الاخوة الافاضل بتوع مصلحتهم

[ahmedsiyam]

السلام عليكم

الاخوة الافاضل الكرام انا لاحظت ان فى اعضاء كتير يدخلوا على المنتدى و قسم زيى بروتون مثلا يقعد يسال فينا و يستجوبنا لانه متخوف من العربية و عنده حق الكلام كتير عليها بس هو عمل الصح و سأل الناس اللى راكباها يقوم يرد عليه اخوة افاضل تانين مالهمش علاقة بالعربية من اساسه و لا ركبوها حتى و يقعدوا يفتوا و احنا مالكى العربية الاساسين نقعد نرد و نحاول ننفى الكلام الفارغ العارى من الصحة لانه بمنتهى البساطة موش عن تجربة ونقعد نفهم الاخ صاحب السؤال الكلام المظبوط و اللى نابع من تجربتانا احنا
وفى الاخر نلاقى الاخ صاحب الاسئلة اللى قعد يسألنا 100 سؤال و سؤال اشترى العربية فعلا و يقول انه استلم فعلا و باركولى بقى و شوية التقييمات اللى فى الاول الخايبة اللى هى اصلا موش حكم صحيح على العربية سواء حلوة او وحشة و بعد كده لا حس و لا خبر عن العضو الفاضل و مصلحته انتهت و قاعد مقضيها بالعربية و شكرا على كده

يا جماعة لا انا و لا الاخوة الافاضل اللى بيردوا معايا فاضيين و لا عندنا الوقت اللى موش عارفين نعمل بيه ايه
انا واحد من الناس بادخل نايل موتورز هو يدوبك قسم بروتون القى عليه نظرة سريعة و اخرج لانى مشغول فى شغلى او فى امور الحياة العادية انما باحاول اوجد وقت و لو صغير من باب الالتزام مع الناس اللى كانت بتساعدنى فى اتخاذ قرار شراء العربية دى و انى ابقى موجود معاهم انقل خبرتى و تجربتى بمنتهى الامانة عن العربية و بدون تحيز

انا اسف اذا كنت طولت عليكم بس كان لازم المقدمة دى علشان يتفهم الغرض عنوان الموضوع

ياريت يكون من الاخوة الافاضل شوية التزام و يبقوا متواجدين و لو بوقت بسيط جدا يشاركونا تجربتهم و نستفيد من خبرتهم برضه بالعربية
لو تتفرجوا على الجروب الخاص بنادى الجين 2 الموجود على الفيس بوك الناس عاملة توبكس عن المشاكل و كيفية معالجتها و متعاونين مع بعض الى حد ما

معلش طولت عليكم انما انا بصراحة مابحبش موضوع المصلحة ده و احب الاحساس بالمسؤلية وباقدره جدا و من هذا المنطلق فتحت الموضوع ده علشان الناس تبقى واخدة فى اعتبارها اننا خصصنا وقت ليهم يا ريت هم كمان يبقوا يخصصوا وقت لباقى الاخوة لنقل تجربتهم علشان الفائدة تعم
اشكركم جميعا

[aapaap855]

بارك الله فيك
كلامك حلو جداً وربنا يكرمك

[elmadawy]

الاستاذ الفاضل أحمد صيام
صباح الفل
اولا كلام حضرتك صح ولكن الاعضاء ال فضلوا يسالو علي العربية وبعد كده أشتروها وبعد كده لا حس ولا خبر هو اخد ال هو عايزة واشتراء العربيه وفين وفين لما يدخل علي الموقع لان ال هو عايز خلاص ولكن في أعضاء متواجدين غير هذة الاقليه وشكراء

[zizo610]

الله ينور عليك يأستاذ أحمد كلام فعلا مسؤل وبتاع ناس إيجابيين أنا من المؤيدين لكلامك أنا إن شاء الله عامل تقرير للعربية حلو عن كل حاجة عندي بس قررت منزلوش غير بعد لما أعمل صيانة ال5000 عشان يكون مقنع حبه وكله بالأرقام

أنا كاتب كل ده عندي في نوت عشان نفس المبدأالي أنت بتتكلم قيه (لأن خيركم أنفعكم للناس )

وأنا بعتذر إن كانت مدخلاتي بسيطة الفترة ديه ولكن المشكلة كانت لظرف سفري وحياتي وهذكرها في التقرير إن شاء الله

جزاك الله خيرا ولازم ياجماعة نكون أخوه نتواصل مع بعض ديه صفات الأمة الناجحة

أخوكم حازم

[mohamed_sabry]

ارجو يا استاذ احمد انك متعتبرنيش منهم , انا مقرر اعمل الموضوع ده عن العربية لما اوصل ل 5000 كم و اكتب عن المشاكل اللى واجهيتنى مع العربية و طبعا المميزات , و انا معاك ان التقييمات اللى فى الاول بتكون خايبة بس فعلا العربية من اول لحظة بتديك احساس بالقوة و المتعة فى القيادة لا توصف , علشان كدة كل واحد بيشترى العربية دى جديد بيكون مبسوط بيها و يغفل عن عيوبها , و بالتوفيق .

[MMamdouh]

السلام عليكم

الاخوة الافاضل الكرام انا لاحظت ان فى اعضاء كتير يدخلوا على المنتدى و قسم زيى بروتون مثلا يقعد يسال فينا و يستجوبنا لانه متخوف من العربية و عنده حق الكلام كتير عليها بس هو عمل الصح و سأل الناس اللى راكباها يقوم يرد عليه اخوة افاضل تانين مالهمش علاقة بالعربية من اساسه و لا ركبوها حتى و يقعدوا يفتوا و احنا مالكى العربية الاساسين نقعد نرد و نحاول ننفى الكلام الفارغ العارى من الصحة لانه بمنتهى البساطة موش عن تجربة ونقعد نفهم الاخ صاحب السؤال الكلام المظبوط و اللى نابع من تجربتانا احنا
وفى الاخر نلاقى الاخ صاحب الاسئلة اللى قعد يسألنا 100 سؤال و سؤال اشترى العربية فعلا و يقول انه استلم فعلا و باركولى بقى و شوية التقييمات اللى فى الاول الخايبة اللى هى اصلا موش حكم صحيح على العربية سواء حلوة او وحشة و بعد كده لا حس و لا خبر عن العضو الفاضل و مصلحته انتهت و قاعد مقضيها بالعربية و شكرا على كده

يا جماعة لا انا و لا الاخوة الافاضل اللى بيردوا معايا فاضيين و لا عندنا الوقت اللى موش عارفين نعمل بيه ايه
انا واحد من الناس بادخل نايل موتورز هو يدوبك قسم بروتون القى عليه نظرة سريعة و اخرج لانى مشغول فى شغلى او فى امور الحياة العادية انما باحاول اوجد وقت و لو صغير من باب الالتزام مع الناس اللى كانت بتساعدنى فى اتخاذ قرار شراء العربية دى و انى ابقى موجود معاهم انقل خبرتى و تجربتى بمنتهى الامانة عن العربية و بدون تحيز

انا اسف اذا كنت طولت عليكم بس كان لازم المقدمة دى علشان يتفهم الغرض عنوان الموضوع

ياريت يكون من الاخوة الافاضل شوية التزام و يبقوا متواجدين و لو بوقت بسيط جدا يشاركونا تجربتهم و نستفيد من خبرتهم برضه بالعربية
لو تتفرجوا على الجروب الخاص بنادى الجين 2 الموجود على الفيس بوك الناس عاملة توبكس عن المشاكل و كيفية معالجتها و متعاونين مع بعض الى حد ما

معلش طولت عليكم انما انا بصراحة مابحبش موضوع المصلحة ده و احب الاحساس بالمسؤلية وباقدره جدا و من هذا المنطلق فتحت الموضوع ده علشان الناس تبقى واخدة فى اعتبارها اننا خصصنا وقت ليهم يا ريت هم كمان يبقوا يخصصوا وقت لباقى الاخوة لنقل تجربتهم علشان الفائدة تعم
اشكركم جميعا

very well said

و كا قاعدة عامة... اى تقييم من واحد لم يمتلك او يقود السيارة فترة طويلة (مش اخد بيها لفة فى السريع يعنى) لا يعتبر تقييم واقعى

MMamdouh

[محمد ابراهيم 1]

كلام جميل وفعلا روح المشاركه أساس للنجاح

[mazagnge]

فعــلاً يا ابوصيام كلام سليم

بالاضافة إلي انة بقلل من عزيمة الناس للي بتكتب ، و بتركز المجهود علي افرد بعينهم .... لان هما اللي بيردوا ، و اذا ما تم الرد ... الناس بتعتبرة تقصير و تجاهل

بارك الله فيك ... و يا ريت يا جماعه الكل يقراء الموضوع و يكون أكثر ايجابية

[hamada_sivo]

طبعا يا استاذ احمد كلام حضرتك صح و فعلا موجود بس انا واحد من الناس اللى لسه مش جبت الجين2 و فعلا بسال الاخوه الاعضاء اللى مجربين العربيه و انا كتير بدخل السايت هنا فى بروتون اتابع الاعضاء و المشاركات و كده و مش بسال بس بحب ابقى موجود هنا و إن شاء الله لما اجيبها حيبقى نفس نسبة وجودى الان و كمان لانى حبقى مبسوط و انا بفيد اى شخص تانى عايز يجيب العربيه لان انا كنت فى يوم من الايام مكانه .... و طبعا موضوع المصالح بس ده بيزعل شويه ...

[Karim_Monir]

حقيقي
بس احنا واجبنا اننا نوعي الناس
وفي ناس معندهاش صبر انها تكتب تقييم هيا عايزة تركب وتمشي
واحنا واخدين على عاتقنا اننا نوعي الناس بدون ما نستنى مصلحة وانما لوجه الله

[ahmedsiyam]

مشكورين يا رجالة على الايجابية و الردود

[hafez35]

مصلحة ايه يا عم الحاج الكلام دة ليس له اساس من الصحة ويا سيدى اذا كان على النصيحة خليها معاك زى كاتم العلم هى مش اختراع الذرة

[aif]

الكلام اللي قلته يا استاذ احمد صيام فعلا صحيح و موجود ...
لكن فيه كدة ... فيه كدة ..... مش كله زي بعضة
عموما اللي بيحاول يفيد الغير .... اكيد بيبقى محتسب ده لوجه الله .... لو الزبون استفاد وخرج ولم يعد وده وش الضيف ..... برضه ح نستمر نفيد غيره وغيره ....وفعل الخير عمره ما بيضيع

لكن هو من غير قصد افاد غيره برضه .... الاسألة اللي سألها هيا اللي سببت الردود ووجود المعلومة .... واكيد عشرات غيره بيقرأوها و بيستفادو منها ...
هي دي الحياة ....

[وائل عطية]

مش فاهم هو المطلوب إيه بالظبط ؟؟
واحد سأل على حاجة وطالب نصيحة..
حضرتك تطوعت مشكوراً إنت أو غيرك بالرد عليه..شكراً..مش لازم الراجل يقعد كل شوية يدخل ويقدم فروض الولاء والطاعة ..قد يكون هو دخل هنا أصلاً بغرض البحث عن المعلومة دي فقط ومش هايقدر يدخل ويتواصل تاني مع الناس ..مش جريمة
"..ثم لا يتبعون ما أنفقوا منا ولا اذى .."

[ahmedsiyam]

الاخ احمد ابراهيم

مشكور يا اخى الفاضل و الموضوع كله لوجه الله فعلا ماحدش فينا كسبان حاجة و الفكرة انى موش بعاتبهم على الخروج بدون الافادة و لكن هو تحفيز للناس انهم يعاملوا الاخرين بالمثل

وبعدين احنا بلديات من العباسية المنطقة و ليس المستشفى و اكيد بنشوف بعض

صباح الفل عليك و على الاخوة كلهم