بعض مشكلات جين 2 عاملة 3500 كيلو

[Ibrahim Sidky]

السلام عليكم
معايا الجين 2 عاملة 3500 كيلو وظهرت بعض المشكلات
1- ريموت المفتاح بيعذبني لحد ما يفتح ويقفل لازم اجرب بتاع 10 - 15 مرة لحد ما يشتغل
2- بسمع صوت دبة جامدة في ورا في العربية مع كل حفرة صغيرة
3- بسمع زي صون زنة خفيفة في التابلوه ناحية الدريكسيون
افيدوني افادكم الله علما بأن السيارة في الضمان وافضل مكان اكمل فيه صيانة الضمان ايه

[Ichabod]

افضل مكان للصيانه مركز عصام صفا . ده في النزهه الجديدة و معتمد من التوكيل و احسن منه بكتير . روحله بالمشاكل و هوا يقولك المفيد و ان شاء الله تتحل كلها

[Ibrahim Sidky]

هو عصام صفا تبع التوكيل يعني معتمد ولا لا
انا الصيانة الجاية 5000 كم ينفع اعملها عنده

[Omar Mahmoud]

هو عصام صفا تبع التوكيل يعني معتمد ولا لا
انا الصيانة الجاية 5000 كم ينفع اعملها عنده

ايوة مركز خدمة معتمد
ممكن تعمل الصيانات كلها عنده

[MOODEE_848]

مش عصام وصفا ده الناس كلها بتقول انه بذمتين ومعاملتهم سيئة جداا !!!!!

[Sherif Mandoor]

فى اعضاء فى المنتدى اشتكوا منهم

[Omar Mahmoud]

مش عصام وصفا ده الناس كلها بتقول انه بذمتين ومعاملتهم سيئة جداا !!!!!

ايوة بس صاحب الموضوع بيسأل عنه
كدة او كدة مراكز الصيانة او التوكيل ما هو إلا وسيلة للسرقة

[Ibrahim Sidky]

فعلا انا مؤمن ان التوكيل اكبر حرامي والمراكز حرامية اصغر منه
بس انا بتكلم ان العربية عاملة 3500 كيلو والمساعد اللي ورا فيه دبه جامدة وهم بيستهبلو وبيقولوا اظبط الهواء

[Omar Mahmoud]

فعلا انا مؤمن ان التوكيل اكبر حرامي والمراكز حرامية اصغر منه
بس انا بتكلم ان العربية عاملة 3500 كيلو والمساعد اللي ورا فيه دبه جامدة وهم بيستهبلو وبيقولوا اظبط الهواء

خش فيهم علي طول
ما هو ده الإستهبال بعينه، لازم يحسسك إنك اول مرة تشوف عربية
انا حصل معايا موقف زي ده بس في فرع العجوزة (عز العرب)
العربية بتاعت اخويا
كل ما يركب العربية، اول ما يدور يشم ريحة شياط لحد ما يطفي العربية تاني...رحنا للعباقرة اللي في العجوزة علشان نعمل صيانة و بالمرة نقولهم....اللي بيستلم العربية شبه بهاء اللي في التجربة الدنماركية(العريس) اظن انت فهمتني و هو شبهه في طريقة الكلام و التصرفات
انا رحت مع اخويا و قلنا علي ريحة الشياط قاللنا رد عبقري "لازم و انت ماشي تشغل بكرة التكييف اللي في النص"
في الاخر لقينا واحد من الصنايعية بيقولنا كان في كيس ماسك في الشكمان.....لو رحت ابو رواش متصدقش كلامهم علي طول قاوح معاهم و لو عايز تجرب عربية تانية علشان تقتنع إعمل كدة بس متطلبش بطريقة محترمة زعق فيهم،ده حقك.
معلش طولت عليك.