الريموت بيعلق

[Dr\Mohamed]

السلام عليكم
لو سمحتم يا جماعة أنا عندي مشكلة في السنتر لوك عن طريق الريموت
لما بقفل العربية بتعمل صوت غريب واللوك مش بيقفل بس اللمبة الحمراء اللي في التابلوه بتنور ولو فتحت الباب الانذار بيشتغل فبيكون الحل اني اقفل الكالون بالمفتاح

والعكس لما أفتح العربية -وكانت قبل كده مقفولة كويس وكله تمام- برده بتعمل نفس الصوت الغريب ده واللمبة الحمراء بتاعة التابلوه بتطفي لكن الأبواب مش بتفتح وبضطر أفتح الكالون بالمفتاح

المشكلة دي مش بتظهر دايما ولما بفتح الباب واقفله مرة أو أكتر اللوك بيشتغل وبيبقي تمام
وطبعا كل المحولات دي عن مسافة قريبة جدا في حدود متر
وبتظهر مع المفتاح الاحتياطي كمان

حد عنده فكرة ايه الحل؟؟ وخصوصا اني أظن ان المشكلة دي منتشرة ....

[م/أحمد عبد الفتاح]

ممكن تكون البطارية بتاعة الريموت قربت تخلص
أو ممكن يكون فيه مسوجر من بتوع الأبواب معلق ولما مسوجر بيعلق بتلاقى العربية بعد ماتقفل تفتح تانى أو تقعد تعمل صوت ذبذبة سريعة - بتاع ظبط الابواب حيظبط المسوجرات لو فيه دراع معووج أو عاو يتغير

[carrier]

غير ابطارية الريموت

وعيد برمجته

[rameahmed]

غير البطاريه الاول عند اي حد بتاع ساعات و جرب و ان شاء الله تتحل

[Dr\Mohamed]

ممكن تكون البطارية بتاعة الريموت قربت تخلص
أو ممكن يكون فيه مسوجر من بتوع الأبواب معلق ولما مسوجر بيعلق بتلاقى العربية بعد ماتقفل تفتح تانى أو تقعد تعمل صوت ذبذبة سريعة - بتاع ظبط الابواب حيظبط المسوجرات لو فيه دراع معووج أو عاو يتغير

شكرا لحضرتك على الرد
أظن ان المسوجر مفيهوش مشكلة لأني كنت فكيت 3 أبواب قبل كده وملفتش انتباهي ان في حاجة معوجة

[Dr\Mohamed]

غير ابطارية الريموت

وعيد برمجته

غير البطاريه الاول عند اي حد بتاع ساعات و جرب و ان شاء الله تتحل

شكرا لحضراتكم على الرد
بس المفتاح التاني نفس المشكلة برده أخدته معايا علشان لما يعلق المفتاح الأول استخدم التاني كنوع من أنواع استبعاد مكان العطل وتحديد المشكلة فين بالظبط وكانت النتيجة لما الاول بيعلق حاولت استخدم التاني برده بيعلق

أظن ان المشكلة في مستقبل الاشارة الموجود في العربية نفسه ياريت لو حد يعرفني مكانه يمكن أنظفه المشكلة تتحل لأني لما اشتريت العربية كانت فعلا مليانة تراب يعني بدون مبالغة كنت بكتب بايدي على التراب الموجود في سقف العربية من الداخل وكمان فتحات التهوية لغاية انهارده مع السرعة العالية بتحدف عليا تراب

كمان لاحظت لو استنيت 3 او 4 ثواني بعد ما اقفل الباب غالبا السنتر بيقفل عادي بدون مشاكل ونادر جدا انه يعلق

[samehshokry]

السلام عليكم
لو سمحتم يا جماعة أنا عندي مشكلة في السنتر لوك عن طريق الريموت
لما بقفل العربية بتعمل صوت غريب واللوك مش بيقفل بس اللمبة الحمراء اللي في التابلوه بتنور ولو فتحت الباب الانذار بيشتغل فبيكون الحل اني اقفل الكالون بالمفتاح

والعكس لما أفتح العربية -وكانت قبل كده مقفولة كويس وكله تمام- برده بتعمل نفس الصوت الغريب ده واللمبة الحمراء بتاعة التابلوه بتطفي لكن الأبواب مش بتفتح وبضطر أفتح الكالون بالمفتاح

المشكلة دي مش بتظهر دايما ولما بفتح الباب واقفله مرة أو أكتر اللوك بيشتغل وبيبقي تمام
وطبعا كل المحولات دي عن مسافة قريبة جدا في حدود متر
وبتظهر مع المفتاح الاحتياطي كمان

حد عنده فكرة ايه الحل؟؟ وخصوصا اني أظن ان المشكلة دي منتشرة ....

المشكلة دي كانت عندي تقريبا زي مابتقول كده بالظبط
تفتح مايرضاش يفتح او يفتح بعد تاني دوسه و حاجات بتهيس كده كتير
افتكرت موضوع البطارية و روحت مغيرها ، طلعت مش منها
روحت لواحد بتاع ابواب لقي عندي 3 قرب بايظين بتوع الابواب .. غيرتهم ، كل حاجه رجعت لطبيعتها

[abdohod]

البروتون وخاصة الواجا مشهورة بعدم كفاءة الريموت وده عن تجربة

[Dr\Mohamed]

المشكلة دي كانت عندي تقريبا زي مابتقول كده بالظبط
تفتح مايرضاش يفتح او يفتح بعد تاني دوسه و حاجات بتهيس كده كتير
افتكرت موضوع البطارية و روحت مغيرها ، طلعت مش منها
روحت لواحد بتاع ابواب لقي عندي 3 قرب بايظين بتوع الابواب .. غيرتهم ، كل حاجه رجعت لطبيعتها

شكرا لحضرتك يا أفندم
بس ممكن سيادتك تعرفني يعني ايه "قرب باب"؟ ومكانهم فين؟
وحضرتك غيرتهم بقالهم قد ايه؟ أصل ممكن يعدي عليا شهر مثلا متحصلشي المشكلة دي

شكرا مرة تانية

[mohamed ragab]

يا باشا المشكله عندك اساسها بطاريات الريموت غير البطاريات بتاعه ال 2 ريموت وكل حاجه هتتحل ان شاء الله ... عن تجربه نفس المشكله

[abdoumahros]

قربه الباب

السلام عليكم
لو سمحتم يا جماعة أنا عندي مشكلة في السنتر لوك عن طريق الريموت
لما بقفل العربية بتعمل صوت غريب واللوك مش بيقفل بس اللمبة الحمراء اللي في التابلوه بتنور ولو فتحت الباب الانذار بيشتغل فبيكون الحل اني اقفل الكالون بالمفتاح

والعكس لما أفتح العربية -وكانت قبل كده مقفولة كويس وكله تمام- برده بتعمل نفس الصوت الغريب ده واللمبة الحمراء بتاعة التابلوه بتطفي لكن الأبواب مش بتفتح وبضطر أفتح الكالون بالمفتاح

المشكلة دي مش بتظهر دايما ولما بفتح الباب واقفله مرة أو أكتر اللوك بيشتغل وبيبقي تمام
وطبعا كل المحولات دي عن مسافة قريبة جدا في حدود متر
وبتظهر مع المفتاح الاحتياطي كمان

حد عنده فكرة ايه الحل؟؟ وخصوصا اني أظن ان المشكلة دي منتشرة ....

قربه السنتر لوك هيا اللي عامله المشكله دي
كل باب فيه قربه هواء للسنتر
فيه واحده عندك بايظه او محتاجه تنظيف بس وغالبا هيا بتاعت باب السائق
ممكن تروح لحد بتاع سنتر لوك وابواب ينظفهم او يغير التالفه منهم وعموما هما سعرهم رخيص وموجودين في شارع دمشق بس خد معاك واحده علشان تجيب زيهم
وده موش عيب شائع في البروتون ولا حاجه ده بيحصل في اي عربيه

[samehshokry]

شكرا لحضرتك يا أفندم
بس ممكن سيادتك تعرفني يعني ايه "قرب باب"؟ ومكانهم فين؟
وحضرتك غيرتهم بقالهم قد ايه؟ أصل ممكن يعدي عليا شهر مثلا متحصلشي المشكلة دي

شكرا مرة تانية

القرب دي زي علبه بلاستيك موجوده جوه الباب ومتثبته في اللوك ، بتتشال وتتغير عادي
روح لواحد بتاع سنتر لوك ، هيفك الباب و يبص ويتأكد ان القربه بايظه وهو ماسكها في ايده وممكن تلاقي عنده او يبعتك تشتريهم
انا لاقيت عند الراجل اللي عملتها عنده ٣ قرب بتوع بيجو و طلعوا بيركبوا عادي عندي في الجين تو و باعلي الواحده ب ٥٠ جنيه ،في حين ان واحد تاني كان عايز يبيعلي الواحده عشان بتاعة جين تو ب ٧٥ والجديده ب ١٢٥
روحله وان شاء الله هيحللك الموضوع
بالتوفيق

[mohamed2015]

السلام عليكم

غير البطارية حصل معايا الموقف دة و عصام و صفا غيرولي البطارية و كلة تمام

[Dr\Mohamed]

يا باشا المشكله عندك اساسها بطاريات الريموت غير البطاريات بتاعه ال 2 ريموت وكل حاجه هتتحل ان شاء الله ... عن تجربه نفس المشكله

غير البطارية حصل معايا الموقف دة و عصام و صفا غيرولي البطارية و كلة تمام

شكرا لحضراتكم
إن شاء الله هغيرهم ويارب المشكلة تنتهي بعدها

[Dr\Mohamed]

قربه السنتر لوك هيا اللي عامله المشكله دي
كل باب فيه قربه هواء للسنتر
فيه واحده عندك بايظه او محتاجه تنظيف بس وغالبا هيا بتاعت باب السائق
ممكن تروح لحد بتاع سنتر لوك وابواب ينظفهم او يغير التالفه منهم وعموما هما سعرهم رخيص وموجودين في شارع دمشق بس خد معاك واحده علشان تجيب زيهم
وده موش عيب شائع في البروتون ولا حاجه ده بيحصل في اي عربيه

القرب دي زي علبه بلاستيك موجوده جوه الباب ومتثبته في اللوك ، بتتشال وتتغير عادي
روح لواحد بتاع سنتر لوك ، هيفك الباب و يبص ويتأكد ان القربه بايظه وهو ماسكها في ايده وممكن تلاقي عنده او يبعتك تشتريهم
انا لاقيت عند الراجل اللي عملتها عنده ٣ قرب بتوع بيجو و طلعوا بيركبوا عادي عندي في الجين تو و باعلي الواحده ب ٥٠ جنيه ،في حين ان واحد تاني كان عايز يبيعلي الواحده عشان بتاعة جين تو ب ٧٥ والجديده ب ١٢٥
روحله وان شاء الله هيحللك الموضوع
بالتوفيق

شكرا لحضراتكم
الكلام مفيد جدا وإن شاء الله هنظفهم وأشوف النتيجة ربنا يسهل