وكيل بروتون "Ezz Elarab " يخطط لطرح ثلاث موديلات جديدة محلياً والسعر

[Mohamed.Ramah]

تخطط شركة بروتون محلياً المتمثلة فى وكيلها الوحيد عز العرب لتوسعة باقة موديلاتها من السيارات الجديدة بدأً من العام الجديد وذلك من خلال طرح عدة موديلات جديدة خلال الفترة القادمة ، المتوقع ان نشاهد احداها او جميعها بمعرض اتوماك القادم والذى تحدد موعدة بدأً من 12/3/2015 كما اشارت المعلومات ان هذة الخطوة تاتى ضمن خطة اوسع للشركة الام بماليزيا هدفها توحيد خطوط الانتاج بما يتناسب مع متطلبات الاسواق مشيرين إلى أن تنفيذ هذه الخطط قد يستغرق عامين أو ثلاثة أعوام. ومن ناحية أخرى، أكد مسؤل بالشركة ان اهتمام الشركة الاول فى الوقت الراهن ينصب على الاجيال الجديدة من للتحديث من الموديلات القديمة بما يتماشى مع متطلبات الاسواق المصرية مشيراًإلى الموديلات التى تم طرحها مؤخراً بالاسواق الماليزية والتى من المتوقع رؤيتها بمصر قريباً بسعر تنافسى ، لتسحب البساط من تحت أقدام المنافسين ،و لم تفصح المعلومات عن اى تفاصيل بهذا الشأن.

أما عن الموديلات الجديدة المتوقع طرحها محلياً هى Saga FLX ، Exora Prime ، Preve
ومن المتوقع ان تبقى الشركة على طراز بيرسونا وتودع الموديلين جين 2 و ساجا .. بالنسبة للأسعار المتوقعة للطرازات الثلاثة /

Saga FLX 1.3
لتبدأ من 83.000 للفئة المانيوال وبسعر 104.000 للفئة الاتوماتيك





Exora Prime 1.6
بسعر 150.000 اتوماتيك





Preve 1.6
134.000 للفئة مانيوال - 145.000 للفئة الاتوماتيك





---

[ahmzd]

أكتر عربية عاجباني في ال 3 ومستنيها من زمان هي البريفي ، بس هي كده الأسعار مش زيادة حبتين وللا بيتهيألي؟!

[ahmed_moeaz]

لو يحلوا بس موضوع البنزين وقطع الغيار يبقى فل الفل

[carrier]

Preve 1.6
134.000 للفئة مانيوال - 145.000 للفئة الاتوماتيك





---
[/COLOR][/SIZE][/CENTER]

البريفى
هى الحصان الجديد مع الجين2

https://www.youtube.com/watch?v=WfgUf3EK4-s

[Ayman_Amer]

تبدو واعدة

[eng.m7md.ali]

البريفي توقعت انها تبقي كدة او اكتر لانها اوتو 7 سرعات ومحرك تيربو مع عوامل الامان كاملة

[eng.m7md.ali]

سعر الساجا اعتقد كدة كتير لان سعرها قرب من البرسونا

سعر الاكسورا شايفوا كتير بس بردو الفئة دي مفيهاش عربية 7 راكب غير افانزا ودي قمة البشاعة

[carrier]

ومحرك تيربو

اه ....
هتصدم مع حقيقة اوكتين وسعر بنزين 95

[Omar Mahmoud]

هي لو هتنزل بالتربو دي تبقي كارثة علشان هي عايزة بنزين 97 و إحنا ال 95 بتاعنا مغشوش للأسف
البريفي لو نزلت فعلا المفروض تقضي علي كتير من المنافسين بتوعها و يا ريت السوبريما s تنزل معاهم
بالنسبة للتوكيل اتمني ينزلهم بعوامل الامان كاملة

[memo2000soft]

الساجا دي اصلا نازلة في ماليزيا من 2013 هما ليسة بييفكرو ينزلوها في 2015 وكمان هيزود تمنها وهي اصلا مافيهاش اي جديد عن القديمة غير شوية تعغييرات صغيرة في الفوانس الوارة والامامية والشبكة
ونفس المشاكل بتاعت الاستهلاك العالي للبنزين مع ان الموتور 1300 وصغر تنك البنزين 40 لتر بس وغلو قطع غيارها

[eng.m7md.ali]

الساجا دي اصلا نازلة في ماليزيا من 2013 هما ليسة بييفكرو ينزلوها في 2015 وكمان هيزود تمنها وهي اصلا مافيهاش اي جديد عن القديمة غير شوية تعغييرات صغيرة في الفوانس الوارة والامامية والشبكة
ونفس المشاكل بتاعت الاستهلاك العالي للبنزين مع ان الموتور 1300 وصغر تنك البنزين 40 لتر بس وغلو قطع غيارها

فيها جديد :

"abs +ebd "
"2 airbag"
فتيس cvt او فتيس 6 سرعات مش فاكر بالظبط

نازل منها 1300 سي سي و 1600 سي سي اعتقد هنا في مصر هتنزل ال 1600

[ibizaman]

شوفت ان البريفي فتيس cvt مش سبع سرعات

[mada0202]

اسعار فاشلة الحقيقى

[RedBull_30]

انا فاكر وقت ما كان معايا الجين 2 كان فيه منها موديل بمحرك اسمه cbs او cps .. المحرك ده كان اقوى من الكامبرو بس كان بياخد بنزين 95 وطبعا مكنش بينزل مصر عشان القوة الشرائية للبنزين 95 طبعا كانت ضعيفة و ضعفها زاد بعد الزيادة الاخيرة و كله كوم و بعد ما الكلام زاد عن عدم جودة البنزين 92 او 95 ..
احساسي بيقول ان البريف هتنزل بمحرك تشغيله بيعتمد على 92 .. يعني مش هتنزل ب 95 .

بس هي عربية محترمة و وقت ما غيرت عربيتي كنت منتظر ان الاقيها واشتريها .

[RedBull_30]

انا فاكر وقت ما كان معايا الجين 2 كان فيه منها موديل بمحرك اسمه cbs او cps .. المحرك ده كان اقوى من الكامبرو بس كان بياخد بنزين 95 وطبعا مكنش بينزل مصر عشان القوة الشرائية للبنزين 95 طبعا كانت ضعيفة و ضعفها زاد بعد الزيادة الاخيرة و كله كوم و بعد ما الكلام زاد عن عدم جودة البنزين 92 او 95 ..
احساسي بيقول ان البريف هتنزل بمحرك تشغيله بيعتمد على 92 .. يعني مش هتنزل ب 95 .

بس هي عربية محترمة و وقت ما غيرت عربيتي كنت منتظر ان الاقيها واشتريها .

اقصد انها هتنزل بمحرك عادي مش تربو