هل نوع زيت فتيس الساجا الأوتوماتيك زى الألمانى ولا مجرد اشتغالة

[a7md3id]

كنت عند الميكانيكى فابصلى على زيت الفتيس لقاه ناقص شوية
قاللى أزودهولك - عندى لتر باقى من عربية سكودا
لأنه الزيت بتاعك أبيض من اللى بيتحط للألمانى وفعلا وراهونى وكان لونه فاتح اقرب للشفاف

هل المعلومة دى صح
ولا بيتحط زى عادى !!

برجاء الإفادة

[georgedada82]

ادخل علي الموقع الخاص باي شركة زيوت واختار نوع العربية
هيقولك ايه الزيوت المتوافقة والموصي بيها سواء للموتور او الجيربوكس
واللزوجة الخاص بيهم

[a7md3id]

بصراحة ماعرفتش اتعامل مع موضوع موقع الشركة وهوه يحدد نوع الزيت
لأنى مش عارف اصلا انا هاحط زيت نوعه ايه
او ايه نوع الزيت اللى هايبقى عند بتاع تغيير الزيت
عموما ألف شكر على الافادة

وبانتظار افادة من باقى الأعضاء

[m_elhasafy]

زيت الساجا زيت احمر و اسمه atf iii او اى نوع متطابق معاه يعنى لو موبيل هيبقى موبيل ٣٢٠
بص لو عايز اى معلومة عن زيوت الساجا اسالنى علشان انا هرست الموضوع ده قبل كده

[a7md3id]

اولا انا آسف على التأخير فى الرد لأنى مش متابع الموقع من زمان لأنى كنت خلاص فقدت الأمل ان حد يفيدنى
ثانيا ألف شكر على الافادة
ثالثا هل فى انواع من الزيت الأحمر ولا هايبقى الاختلاف على حسب الشركة والعربية بتاخد كام لتر !!
رابعا وده الأهم :)
العربية عاملة معاك ايه فى البنزين عشان انا بيتى اتخرب :(