هل البرسونا تستحق؟

[anadrol]

السلام عليكم
يا اهل البروتون , ايه نظام البيرسونا 2014\2015
فيها مشاكل او عيوب؟ ايه نظام العفشة بتاعيتها ؟ و الكماليات؟
انا بفكر فيها (زيرو) بس ماعرافهاش كويس
و ايه نظام التوكيل؟

[marwanragab]

بص ياباشا عن تجربة للعربية دي والله من غير مجاملة بحسها اكتر عربية ثابتة في الفئة بتاعتها والعفشة رائعة كماليات بالنسبة للسعر ممتازة تارة مالتب جتوط abs تكييف قوي
عيوبها طبعا التوكيل بتاعها مش حلو بس انت لو عربيتك مفيهاش مشكلة لاقدر الله مش هتحتاج منهم حاجة الا الصيانة
تاني مشكلة الضيق في المساحة للراكب الخلفي ودي رخمة شوية لان لو عيلة كبيرة او صحاب مسافريين مش هيكونوا مستريحيين في الكنبة الخلفية
تالت عيب انها مع تسقيط النقلات والكبس علي العربية كتيير استهلاك البنزين بيكون عالي حاجة بسيطة

بص من الاخر هيا احسن عربية لو اخرك هتدفع ال 116 الف بتوعها لو في مقدورك تزود وتجيب شارك خليجي هتدفع زيادة 15000 بس هتركب عربية مختلفة واي حد بيفهم فيها وججنوط اصلي واسبويلر اصلي و موتور مايفك وسعرها نزل اليومين دول حوالي 6 ل 8 الاف جنيه زي ما الناس كاتبة في جروب الشارك مش في مقدورك فرق السعر دة خليك في البيرسونا مش وحشة وممنازة والله اعلم وربنا يوفقك لاختيار الخيير

[anadrol]

بس انا سمعت ان فيه مشاكل فى الفرامل و ان العفشة بتدب جامد
انا مش عاوز سيارة للجرى و الكلام ده .. عاوز سيارة عائلية

[PUTTPUTT]

بس انا سمعت ان فيه مشاكل فى الفرامل و ان العفشة بتدب جامد
انا مش عاوز سيارة للجرى و الكلام ده .. عاوز سيارة عائلية

البيرسونا عائليه عن الجين 2 والشارك
البيرسونا الاليجانس على فكره كويسه وشنطتها واسعه ومن ورا واسعه
انا كان معايا 5 في العربيه غيري وكانت تمام
وكان معايا واحد 196 سم وكان قاعد ورا مستريح
الشارك على فكره شنطتها صغيره اوي والشبكه بتاخد اي ترييحات قدام

[hugan]

ممكن تكون عربيه ممتازه ورائعه
الله اعلم
لكن مبيعاتها في الشارع وتواجدها زيرو
نيسان الشكل القديم اكيد هاتكون افضل

[Omar Mahmoud]

إنتشارها مش قليل اوي كدة
مننساش إن الإكسسوارات بتاعت الجين/البيرسونا بيركبوا علي بعض اغلبهم و القطع الميكانيكية واحد
اللي بيشتغلوا فيها بقوا كتير
انا معايا فيكترا بي و لو بيعتها هركب بروتون جين/بيرسونا
الشارك فيها مشكلة شنطة ضيقة-خامات و تقفيل مش قد كدة في الموديلات الجديدة بس كويس بردو-الفئة الاولي بدون اسبويلر-جنوط-عوامل امان هي إيرباج واحدة بس

[scientist9508]

بسم الله الرحمن الرحيم

اﻷخ الفاضل anadrol

أستأذنك فى أن أضيف هذه اﻷسئله لملاك البريسوناو الجين 2 ﻷننى أيضآ أفكر فى شرائها.

1 - هل صوت المحرك عالى؟ ﻷننى ﻻحظت ذلك عندما ركبتها فهل ذلك مشكلة فى السيارة التى ركبتها أم كل سيارات البيرسونا كذلك؟

2 - هل صوت العفشه فى المطبات عالى و السياره خشنه و ناشفه فى المطبات؟

3 - هل نتيجة التقفيل الغير متقن أن تتزايد اﻷصوات (الزقزقه و الكركبه و ما شابه ذلك) بعد فترة من اﻹستخدام داخل مقصورة السياره ؟

4 - هل فعلآ تحدث أعطال متكرره بكاسيت السياره و أن صوته ليس جيد و منخفض ؟

5 - أيهما أفضل فى التسارع و القياده المانيوال منها أم اﻷوتوماتيك ؟

6 - هل صاج هذه السياره خفيف أم ثقيل ؟

7 - خزان الوقود للبيرسونا كام لتر ؟

8 - ما هو متوسط إستهلاك السياره للبنزين على الصحراوى ؟

آسف على اﻹطاله و لكن اﻹجابات التى سأحصل عليها هى التى ستحدد إن كنت سأشتريها أم أفكر فى غيرها.

جزاكم الله جميعآ خيرآ وفيرآ

السلام عليكم ورحمة الله و بركاته

[PUTTPUTT]

بسم الله الرحمن الرحيم

اﻷخ الفاضل anadrol

أستأذنك فى أن أضيف هذه اﻷسئله لملاك البريسوناو الجين 2 ﻷننى أيضآ أفكر فى شرائها.

1 - هل صوت المحرك عالى؟ ﻷننى ﻻحظت ذلك عندما ركبتها فهل ذلك مشكلة فى السيارة التى ركبتها أم كل سيارات البيرسونا كذلك؟ الصوت عالي بعد 3.5 RBM

2 - هل صوت العفشه فى المطبات عالى و السياره خشنه و ناشفه فى المطبات؟ صوت العفشه مش عالي بس عفشتها ناشفه عن الياباني

3 - هل نتيجة التقفيل الغير متقن أن تتزايد اﻷصوات (الزقزقه و الكركبه و ما شابه ذلك) بعد فترة من اﻹستخدام داخل مقصورة السياره ؟ التقفيل اتحسن كتير ووالاصوات معروف اسبابها وعلاجها

4 - هل فعلآ تحدث أعطال متكرره بكاسيت السياره و أن صوته ليس جيد و منخفض ؟ الكاسيت صوته قوي جدا ونقي والسماعات صوتها صافي

5 - أيهما أفضل فى التسارع و القياده المانيوال منها أم اﻷوتوماتيك ؟ الاوتوماتيك اريح واسهل والمانيوال طبعا تسارعه اعلى في كل العربيات

6 - هل صاج هذه السياره خفيف أم ثقيل ؟ تقيل

7 - خزان الوقود للبيرسونا كام لتر ؟ 45 لتر

8 - ما هو متوسط إستهلاك السياره للبنزين على الصحراوى ؟ على الدائري مع شويه تكييف وشويه لا عمل 5.2 لتر على كمبيوتر العربيه
في الداخلي والعادي بيعمل 6.7 لتر
والطريق واقف خالص زي وسط البلد والهرم 8.2 لتر

آسف على اﻹطاله و لكن اﻹجابات التى سأحصل عليها هى التى ستحدد إن كنت سأشتريها أم أفكر فى غيرها.

جزاكم الله جميعآ خيرآ وفيرآ

السلام عليكم ورحمة الله و بركاته

[abdohod]

متابع