معروض عليا حين 2 2012 و محتاج رأيكم

[rameahmed]

اسلام عليكم
انا عاوز رأيكم في حاجه انا معروض عليا بروتون جين 2 2012 هاي لاين اوتوماتيك ماشيه 35000 كيلو بسعر 83000 جنيه و العربيه فبريكه بره و جوه و كاوتش جديد من اسبوع و حالتها جيدا جدا فايه رأيكم سعرها مناسب ولا غاليه عشان انا بدور علي عربيه تريحني و متكنش ماشيه كتير

[rameahmed]

و يا ريت لو حد يقلي علي افضل مكان اكشف علي العربيه فيه عشان انا معرفش اي حد اكشف عنده و كنت بفكر في التوكيل و جزاكم الله كل خير

[eng.m7md.ali]

حلو جداً ... اكشف عليها في عصام صفا او التوكيل وربنا يكتبلك اللي فيه الخير

[hesham fawzy h]

انا شايف انها كويسة و حاول تخلصها على 80

[Omar Mahmoud]

لو حالتها كويسة تبقي ممتازة طبعا
بالنسبة للكشف عندك التوكيل او عصام صفا

[rameahmed]

جزاكم الله خير علي المساعده بس ياريت لو حد يقلي عنوان عصام صفا او ارقام التلفونات و لو خد يعرف الكشف علي العربيه هيبقي في حدود كام جنيه

[smsmsaad]

طريق صلاح سالم لاخره واطلع كوبرى المطار شمال على طريق الاسماعيلية عند السندباد كمل طوالى لحد اول كوبرى يقابلك لف من تحته وارجع تانى واممشى فى البطئ لحد ما يقابلك يافطة محور طه حسين ادخل يمين وامشى فى البطئ حوالى 100 متر هتلاقيه على اليمين