جين 2 ------------بيرسونا

[ahmedmohamed7]

السلام عليكم .....
سؤال و عايز اعرف اجابته من زمان ......هو فيه فروق بين الجين و البيرسونا ؟ اداء الجين افضل على الطريق ؟ تسارع ثبات فرامل عفشة ؟

انا مقتنع ان الجين هتكون اثبت شويه من لبيرسونا ....

[eng.m7md.ali]

ال2 واحد في كل حاجة .. مجرد اختلاف في شكل وحجم لكن المضمون واحد ... بصراحة مبعترفش بالبرسونا من زمان حاسس ان شكلها مش راكب علي بعضها لاننا متعودين علي ان الشكل ده بتاع جين2 مينفعش يبقي سيدان

[ahmedmohamed7]

ال2 واحد في كل حاجة .. مجرد اختلاف في شكل وحجم لكن المضمون واحد ... بصراحة مبعترفش بالبرسونا من زمان حاسس ان شكلها مش راكب علي بعضها لاننا متعودين علي ان الشكل ده بتاع جين2 مينفعش يبقي سيدان

جمييل :d
ديه مشكلة جانبية الحمدلله :) :)

فيه حاجة غريبة خدت بالي منها من الويب سايت بتاع بروتون ماليزيا انهم مش حاطين الجين 2 ....بيرسونا بس .....مافبش جين زيرو عندهم ؟ ليه بقى ؟
reference :http://www1.proton-edar.com.my/

[eng.m7md.ali]

يمكن هيوقفوا انتاجها او انتاجها وقف فعلاً خصوصاً ان مفيش معلومات من التوكيل عن 2015 .. اللي موجود كله 2014 بس

[Omar Mahmoud]

لا مفيش اي فرق الاتنين واحد في كل حاجة
انا رأيي إن اابيرسونا كلاسيكية شوية (الكلام عن الإليجانس) بس ده ميقللش منها

[S O P H O S]

طيب برغم التشابه
فرأي تصميم الجين افضل كثبات
يعني العربية من الخلف اقصر وانسيباية اكتر
يعني مع الحركة علي سرعة مفجأة فرصة ان العربية تعرض فالطريق من الخلف
اقل مش عارف ده تصور صح ولا خطأ

[jisso82]

عن تجربة مع العربيتين البرسونا لمدة 5 سنين و الجين لمدة سنة مش حاسس بفرق نهائى فى موضوع الثبات ده لكن حقيقة بفتقد الشنطة و صالون البرسونا بعد ما غيرت و الكراسى كانت أريح و أعلى

[ahmedmohamed7]

طيب برغم التشابه
فرأي تصميم الجين افضل كثبات
يعني العربية من الخلف اقصر وانسيباية اكتر
يعني مع الحركة علي سرعة مفجأة فرصة ان العربية تعرض فالطريق من الخلف
اقل مش عارف ده تصور صح ولا خطأ

انا شايف كده برده ...... نفس التفكير ....بس الى جرب الاتنين بيقول بيقول مافبش فروق :)

عن تجربة مع العربيتين البرسونا لمدة 5 سنين و الجين لمدة سنة مش حاسس بفرق نهائى فى موضوع الثبات ده لكن حقيقة بفتقد الشنطة و صالون البرسونا بعد ما غيرت و الكراسى كانت أريح و أعلى

ربنا يبارك لحضرتك :) طيب ليه كان اصلا تغير البيرسونا ؟ تجديد ؟

[D . a .\ AYMAN]

الإثنين زي بعض من ناحية الثبات والقوة والكلام ده لأن الإثنين واحد أساسا ما عدا الشكل وشوية كماليات تانية عبيطة

زي ضبط ارتفاع الفوانيس في الجين فقط

مثبت السرعة في البيرسونا فقط

ألوان إضاءة العدادات


ولو هانتكلم على الفرق بينهم من ناحية الثبات اعتمادا على الشكل ... يبقى المفروض تبقى البيرسونا أكثر ثباتا على الطريق مش الجين

لأن العشرة سم الزيادة في طول الشنطة الخلفية والميل الخفيف ليها بيخفف ضغط الهواء الى الجزء الخلفي من العربية وبيخلي مناورتها أسهل وانسيابية العربية في الخروج من الهواء أسهل على السرعات العالية

بعكس شنطة الجين المائلة بصورة حادة أكثر وكمان طولها أقصر وده بيؤدي لزيادة ضغط الهواء على الجزء الخلفي وبيخلي خروج العربية من الفجوة الهوائية أصعب

ده طبعا من النظر بالعين المجردة ... لكن الحقيقة إن بيكون في مجاري مخصوصة للهواء من خلال أجناب العربية والشنطة سواء في الجين أو البيرسونا ...

يعني مثلا شنطة البيرسونا مفتوحة من فوقها عند الزجاج الخلفي عشان الهواء يدخل من الفتحة دي ويخرج من أسفل نقطة في الشنطة من الخلف عند إلتقائها مع الإكصدام ... وده مش موجود في الجين لكن أكيد في أسلوب آخر لمعالجة النقطة دي ...

غير التصميم من أسفل العربية

كل ده بيكون بأساليب محددة بالرسم الهندسي بتاع العربية واستحالة العين المجردة كدة تحدده من مجرد النظر

الإثنين قريبين جدا من بعض في النقطة

لكن أنهي الأثبت من التانية ... دي عايزة بقى تجارب من ناس محترفة في نفس الظروف وأجهزة قياس دقيقة عشان تحدد النقطة دي

[carrier]

لا يعلى على ثبات الجين2
خصوصا
عالسرعات مع المنحنيات الحادة شوية او التفادى المفاجئ السريع فى الطوارئ مع السرعات
وايضا
فى المناورات على سرعات عالية ففى الكل ثبات الجين2 جباااار

البيرسونا ثباتها ممتاز بجد
لكن
بسبب شنطتها بتكون اقل ثباتا شوية من الجين2

انا بنصح
لطمأنينة وثبات ونعومة وخصوصا فى المطبات بكاوتش ولا اروع اسمه تويو يابانى لان صعب تلاقى االمميز جدا الدانلوب اليابانى بسهولة
لان
الكاوتش فى عربياتنا دى ييخليك تحب السواقة حتى فى المطبات ييكرهك فى السواقة والعفشة الناشفة شوية لزوم الثبات

[jisso82]

ربنا يبارك لحضرتك :) طيب ليه كان اصلا تغير البيرسونا ؟ تجديد ؟[/quote]

هو تقريبا حضرتك جبت من الآخر كان فعلا تجديد أنا كنت عملت حادثة بالبرسونا ربنا يحفظك و يحفظ باقى الأعضاء و بعتها بدل ما أصلح حتى لأنها كانت مانيوال و كده كده كنت عايز أغير بأوتوماتيك لكن طبعا بعد أربع سنين بعربية و انت بتغير بتبقى محتاج نوع من التجديد فى أى حاجة غير إنى كنت مضطر أشترى مستعمل فالجين كانت أكتر و سعر إعادة البيع نسبيا أعلى من البرسونا فقلت برده لما ربنا يوفقنى و أعوز أشترى جديد بيعها هيبقى أسهل.