خلاصه رحله ربع مليون كيلو علي متن محبوبتي البيرسونا

[Alaa H Ghannam]

اولا السلام عليكم انا بكتب الموضوع بعد ما بعت العربيه عامله 247000 كيلو هههه اه كتيير اوي بس انا شغلي في سيناء و ساعات بسافر ٣ او ٤ مرات في الشهر دا غير اني علي طول في الساحل او السخنه مش هطول
انا اشتريت العربيه اغسطس 2009و بعتها اكتوبر 2014 يعني خمس سنوات كاامله عشره بجد يعني المهم ندخل في الموضوع اللي هيكون اللي انا شايفه من عيوب و مميزات
اولا انا هقول العيوب
انا هقول الحاجات اللي غيرتها في العربيه علي مدي الرحله دي غير الصيانات من بوجيهات و زيوت و سيور و كاوتش و خلافه تم تعديل علبه الدكسيون في التوكيل و تغيير عدد صوباعين ميزان مع العلم العربيه بتمشي في مدقات سيناء في الجبل و الله لو دبابه هتتبهدل ههه غير كده العربيه عمرها ما عطلت مني ولا دورتها وقالت لا ابدا من الاخر اعتماديه جدا (دا انا كدا بقول مميزات ) معلش نرجع للعيوب
استهلاك البنزيين عاالي جدا
عزل سئ
بعض الاماكن بها خامات سيئه بس لازم نقارن بالسعر
عفشه ناشفه (اه ثبات جميييييل ) بس الغضروف هيزعل منك حبتين
عضه بالفتيس المانيوال بس في نفس الوقت ممتعه بتديك احساس sport shift يعني علي حسب دماغك
نسبيا و انا بقول نسبيا واطيه عشان ماهو لازم يوطي العربيه عشان يخليك تاخد غرز علي 160 /170 مستريح ما انت مش راكب G Class ههه
التكييف حلو بس مش احسن حاجه
مشكله الكاوتش في الابواب (تافهه بس لازم الواحد يقول)
الاستبن ال........... مالوش لازمه بس عارف انو بينزل في كل الجديد و لما عدلته و جبت نفس المقاس فرش الشنطه بقي قابب
سعر اعاده بيع .....لا يوجد بجد لا يوجد انا بايع عربيتي 50000 الف جنيه
التوكيل و عيبه في اهمال سياره عبقريه زي دي
تقريبا كدا العيوب بح ندخل بقي علي المميزات
طبعا الثبااااااااااات 180 مستريح انا بحب الجري (و النبي محدش يجري ربنا الستار) و دا لا خلاف عليه مع ان في حاجه بتطلع زي الخازوق و هي العزل المهم الثبات وهمي
التسارع طبعا ممتاز 110 bhp campro engine من الاخر هيديك اللي عايزو اه مش هتقف في وش ال 130 /140bhp زي ال honda & cerato بس هتأدي يعني.. بس معظم العربيات 2009 كنت بظبطهم المهم الماتور عفي بس بياكل بنزين
اعتمااااديه و ان كان دا برضو بيرجع للصيانات و الاهتمام فانا و بكل فخر حصلت عندي ظروف في الشغل ماعرفتش اروح و استنيت علي الزيت و البوجيهات الزيت اتغير علي 19000مش 10000 بس تمام من الاخر عربيه رجوله هاتستحمل معاك مش اقل عدم اهتمام هاتعيط منك
الصاج ممتاز و محمل ( انا هنجز عشان انا طولت معلش)
الشنطه وسعها كويس و الفولدينج للكنبه بيعمل احلي شغل
قطع الغيار اول ما اشتريتها كانت زي الهيروين مش موجوده دلوقتي انزل دمشق هتلاقي كل حاجه و كل الاسعار
العربيه مش معقده انا ساعات لما كنت ببقي فاضي بعمل طقم السرفيس كامل ماعدا السير ( الكدب وحش هه)
معلش طولت عليكو من الاخر عربيه ممتازه في الفئه السعريه دي و الاعلي كمان عربيه بتاعت بهدله و العربيه اللي تستحملني تستحمل اي حد هه بصراحه يعني اللي مش فارقه معاه العيوب اللي قلتها يتكل علي الله

[Alaa H Ghannam]

كمان للعلم اخويا معاه نفس عربيتي و عامله معاه 160000 و الحمد لله يعني عربيتي مش حاله شاذه

[hesham fawzy h]

اولا السلام عليكم انا بكتب الموضوع بعد ما بعت العربيه عامله 247000 كيلو هههه اه كتيير اوي بس انا شغلي في سيناء و ساعات بسافر ٣ او ٤ مرات في الشهر دا غير اني علي طول في الساحل او السخنه مش هطول
انا اشتريت العربيه اغسطس 2009و بعتها اكتوبر 2014 يعني خمس سنوات كاامله عشره بجد يعني المهم ندخل في الموضوع اللي هيكون اللي انا شايفه من عيوب و مميزات
اولا انا هقول العيوب
انا هقول الحاجات اللي غيرتها في العربيه علي مدي الرحله دي غير الصيانات من بوجيهات و زيوت و سيور و كاوتش و خلافه تم تعديل علبه الدكسيون في التوكيل و تغيير عدد صوباعين ميزان مع العلم العربيه بتمشي في مدقات سيناء في الجبل و الله لو دبابه هتتبهدل ههه غير كده العربيه عمرها ما عطلت مني ولا دورتها وقالت لا ابدا من الاخر اعتماديه جدا (دا انا كدا بقول مميزات ) معلش نرجع للعيوب
استهلاك البنزيين عاالي جدا
عزل سئ
بعض الاماكن بها خامات سيئه بس لازم نقارن بالسعر
عفشه ناشفه (اه ثبات جميييييل ) بس الغضروف هيزعل منك حبتين
عضه بالفتيس المانيوال بس في نفس الوقت ممتعه بتديك احساس sport shift يعني علي حسب دماغك
نسبيا و انا بقول نسبيا واطيه عشان ماهو لازم يوطي العربيه عشان يخليك تاخد غرز علي 160 /170 مستريح ما انت مش راكب g class ههه
التكييف حلو بس مش احسن حاجه
مشكله الكاوتش في الابواب (تافهه بس لازم الواحد يقول)
الاستبن ال........... مالوش لازمه بس عارف انو بينزل في كل الجديد و لما عدلته و جبت نفس المقاس فرش الشنطه بقي قابب
سعر اعاده بيع .....لا يوجد بجد لا يوجد انا بايع عربيتي 50000 الف جنيه
التوكيل و عيبه في اهمال سياره عبقريه زي دي
تقريبا كدا العيوب بح ندخل بقي علي المميزات
طبعا الثبااااااااااات 180 مستريح انا بحب الجري (و النبي محدش يجري ربنا الستار) و دا لا خلاف عليه مع ان في حاجه بتطلع زي الخازوق و هي العزل المهم الثبات وهمي
التسارع طبعا ممتاز 110 bhp campro engine من الاخر هيديك اللي عايزو اه مش هتقف في وش ال 130 /140bhp زي ال honda & cerato بس هتأدي يعني.. بس معظم العربيات 2009 كنت بظبطهم المهم الماتور عفي بس بياكل بنزين
اعتمااااديه و ان كان دا برضو بيرجع للصيانات و الاهتمام فانا و بكل فخر حصلت عندي ظروف في الشغل ماعرفتش اروح و استنيت علي الزيت و البوجيهات الزيت اتغير علي 19000مش 10000 بس تمام من الاخر عربيه رجوله هاتستحمل معاك مش اقل عدم اهتمام هاتعيط منك
الصاج ممتاز و محمل ( انا هنجز عشان انا طولت معلش)
الشنطه وسعها كويس و الفولدينج للكنبه بيعمل احلي شغل
قطع الغيار اول ما اشتريتها كانت زي الهيروين مش موجوده دلوقتي انزل دمشق هتلاقي كل حاجه و كل الاسعار
العربيه مش معقده انا ساعات لما كنت ببقي فاضي بعمل طقم السرفيس كامل ماعدا السير ( الكدب وحش هه)
معلش طولت عليكو من الاخر عربيه ممتازه في الفئه السعريه دي و الاعلي كمان عربيه بتاعت بهدله و العربيه اللي تستحملني تستحمل اي حد هه بصراحه يعني اللي مش فارقه معاه العيوب اللي قلتها يتكل علي الله

شكرا على التقريييييييير






و ممكن تقولى استهلاك البنزين اد ايييية ؟


و يعنى ايييية الزيت اتغير على 19000؟

،
،
،

[carrier]

بعت العربيه عامله 247000 كيلو هههه



سعر اعاده بيع .....لا يوجد بجد لا يوجد انا بايع عربيتي 50000 الف جنيه

دى بعد رحلة الشقا دى .... 6 سنين مع الشغل والنفاذ .... وبتقوول حضرتك سعر اعادة البيع كده وحش


دا انت اديت هدية للمشترى على كلامك لا تزيد عن 45000ج




الف مبروك

[Alaa H Ghannam]

دى بعد رحلة الشقا دى .... 6 سنين مع الشغل والنفاذ .... وبتقوول حضرتك سعر اعادة البيع كده وحش


دا انت اديت هدية للمشترى على كلامك لا تزيد عن 45000ج




الف مبروك

ههه و الله يا باشا حالتها ممتازه موتور ممتاز و عفشه جيده جدا و الصالون جديييييد بجد لان انا ايدي فيها علي طول والله بس انا العربيه اخرها معايا خمس سنوات و ببيعها دي قعدت شهرين زياده عشان بيعها تقيل شويه هه مشكور للمرور

[Alaa H Ghannam]

شكرا على التقريييييييير






و ممكن تقولى استهلاك البنزين اد ايييية ؟


و يعنى ايييية الزيت اتغير على 19000؟

،
،
،

اولا الشكر ليك يا فندم لمرورك الكريم
ثانيا انا مش بحسب متوسط الاستهلاك للبنزين بس بقارنها لما بركب سيراتو 2006 او لانسر 2007 و لانسر 2103 فكنت بحس ان الاستهلاك نسبيا اعلي و في الاخر الموضوع متوقف بنسبه كبيره علي نمط القياده
ثالثا موضوع الزيت اني كنت في الشغل و حصل تفجير علي طريق رفح فمقدرتش انزل اجازه و فضلت مكمل مشاوير رفح العريش الحسنه الكنتلا بعربيتي حوالي شهر زياده و طبعا لا كان في وقت اغير زيت ولا حاجه المغزي من ذكر الموقف ان العربيه حماااااااله قسيه و المفاجاه والله الزيت مكانش محروق بس يمكن لان العربيه دايما علي طريق سريع

[Omar Mahmoud]

ما شاء الله
بس الموتور كانت حالته كام في المية بعد المسافة دي كلها؟؟؟؟

[memo_p910]

شكرا على التقرير بس موضوع ان العزل سيء مش موافقك عليه

[carrier]

دي قعدت شهرين زياده عشان بيعها تقيل شويه هه

عكس الجين2

طلقة فى مشيها
و
طلقة فى بيعها

[amirz]

البروتون عربيات محترمة بصراحة

[sfasefoo]

تقرير جميل بس حضرتك اشتريت ايه بعدها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[Alaa H Ghannam]

تقرير جميل بس حضرتك اشتريت ايه بعدها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

والله يا فندم مش شكر في العربيه بس مفيش عربيه في رينج 120000 ودا الرينج اللي كنت محدده ماليه عيني الصني معجبتييييش نهاااااائي و اسف لملاكها بس دا رايي و مافيش عربيه تانيه في الرينج دا غير صيني ربنا يكرم كدا اللي ركبتها و عجبتني الكروز بس دي 150000 الف و ربنا يكرم ميزه البروتون انها بتديك اداء عالي علي سعرها فلو هتنزل منها لازم تعلي في الفئه عشان تكون مبسوط

[Alaa H Ghannam]

عكس الجين2

طلقة فى مشيها
و
طلقة فى بيعها

معاك جدا Gen 2 مطلوبه جدا عنها بس الاتنين تقريبا واحد في موضوع الجري دا فرق الوزن لصالح Gen2 مش كبير

[Alaa H Ghannam]

شكرا على التقرير بس موضوع ان العزل سيء مش موافقك عليه

يا فندم كفايه كلمه شكرا اللي ف اول كلامك عموما ممكن يكون عربيتي كان فيها حاجه غلط او لو سيادتك كنت ركبت موديل بعد 2009 ممكن يكون اتعدل في نوعيه كاوتش العزل مشكور

[Alaa H Ghannam]

ما شاء الله
بس الموتور كانت حالته كام في المية بعد المسافة دي كلها؟؟؟؟

طبعا لازم كفاء الموتور تقل دول ربع مليون كيلو مش هزار بس مثلا اخر مره كنت راجع من الشغل قبل بيعها بحوالي اسبوع كنت جاي ماشي 190/170 تقريبا مسافه 300 كم و مافيش مشكله لكن طبعا, التسارع قل عن الزيرو و ان كان الفرق مش هيكون ملوظ الا لواحد ركبها زيرو اجمالا الموتور كانت كفاءته حوالي 80%. الي 85% و ارجو اني اكون احسنت التقدير