكر شويه قلت الاجابه من حاجه من الاتي
1-ممكن تكونوا عاوزين تنزلوا من سعر السياره شويه عشان تبيع اكتر
2-ممكن يكونوا الحاجتين دول كانوا عاملين مشاكل في العربيه وده بستبعدوا
3-السعر كان قليل على الامكانيات دي كلها
4- اكتشفتوا انكم بتخسروا مثلا

انتوا بقه يااخواني ايه رايكم
وخصوصا ان ال 2008 السبورت باكيدج وصلت 98500 جنيه مصري النهارده
والاوتو الفاضيه 94000 جنيه مصري

[aratux]

الفكرة إن العبقرى الوكيل المصرى طلبها كدة

[aapaap855]

بص يا سيدي التوكيل ان شاء الله ناوي يدخل اللي شغالين فيه دورة تسويق بعد الفشل الذريع الي عملوه في العربية دي
هتبدأ الدورة دي يوم الخميس وتخلص السنة الي بعديها بمعدل 24 ساعة يوميا وهي دورة مكثفة نظرا للضعف الشديد في مجال التسويق عند الموظفين
ممكن حد يسقلني ايه سبب انهم مش شاطرين في التسويق مش كانت الدورة دي تبتدي من بدري قبل المشاكل؟
أجاوب اقول بكل صراحة هما عملو الي عليهم وحاولو السنة الي فاتت ياخدو دورة تسويق بس الي اتفق معاهم مخدش بالو ان اسمها دورة تسويففففففف
ربنا يسترها عليكي يا بروتون

ملاحظة: دورة التسويف دي مهمة جدا , وظاهر تأثيرها , محدش لاحظ انك لما تسأل كل مرة يأخرلك المعاد مرة نص 10 مرة نص 11 مرة نص 12 اهم حاجة موضوع النص دة كان الدكتور مركز عليه في المحاضرة كويس عشان كدة كلهم استوعبوه صح

[waleedseng]

الوكيل شال حاجات من العربية و كمان زود سعرهاز
من الأخر عايز يكسب اكتر
أنا بصراحة شايف إن إحنا منشتريش ال 2009 و نشتكي جامد

[hossaam]

فعلا انا قاعد افكر في الموضوع ده مش لاقي له اي تفسير..المفترض ان فيه مبررات تقلل ال 2009 عن ال 2008..ولازم بالتأكيد تكون مبررات قوية ومقنعة..بس يا ترى من يقدر يوضح الغموض ده..وبعدين فين ال سبورتس باكيج 2009؟؟!!

[MedaSam]

I agree with you tweety26980, I can not understand ....... perhaps the IAFM filter is the reason

[creative]

بصوا ياجماعة احنا كلنا متفقين وعارفين ان عز العرب توكيل زى اى توكيل تانى فى مصر لما الموديل الجديد بينزل تمنه بيكون اكتر من القديم خصوصا لما تكون مبيعات السيارة تكون كويسة
وبالتالى لازم يزود ربحيته منها ويعلى السعر زى معظم توكيلات المحروسة
لكن انا عاوز اعرف المفروض الموديل الحديث اللى بينزل هو بيكون اعلى من حيث ان لو فى عيب فى صناعة السيارة او فى جودة التقفيل او ... او ...
كل ده المفروض بيتغير دون المساس بكماليات السيارة اللى الناس اتعودت عليها بل بالعكس المفروض ان الكماليات دى تزيد مش تقل

[waleedseng]

علشان كدة أحسن حاجة نعملها إن إحنا منشتريش العربية دي.
أنا عن نفسي هاداوار على 2008 علشان بجد التوكيل دا لازم يتعدل.

[khpopo]

ياجماعة انا قولت الكلام دة قبل كدة
انتو عاوزين نيو جين2 بالماتور الجديد والسى بى اس وهرب عز من الموضوع ببنزين 97 وجاب حسب طلبكم برضة نيوجين2 بس iamf هوالكماليات كدة مضبوطة ماغلطش عز فى حاجة (مش دفاع عنة.. نفسى اقتلة) تمام لية ؟؟
بروتن عندها نيوجين2 عربيتين واحدة ميدم وواحدة هاى تمام عز جاب الميديم الى هى مش سى بى اس ودة من غير مثبت ولا ebd+abs تمام والهاى تحتوى على الكماليات دة بس سى بى اس هو كدة الموضوع رغم انى لسة حتى وقتنا هذا مقتنع بالشكل القديم من برة والصالون لان دة الاصل الى شد الناس كلها لجين2 الجميلة وطبعا لا اكرة التطوير ...هى دة الحكاية كلها والله اعلم ربنا يهدى عز شوية او يهدة ويسمع الكلام كفاية كدة على جين2 الجميلة
ربنا يوفق

[creative]

انا على فكرة عاوز اشد انتباهكم لحاجة مهمة ان فعلا التوكيل ده لا يصلح لتسويق ماركة بروتون بصفة عامة وجين 2 بصفة خاصة
انا مش هاقول عشان غلو قطع الغيار او عشان الازدحام وقلة عدد ورش الصيانة والمراكز المعتمدة لان ده اللى احنا بنشوفه فى معظم توكيلات المحروسة
انما فى حاجة مهمة جدا جدا اى توكيل فى الدنيا عشان يبان ويفضل محافظ على نجاحه
انه بيشوف الجمهور عاوز ايه وبيحاول انه يخاطب بيه الشركة الام
بمعنى ان مثلا اكيد توكيل بروتون فى باقى الدول بيرجع بلاراء الايجابية والسلبية فى السيارة وايه الحاجات اللى بالناس بتطالب بيها فى المودديل الجديد لزيادة الاقبال عليها
ياجماعة بجد اللى عامل شهرة للبروتون والجين 2 بالذات هو الاعضاء اللى موجودة عنهم
انا حاسس انهم لو اشتغلوا مديرين تسويق فى بروتون هايخلوها احسن ماركة فى مصر
يعنى بامانة شخص زى الاستاذ توت-مزاجنجى-جزت-احمد صيام .... وغيرهم كتير
واسف لو كنت نسيت اسم حد عشان محدش يزعل
بجد فعلا التوكيل فاشل جدا وياريت يعدل من سياسته لانه ممكن يكسب من ورا اسم زى بروتون كتير

[creative]

ياجماعة بجد اللى عامل شهرة للبروتون والجين 2 بالذات هو الاعضاء اللى موجودة عنهم
اعنى اللى موجودة هنا فى المنتدى

[waleedseng]

أعتقد لازم نزود النقطة دي في الرسالة إللى هاتتبعت للشركة في ماليزيا

انا على فكرة عاوز اشد انتباهكم لحاجة مهمة ان فعلا التوكيل ده لا يصلح لتسويق ماركة بروتون بصفة عامة وجين 2 بصفة خاصة
انا مش هاقول عشان غلو قطع الغيار او عشان الازدحام وقلة عدد ورش الصيانة والمراكز المعتمدة لان ده اللى احنا بنشوفه فى معظم توكيلات المحروسة
انما فى حاجة مهمة جدا جدا اى توكيل فى الدنيا عشان يبان ويفضل محافظ على نجاحه
انه بيشوف الجمهور عاوز ايه وبيحاول انه يخاطب بيه الشركة الام
بمعنى ان مثلا اكيد توكيل بروتون فى باقى الدول بيرجع بلاراء الايجابية والسلبية فى السيارة وايه الحاجات اللى بالناس بتطالب بيها فى المودديل الجديد لزيادة الاقبال عليها

أعتقد يا أستاز توت لازم تزود النقطة دي في الرسالة إللى هاتتبعت للشركة في ماليزيا

[rezo]

شـــــكرا ً علي مجهودك