طالب من حضراتكم المساعده

[Altair]

بسم الله الرحمن الرحيم
اللهم صل على محمد وعلى آله وصحبه أجمعين

انا معى 30 الف جنيه وعاوز اجيب عربيه بروتون جين2 لانها عجبانى جدا وكمان بتليق على الشباب

عاوز موديل من 2008 الى 2010 علا قد فلوسى

انا ان شاء الله قادر ادفع قسط 2000 جنيه كل شهر والحمد لله + 30.000 المقدم

فبعد ازنكم مبلغ المقدم كويس والقسط ولا لأ

وانا مش بعرف حاجه بالعربيات + دى اول عربيه هجيبها ان شاء الله + انا كمان مبعرفش اسوق لكن ابن عمى هيعلمنى السواقه عليها

منتظر نصائحكم ...

والسلام خير الختام

[shoshasam]

طالما عايز تعمل زي ما انا عملت يبقي فكر في النصايح دي الاول

1- ماينفعشي تتعلم علي العربيه اللي هاتعيش معاك ..... ده انت مش هاتكسرها لا ده انت هاتخلي وشها زي قفاها
أجر عربيه قديمة زي فيات 128 مثلا واتعلم براحتك ولما تبقي تمام روح اشتري اللي انت عاوزه

* أخويا اشتري ليا عربيه فيات 128 وبعتها بعد شهرين لما بقيت تمام

2- بلاش قسط مع عربيه مستعملة لان ده الفخ اللي وقعت فيه حتي لو مرتبك كبير
لاني بقيت بصلح وأعمل صيانة وأدفع قسط والدنيا اتبهدلت معايا قوي

3- لو ماعندكشي خبرة بالسيارات يبقي بناقصه دلوقتي
خد خبره الاول حتي لو نظرية ..... أقرا مواضيع الصيانة والتعليم اللي هنا في المنتدي

4- بلاش تروح تشتري عربيه من غير ما يكون واحد خبير معاك ويكون صاحبك قوي
وبلاش ميكانيكي لانه هايبيعك في لحظه

أرجو منك التفكير كويس قبل الاقدام علي أي خطوة لان النصايح دي اتقالتي قبل كده برضه
ورفضتها وانا اللي دفعت التمن غالي بعد كده

وربنا يوفقك

[carrier]

اعتقد
فى واحد بيقسط العربيات المستعمله الحديثة على مدة متوسطة وبمقدم معقوول جدا

[Altair]

طالما عايز تعمل زي ما انا عملت يبقي فكر في النصايح دي الاول

1- ماينفعشي تتعلم علي العربيه اللي هاتعيش معاك ..... ده انت مش هاتكسرها لا ده انت هاتخلي وشها زي قفاها
أجر عربيه قديمة زي فيات 128 مثلا واتعلم براحتك ولما تبقي تمام روح اشتري اللي انت عاوزه

* أخويا اشتري ليا عربيه فيات 128 وبعتها بعد شهرين لما بقيت تمام

2- بلاش قسط مع عربيه مستعملة لان ده الفخ اللي وقعت فيه حتي لو مرتبك كبير
لاني بقيت بصلح وأعمل صيانة وأدفع قسط والدنيا اتبهدلت معايا قوي

3- لو ماعندكشي خبرة بالسيارات يبقي بناقصه دلوقتي
خد خبره الاول حتي لو نظرية ..... أقرا مواضيع الصيانة والتعليم اللي هنا في المنتدي

4- بلاش تروح تشتري عربيه من غير ما يكون واحد خبير معاك ويكون صاحبك قوي
وبلاش ميكانيكي لانه هايبيعك في لحظه

أرجو منك التفكير كويس قبل الاقدام علي أي خطوة لان النصايح دي اتقالتي قبل كده برضه
ورفضتها وانا اللي دفعت التمن غالي بعد كده

وربنا يوفقك

شكرا جدا ليك اخى على نصائحك الطيبه
خالى هيجى معايا وده لانه فى السواقه بقاله 15 سنه وكمان فى واحد جارنا برده له باع طويل مع جميع انواع السيارات اكيد هجيبه معايا

لكن المشكله انا مقدرش اجيبها كاش للأسف حاليا + لازم اجيبها قريب عشان الجماعه عندنا برده
لكن ال انا فهمته من كلام حضرتك انى لازم اجيب فيات 128 تأجير واتعلم عليها
عشان مبهدلش الجين

مشكوور اخى وربنا يبارك لك ويكفيك شر الطريق

[Altair]

اعتقد
فى واحد بيقسط العربيات المستعمله الحديثة على مدة متوسطة وبمقدم معقوول جدا

طيب ممكن تقلى على عنوانه او حتى رقم تليفونه لو كان زى ما حضرتك بتقول كده ان شاء الله بعد ما اتعلم السواقه اروح ليه

وشكرا اخى على اهتمامك وربنا يحفظك

[shoshasam]

شكرا جدا ليك اخى على نصائحك الطيبه
خالى هيجى معايا وده لانه فى السواقه بقاله 15 سنه وكمان فى واحد جارنا برده له باع طويل مع جميع انواع السيارات اكيد هجيبه معايا

لكن المشكله انا مقدرش اجيبها كاش للأسف حاليا + لازم اجيبها قريب عشان الجماعه عندنا برده
لكن ال انا فهمته من كلام حضرتك انى لازم اجيب فيات 128 تأجير واتعلم عليها
عشان مبهدلش الجين

مشكوور اخى وربنا يبارك لك ويكفيك شر الطريق

مش ضروري فيات , المهم ماتتعلمشي السواقه علي العربيه اللي هاتشتريها وهاتعيش معاك عشان هاتبهدلها قوي
السواقه حضرتك مش مجرد دواسة بنزين وفرامل لا , السواقه تقدير مسافات
ومش هاتتعلم السواقه صح , الا لما تمشي في زحمة مصر وطريق سريع مصر
وأحذر من أخطاء الغير , ولازم تتعلم أزاي تقدر المشكله قبل وقوعها
صدقني والله بجد هاتستفاد كتير قوي لو اتعملت علي عربيه تانيه قديمة لمده أسبوع كامل علي الاقل

ولو هاتشتري عربيه اوتوماتيك عشان تعيش معاك أبعد نهائي عن أي عربيه اوتوماتيك كربراتير
لازم اوتوماتيك انجكشن وشويه كماليات عشان تستمتع بيها مادام كده كده هاتجيبها قسط

وربنا يوفقك

[Altair]

مش ضروري فيات , المهم ماتتعلمشي السواقه علي العربيه اللي هاتشتريها وهاتعيش معاك عشان هاتبهدلها قوي
السواقه حضرتك مش مجرد دواسة بنزين وفرامل لا , السواقه تقدير مسافات
ومش هاتتعلم السواقه صح , الا لما تمشي في زحمة مصر وطريق سريع مصر
وأحذر من أخطاء الغير , ولازم تتعلم أزاي تقدر المشكله قبل وقوعها
صدقني والله بجد هاتستفاد كتير قوي لو اتعملت علي عربيه تانيه قديمة لمده أسبوع كامل علي الاقل

ولو هاتشتري عربيه اوتوماتيك عشان تعيش معاك أبعد نهائي عن أي عربيه اوتوماتيك كربراتير
لازم اوتوماتيك انجكشن وشويه كماليات عشان تستمتع بيها مادام كده كده هاتجيبها قسط

وربنا يوفقك

شكرا جدا ليك اخى

كلامك حلو واقنعنى جدا وبخصوص الاوتوماتيك فــ جين2 اوتوماتيك انجكشن على ما اعتقد ! صح ولا لأ

[Omar Mahmoud]

مفيش كربيراتير في 2014 غير الماروتي و اللادا العزيزة
كله إنجيكشن
و انا رأيي من رأي shoshasam
انا إتعلمت السواقة إلي عربية 128 طلعان عين اللي خلفوها تجيب الاول و تطلع العربية تبطل علشان الفتيس بايظ و بيجيب التالت
و انت ماشي تسيب بنزين تنتش تدوس دبرياج و تسيب مفيش نتشة(كانت متبهدلة)
المهم إتدربت عليها و كل حاجة،جيت ركبت الاوبل فرق شاسع و انت لما تركب اي عربية جديدة بعد ما تتعلم علي حاجة قديمة هتلاقي نفسك عارف تسوقها بس ممكن تبقي خايف من الناس اللي حواليك و علي العربية زي اي حد....إنما خسارة تشتري عربية زي البروتون و تتعلم عليها

[shoshasam]

شكرا جدا ليك اخى

كلامك حلو واقنعنى جدا وبخصوص الاوتوماتيك فــ جين2 اوتوماتيك انجكشن على ما اعتقد ! صح ولا لأ

فعلا جين 2 أوتوماتيك انجكشن وعربيه محترمة
ومادام هاتجيب مستعمل قسط يبقي يفضل قسط مباشر بينك وبين معرض سيارات
ولازم يكون معرفه ليك أو لحد من قرايبك عشان مايبقاش في لعب من وراك ويخاف يضحك عليك

وتوكل علي الله وأهم شئ الاستخارة وربنا يوفقك

[amrseif]

بسم الله الرحمن الرحيم
اللهم صل على محمد وعلى آله وصحبه أجمعين

انا معى 30 الف جنيه وعاوز اجيب عربيه بروتون جين2 لانها عجبانى جدا وكمان بتليق على الشباب

عاوز موديل من 2008 الى 2010 علا قد فلوسى

انا ان شاء الله قادر ادفع قسط 2000 جنيه كل شهر والحمد لله + 30.000 المقدم

فبعد ازنكم مبلغ المقدم كويس والقسط ولا لأ

وانا مش بعرف حاجه بالعربيات + دى اول عربيه هجيبها ان شاء الله + انا كمان مبعرفش اسوق لكن ابن عمى هيعلمنى السواقه عليها

منتظر نصائحكم ...

والسلام خير الختام

على فكرة انت ممكن تقسط العربية ديه زيرو بنفس المقدم على حسب المعرض والقسط هيزيد حاجة بسيطة عن ال 2000 فاعتقد تجيبها زيرو احسن والرأى طبعا يرجعلك ...