الجين2 كده بقت احلى واسرع ....

[carrier]

الواحد طول عمره بيحب يطقم مرة واحده فى الكاوتش

بس اول مرة احس بحيرة شديدة كده فى التدقيق - خصوصا مع الجين2 - لأن عفشتها ناشفة شوية لزوم الثبات


المهم انا كنت هغير المقاس ل 15-205 ولغيت فكرة مقاس 205 دى خالص
ودرست
مقاس 15-195-65 بدلا من 15-195-60 مع بتوع الكاوتش عمليا عالجين2 لقتها مقبولة والثبات لس حلو لما جربت ( بكاوتش مستعمل )
والعربية
همت كده وشبت شوية عن الاول ....


المهم كان فى محل بتاع كاوتش قافل على طوول من يجى اكتر من سنة لقيته فاتح نص فتحة اتكلمت مع صاحبه قالى مشاكل وبنصفى
قلتله عندك بريدجستون يابانى
قالى عندى بس تاجر هيشيل كل الانواع

لقيت البريدجستون ال 15 موديل B250 يابانى ( للجين2 ) ولقيت تويو 14 موديل Toyo teo plus يابانى ( للاكورد )

المهم خدتهم
لانى بالنسبة له احسن من التاجر لانى كيشتله على طول ....

ركبت البريدجستون فى الجين2
ورصصت

النتيجة بعد 400كم كالاتى

• النوع / بريدجستون Bridgestone B250
  Tradeware 200
  Traction A
  Tempreture A
  
  

  https://www.youtube.com/watch?v=7fIxnBa77b0

  
  
  
• المقاس / 15-195-65
• بلد الصنع / Made In Japan
  
  
• الانطباع الاول / هايل دى كلمة قليلة عليه
  
• الفرق بين القديم والجديد / فرق العما من السما
  
  
• المطبات - خلاص .... اخيرا ... حبيت المطبات والمطبات الصناعية بالذات
  
• عالسرعة - متعة ما بعدها متعة حتى وانت محمل او السرعة 150كم للاختبار لمدة 15 دقيقة فقط طريق الاسماعيلية ( انا اخرى 120كم )
  
  
• الثبات - عن الاول زاد الضعف مرتاح حتى فى المطرة طمأنينة غير عادية
  
  
• النعومة - ناعم زى الغريبة بالضبط ومعاه العفشة ارتاحت
  
  
• عيون القطة وفواصل الكبارى الرخمة - ازعاج الضجيج والرجة قلت جدا جدا
  
  
• تحسن الفرامل - الفرامل اساسا عندى حلوة ( التيل بوش المانى ) مع B250 اليابانى الزحف الرملى والتسريخ انتهوا تماما
  
  
• تحسن التحكم ونعومة الدريكسيون - التحكم بقى احسن فعلا والنعومة زادت شوية
  
  
• الفرامل واستجابتها - الاستجابة بقت ممتازة حتى فى المطرة العربية بتقف فى ثوان والفرامل بقت احسن لحد الصبح
  
  
• ملحوظة / الكاوتش اللى كان عندى جاب اخره بقى ينام وكل شوية ازوده
  
• اناأتعمدت اعمل غرز عالعاصى فى المطر ودا احسن اختبار لقيت B250 احسن من الدانلوب اليابانى فى الاستجابة من اليمين للشمال والعكس وطرى اوى وحنين
  ومخلى العربية استجابتها لدواسة البنزين صارووخ ... يعنى العربية بقت بتنجز فى السرعة
  
  
  والحمد لله
  

[Dr\Mohamed]

أولا ألف مبروك وربنا يكفينا وإياكم شر القيادة في السرعة والمطر

كنت عايز أعرف معلومات أكتر بخصوص التغير في العفشة الناشفة؟ تقريبا كام في المية؟

[carrier]

أولا ألف مبروك وربنا يكفينا وإياكم شر القيادة في السرعة والمطر

كنت عايز أعرف معلومات أكتر بخصوص التغير في العفشة الناشفة؟ تقريبا كام في المية؟

الله يبارك فى حضرتك

يربو على 55%

ودا بسبب من وجهة نظرى لتركيب بريدجستون Bridgestone B250 ( اليابانى منه فقط مش المضروب اللى فى توكيل بريدجستون )

خصوصا فى
Tradeware 200
ودا اللى مخلى

الكاوتش المميز جدا دا Bridgestone B250 حنين اوى كده عالعفشة

لكن Tradeware لو كان 400 او 500 يبقى معملناش حاجة

[samehshokry]

ألف مبروك الكاوتشات الجديده
انا كنت جايب فردتين جداد عشان كان فيها اتنين كويسين لسه شغالين لغايه دلوقتي
الاتنين اللي كنت جايبهم كانو بريدجستون تايلاندي Bridgestone sports my02
تفتكر فيه فرق مابين اللي انت جبتهم و اللي عندي ؟؟

[fepsceasar]

Bridgestone sports my02
ما شاء الله حلوين قوى فى المناورات والفرامل ..انا كنت مركبهم فى ستروين اكسارا
بس ناشفين حاجة بسيطة

[PUTTPUTT]

1000 مبروك بس معلش هما دول ممكن الواحد يجيبهم منين
وكمان انا معايا برسونا الفرق بين 65 وال60 مش كبير وممكن يخلي العجل يحك ولا حاجه
شكرا لتعبك معانا

[Omar Mahmoud]

انا كنت هشتري كاوتش بريدجستون السنة اللي فاتت بس fit&fix طلعوا ضايعين

[carrier]

1000 مبروك بس معلش هما دول ممكن الواحد يجيبهم منين
وكمان انا معايا برسونا الفرق بين 65 وال60 مش كبير وممكن يخلي العجل يحك ولا حاجه
شكرا لتعبك معانا

الله يبارك فى حضرتك

اعتقد 65 هيبقى تمام عندك لو السست عندك سليمة لاهبطت ولا ضعفت

والمساعدين الطويلة الاصلى ( الجديدة ) مش القصيرة ( الاستيراد )

[PUTTPUTT]

الله يبارك فى حضرتك

اعتقد 65 هيبقى تمام عندك لو السست عندك سليمة لاهبطت ولا ضعفت

والمساعدين الطويلة الاصلى ( الجديدة ) مش القصيرة ( الاستيراد )

هي بيرسونا اليجانس 2012
وممكن اجيب الكاوتش ده منين اذا كان الياباني مش المضروب اللي في السوق
وبيبقى مكتوب عليه انه ياباني لاني لاقيت حاجات كتير ياباني بس مش ضامن انها فعلا ياباني

[samehshokry]

bridgestone sports my02
ما شاء الله حلوين قوى فى المناورات والفرامل ..انا كنت مركبهم فى ستروين اكسارا
بس ناشفين حاجة بسيطة

بالظبط ، حكايه ناشفين دي هي اللي مضايقاني
العربيه مش ناقصه نشوفيه اكتر ماهي ناشفه

[samehshokry]

المهم خدتهم
لانى بالنسبة له احسن من التاجر لانى كيشتله على طول ....

اخدتهم بكام ؟
[*]الفرق بين القديم والجديد / فرق العما من السما

هو القديم عندك كان ايه ؟



[/COLOR]

[samehshokry]

الله يبارك فى حضرتك

يربو على 55%

ودا بسبب من وجهة نظرى لتركيب بريدجستون Bridgestone B250 ( اليابانى منه فقط مش المضروب اللى فى توكيل بريدجستون )

خصوصا فى
Tradeware 200
ودا اللى مخلى

الكاوتش المميز جدا دا Bridgestone B250 حنين اوى كده عالعفشة

لكن Tradeware لو كان 400 او 500 يبقى معملناش حاجة

بقولك يا بشمهندس
مش المفروض ال Tread Wear هو نسبه تحمل الكاوتش بالنسبه لعمره الافتراضي ، و كل ماتزيد النسبه الكاوتش قوه تحمله بتزيد بس في المقابل الكاوتش بيكون اكثر خشونه و انشف
وانت بتختار الكاوتش بناءا علي النعومه ، هل ماهمكش موضوع التحمل و القصه دي و لا الموضوع مش فارق كتير بالدرجه دي

[carrier]

بقولك يا بشمهندس
مش المفروض ال Tread Wear هو نسبه تحمل الكاوتش بالنسبه لعمره الافتراضي ، و كل ماتزيد النسبه الكاوتش قوه تحمله بتزيد بس في المقابل الكاوتش بيكون اكثر خشونه و انشف
وانت بتختار الكاوتش بناءا علي النعومه ، هل ماهمكش موضوع التحمل و القصه دي و لا الموضوع مش فارق كتير بالدرجه دي

دورت عنده على Tradeware 180 زى الدانلوب اليابانى اللى فى الفاميلى ملقتش / الدانلوب من 2009 وعمره منام لغاية دلوقتى وحلو
بس ال B250 ارقى منه وممتع اكتر

خلى بالك العفشة الناشفة تحلها على حساب Features تانية مضطر تضحى بيها علشان النعومية تتحسن بقى فى المطبات ولا ابقى عملت ايه ....

انا كنت عايز انبهك
ان البريدجستون الغير يابانى الصنع بتاع التوكيل اعتقد ماركات يابانية الصنع انعم منه كتيير واحن منه فى المطبات

[samehshokry]

دورت عنده على Tradeware 180 زى الدانلوب اليابانى اللى فى الفاميلى ( ياريت تقوولي ايه الفاميلي ده ) ملقتش / الدانلوب من 2009 وعمره منام لغاية دلوقتى وحلو
بس ال B250 ارقى منه وممتع اكتر ( في ايه ، اذا كنت بتقول ان الدانلوب ١٨٠ ؟ فيه ايه تاني بالارقام ممكن نلاقيها مش موجود في باقي الانواع )

خلى بالك العفشة الناشفة تحلها على حساب Features تانية مضطر تضحى بيها علشان النعومية تتحسن بقى فى المطبات ولا ابقى عملت ايه ....

انا كنت عايز انبهك
ان البريدجستون الغير يابانى الصنع بتاع التوكيل اعتقد ماركات يابانية الصنع انعم منه كتيير واحن منه فى المطبات
مش فاهم بصراحه ، تقصد ياباني زي الدانلوب ؟

[Sameyes]

مبروك على الأرض، وربنا يحافظ عليك وعليها...
إمبارح رحت لــ Fit & Fix وقالي إنه مبقاش ينزل تاني B250 وإنه في نقشة تانية زي Cpmfort وكمان قالي إن المقاس 15 195 65 مش حلو للعربية هو بيعليها شوية بس مع أي حمل في الخلف هيخليها تحك في الأرض وإنه بيأثر على الثبات برضو وكمان قالي إنه كل أندونيسي مفيش يباني خالص والفردة سعرها حوالي ٦١٠
معني كده إيه ؟؟؟