ليه اجيب عربيه بروتون ؟؟؟

[AMADO2015]

انا كنت عايز اجيب عربيه بروتون 2015 قسط بس اللي شفته انها بقت ب120 الف يعني زي النيسان صني في السعر وعربيات تانيه يعني المنافسه السعريه بقت مش موجوده
ثانيا كل اللي كانوا شاريين العربيه تلاقيهم دايخين علي قطع الغيار مش عارف الفتيس مش عارف تجيبه اه والعجل منين بقت عربيه مجمعه
ثالثا ناس كتير بتشتكي من التوكيل مش عارف ما رايكم ؟؟؟؟؟

[thebilott]

نصيحه من اخ مجرب ابعد خالص عن الماركه دي

[exact]

اسال على سوزوكي سياز... حاجة وهمية كده بنفس التمن

[AMADO2015]

يعني رايكم اكبر دماغي منها

[eng.m7md.ali]

اه كبر دماغك عربية وحشة جداً مدام هتمشي ورا كلام الناس ... هات صني صاج ورق ومفيش ثبات ولا فرامل

في عند حضرتك كذا اختيار كويس جداً زي السوزوكي سياز والفيات بونتو والبيجو 301

بس نصيحة لو معاك المبلغ ده كاش حاول تجيب حاجة استعمال نضيف او كسر زيرو زي الكروز او الفلوانس

[AMADO2015]

يعني انت رايك هي حلوه ليه ؟؟؟؟

[noureldenadel4]

بص يا كبير انا برضه كنت زيك و الكل قالى ابعد عن البرتون من غير ابداء اسباب و ركبت دماغى و جبت برسونا 2009 اتوماتيك مستعمله بقالها معايا شهر و بجد كنت هندم لو كنت جبت حاجه تانيه و على فكرة انا نازل من النترا 2006 اتوماتيك حسيت انى عليت كتير بجد ركوبه محترمه

[تامر.محمد]

من الاول هي و الصني السوبر صالون (القديمة) نفس السعر
و حاليا الاتنين رفعوا لحوالين ال118

[thebilott]

اه كبر دماغك عربية وحشة جداً مدام هتمشي ورا كلام الناس ... هات صني صاج ورق ومفيش ثبات ولا فرامل

في عند حضرتك كذا اختيار كويس جداً زي السوزوكي سياز والفيات بونتو والبيجو 301

بس نصيحة لو معاك المبلغ ده كاش حاول تجيب حاجة استعمال نضيف او كسر زيرو زي الكروز او الفلوانس

باشا انا بيتهيالي انك زعلان اننا بننصحه بلا انا بس عايز اقولك انا جبت برسونا 2013 ماشي بيها لحد دلوقت 39000 مش عايز اقولك اولا غيرت بطاحه امامي وجليه دونجل بتاع المقص الخلفي والبابين اللي ورا بيدخلو تراب في العربيه من جوا والمساعدين اللي ورا بتخبط عايزه تتغير وغيرت قاعده ماتور من اللي تحت وعندي صوت غريب بيظهر من الماتور وطالع عين اهلي علشان الاقي تيل مبيصفرش مش لاقي وعندي طقمين تلاته مرميين في البيت بيصفرو ومثبت السرعه سعات بيعلق عايز ايه تاني مع العلم ان من النوع اللي بيحسس علي العربيه امال بقي لو مش بحسس كان ايه اللي حصل

[AMADO2015]

بس ناس كتير مخوفاني من قطع الغيار

[AMADO2015]

هو ده اللي مخوفني منها الشكاوي الكتير اللي فيها

[eng.m7md.ali]

باشا انا بيتهيالي انك زعلان اننا بننصحه بلا انا بس عايز اقولك انا جبت برسونا 2013 ماشي بيها لحد دلوقت 39000 مش عايز اقولك اولا غيرت بطاحه امامي وجليه دونجل بتاع المقص الخلفي والبابين اللي ورا بيدخلو تراب في العربيه من جوا والمساعدين اللي ورا بتخبط عايزه تتغير وغيرت قاعده ماتور من اللي تحت وعندي صوت غريب بيظهر من الماتور وطالع عين اهلي علشان الاقي تيل مبيصفرش مش لاقي وعندي طقمين تلاته مرميين في البيت بيصفرو ومثبت السرعه سعات بيعلق عايز ايه تاني مع العلم ان من النوع اللي بيحسس علي العربيه امال بقي لو مش بحسس كان ايه اللي حصل

انا متابع مشاكل حضرتك

عربية حضرتك في الضمان يعني تصورلهم قتيل عشان يحلو المشاكل دي

انا من كام يوم كنت هناك المهندسين الجداد دمهم تقيل وطريقة كلامهم مش حلوة واتخانقت معاهم مرتين

دخلت للمهندس مصطفي حكيتله واحد اتنين تلاتة قالي لو في اي مشكلة عندك تعلالي انا وقالي كمان لما تيجي تتصل تحجز قولهم هحجز مع المهندس مصطفي .. الراجل ده محترم فعلا وبيفهم وانا من رأيي عربية حضرتك في الضمان يعني ليك عندهم حق ولازم تاخده

[eng.m7md.ali]

يعني انت رايك هي حلوه ليه ؟؟؟؟

بص ياكبير انا كان معايا واجا من سنة 2009 كنت مخنوق من كتر المشاكل اللي فيها وفكرت كتير ابيعها

بعد ماخلصت الضمان سبحان الله العربية اتظبطت من كل حاجة وكنت مبسوط بيها وبعد ماركبت عربيات كتير فعلا مفيش عربية تستاهل اجيبها بالسعر ده غير بروتون وجبت جين2 زيرو دلوقتي لانك مش هتلاقي التميز والاعتمادية والثبات والموتور المحترم في الفئة دي غير في بروتون

لو قلقان منها يبقي بلاش مشاكلها كلها تافهة مش مشكلة ماستر فرامل ولا فرامل بتهرب ولا صدا ولا الكلام ده ... التقفيل مش شايفه وحش بالمقارنة بعربية زي الشارك والريو .. هما احسن اه بس الفرق عادي ومش فارق معايا حاج انا يهمني الاقي عربية تحت رجلي مش عربية هيا اللي تتحكم فيا

[carrier]

بص يا كبير انا برضه كنت زيك و الكل قالى ابعد عن البرتون من غير ابداء اسباب و ركبت دماغى و جبت برسونا 2009 اتوماتيك مستعمله بقالها معايا شهر و بجد كنت هندم لو كنت جبت حاجه تانيه و على فكرة انا نازل من النترا 2006 اتوماتيك حسيت انى عليت كتير بجد ركوبه محترمه

ربنا يبارك فى عربيتك يا نور ويديك خيرها ويكفيك شرها

انت عربيتك مميزة رغم انها مستعملة برده الخليجى ارقى مفيش كلام

..... عملت ايه فى الكاوتش هتغيره زى ما انا عملت من كام يوم ...

[carrier]

هو ده اللي مخوفني منها الشكاوي الكتير اللي فيها

العربة دى مشاكلها كلها دلع

هيا ملهاش مشاكل اصلا .... انا بتكلم عالجين2