صوت غريب ظهر عندي لو عدى على احد الاخوه وارجو الافاده

[ahmad alshaaer]

السلام عليكم ورحمة الله وبركاته
امبارح الصبح نزلت الصبح بدري للسفر الى القاهره وكنت مستعجل لاقصى درجه المهم قرصت على العربيه لدرجة اني كنت بحس بنقلة الغيار الاوتوماتيك جامده شويه
المهم وانا راجع تاني بدات اسمع صوت تزييق صادر من الابواب مع دوسة الفرامل ومع طلعة العربيه من جديد عند التوقف
الصوت خفيف ولكن جه منين وليه وازاي وهل انا راكب 128 مثلا لاني شديت شويه بالعربيه اسمع صوت تزييق البيبان وكأن الباب مع دوسة الفرامل بيريح ومع انطلاق السياره بيرفع مثلا
المهم ده ايه حله وهشرحهولهم ازاي في التوكيل
ارجوا الافاده
علما باني ماشي كده بالعربيه 7500 كلم
والصيانه الجايه لسه قدامها وقت
اشكركم ولكن افيدوني

[ZIMOFOX]

السلام عليكم ورحمة الله وبركاته
امبارح الصبح نزلت الصبح بدري للسفر الى القاهره وكنت مستعجل لاقصى درجه المهم قرصت على العربيه لدرجة اني كنت بحس بنقلة الغيار الاوتوماتيك جامده شويه
المهم وانا راجع تاني بدات اسمع صوت تزييق صادر من الابواب مع دوسة الفرامل ومع طلعة العربيه من جديد عند التوقف
الصوت خفيف ولكن جه منين وليه وازاي وهل انا راكب 128 مثلا لاني شديت شويه بالعربيه اسمع صوت تزييق البيبان وكأن الباب مع دوسة الفرامل بيريح ومع انطلاق السياره بيرفع مثلا
المهم ده ايه حله وهشرحهولهم ازاي في التوكيل
ارجوا الافاده
علما باني ماشي كده بالعربيه 7500 كلم
والصيانه الجايه لسه قدامها وقت
اشكركم ولكن افيدوني

اين اهل الخبرة
انت فين يا عم مزجنجى

[mazagnge]

منور يا عم زيمو .... و متشكرين علي دور الواجب

هو العلاقة بين الفتيس و الابواب ---> صعب

لكن السؤال و انت قارص علي العربية ما خدتش مطب من الحلويين بتعنا ، او نزلت في حفرة علي الطريق .

[MohabSaeed]

انا حقولك على طريقه و جربها و ان شاء الله المشكله تتحل و حتدعيلى

الموضوع ده كان عندى فى الواجا اول ماشتريتها , لدرجه انى اتضايق من العربيه جدا
جربت كذا حاجه و ربنا هدانى لفكره ان كاتوش الباب مع الرطوبه الى فى الجو بيلزق شويه بيعمل الصوت ده

جبت ملمع التابلوه Armor all و جيب فوطه و رشيت جلد الاربع ابواب " كويس جدا " و الشطنه بالملمع ده
الفكره ان ارمور اول بيدى ليونه للاجزاء المطاطيه و فعلا ظنى كان فى محله و المشكله اختفت بشكل " سحرى " و طلعت جربت العربيه على الطريق و مابقتش تزيق خالص الحمد لله
بس انا بحاول اعمل الموضوع ده مره كل شهر مثلا .... حتى ده بيحافظ على كاوتش الابواب من التشقق و بيطول عمره

جرب و مش حتخسر حاجه
الارمول اول العبوه ب 20 جنيه و كبيره و كده كده حتستخدمها مع التبلوه " بتدليه لمعه رهيبه "و بيحافظ على التبلوه من الشمس و هات فوطه قطن " ناعمه " صغيره .

و ان شاء الله المشكله حتتحل .

* اهم حاجه انك ماتسيبش سنتى واحد ماتعملوش و ماتسيبش اى جلده فى الباب و البنظه ماتعملهاش .. حتى ممكن تعيد عليها مره تانيه .

[m_marmoush]

بص لو الصوت طالع من الكنبه وره والشنطه, فده عيب معرف و منتشر في الجين تو و علاجه فى 3 دقايق (دقيقه واحده لكل ناحيه بالأضافه للشنطه) و هما بيعالجوه في صيانه الألف بس بيرحع تانى.

نزل ظهر الكنبه - حتلاقى مسمار على شكل حرف U

لف حواليه شكارتون أو شريحة سفنج أبيض من بتاع الكاميرات و الموبايل والتليفزيون و عليه شكارتون

نفس الكلام بالنسبه للشنطه

[mayki4u]

أنا بجد مش صاحب الموضوع
بس حبيت أشكر الاخوه الافاضل اللى بيحسسونا انه منقلقش من اي مشكله تواجهنا مادام فى ناس زى الفل بيتحب عمل الخير وحب المساعده
بشكر
MohabSaeed
عضو برونزي



و
m_marmoush
عضو جديد

[MohabSaeed]

العفو , لا شكر على واجب

[didomotors]

انا الصوت دة لقيتة فى الميجان و الاوكتافيا و الجين بس جربت حاجة اسمها سليكون جريس على الكالونات بتاعة الابواب و الصوت هيختفى تماما وعن تجربة

[formoza]

بص لو الصوت طالع من الكنبه وره والشنطه, فده عيب معرف و منتشر في الجين تو و علاجه فى 3 دقايق (دقيقه واحده لكل ناحيه بالأضافه للشنطه) و هما بيعالجوه في صيانه الألف بس بيرحع تانى.

نزل ظهر الكنبه - حتلاقى مسمار على شكل حرف U

لف حواليه شكارتون أو شريحة سفنج أبيض من بتاع الكاميرات و الموبايل والتليفزيون و عليه شكارتون

نفس الكلام بالنسبه للشنطه

شكرا على المعلومه و انا هجربها

[MohabSaeed]

المشكله اتحلت ولا لسه ؟؟

[ahmad alshaaer]

اسف جدااااااا على تأخيري في الر ولكن كان عندي شوية مشاكل بجد
وثااااااانيا اشكر كم جميعا وخصوصا الاستاذ مهاب سعيد بجد تعبتك معايا
وانا عملت اللي انت قلت عليه بس المشكله ان الصوت ده بمزاجه
مش دايما بسمعه وكمان بسمع طقطقه كده من تحت العربيه جوه الصالون برضوا بمزاجوا
لدرجة اني مش عارف اوصفالهم ازاي في التوكيل وخايف يلعبوا في حاجه غير الحاجه والله
انا محتار فعلا

[ahmedfouad]

ما تقلقش انا كان عندى نفس المشكلة

روحت جايب w d 40 ورشيت على مفصلات الابواب واللوك بتاع الباب والحمد لله الصوت راح وبالذات باب السواق
ولما تيجى ترش
تفضل ترش بتركيز على الاماكن المتحركة لحد ما تلاقى المحلول بينزل شفاف ومفيهوش اتربة

[ahmad alshaaer]

ربمنا يطمنك يااستاذ احمد فؤاد بجد
اشكرك واشكر جميع الاخوه على الروح الحلوه دي والمشاركه الفعاله وربنا يبارك لنا في سياراتنا

[ahmad alshaaer]

لسه والله زي مانا مع اني قلتلهم في التوكيل وظبطوا الابواب ولكن بدون جدوى