استلام بروتون بيرسونا

[mfarouk85]

السلام عليكم،
ده اول موضوع ليا و محتاج استشارة من اهل الخبرة
انا حجزت بروتون بيرسونا ٢٠١٤
بقرض سيارة ودفعت المقدم و لسه العربية واصلة النهارده و المفروض اروح ارخص يوم السبت
روحت اشوف الربية قبل يوم الترخيص، لاقيت الاتي
١- صدا علي الطنابير و الجنوط
٢- صدا في مسامير كتير في الموتور
٣- السوستة اللي بتقفل الكبوت مصدية و مردتش بعد فتح الكبوت لوحدها من الصدي
٤- لفينا الطارة علي الاخر، و بصينا علي الكوبلن لقينا عليه صدي هو كمان
٥-الكاوتش انتاج اسبوع ١٦ سنة ٢٠١٣ و المفروض العربية موديل ٢٠١٤

طبعا انا قفلت من العربية بس اللي في المعرض بيقنعوني ان الصدي ذه ميسببش مشكلة و طبيعي لنقل العربية في البحر و ركنتها في الجمرك وانه يتغير في التوكيل في الضمان لو سبب مشكلة
يا ريت تفتوني هل الكلام ده منطقي ولا تلبيس؟

[aymanshebl]

لا غير منطقى بالمرة العربية فيها صدا بالمنظر ده يبقى مش مقبول واضح ان بقالها يجى سنة مركونة و متخزنة

[marsguy]

2015 model is coming in 2 weeks

price is 120000

[ahmedhadhoud98]

احنا اتعرضنا لنفس الموقف مع معرض مشهور وكانوا بيحاولوا يقنعونا انه من الميناء والنقل وكدة!
بعد كدة عرفنا ان العربية اصلاحات وعليها خصم كبير ومرشوشة كلها والمعرض هو الكسبان وبعد الاستلام مالوش علاقة بيك طبعا احنا سحبنا العربون ومشينا
انصحك بعدم الاستلام الا لو جابولك عربية جديدة

[D . a .\ AYMAN]

ما تستلمش حاجة زي كدة أبدا ... الله أعلم إيه تاني جوة مصدي وممكن يكون حاجة خطيرة تؤثر على أساسيات السيارة

[Omar Mahmoud]

ده مش عيب عربية عموما
بس متشتريش منهم علشان العربية دي فيها حاجة غلط

[eng.m7md.ali]

علي فكرة ده مش صدي ... دي رطوبة فعلا من التخزين كانت عندي في مسامير الجنوط وعلي الطنابير ناحية الصرة وكله اختفي بالتدريج مع الغسيل المستمر بالمسدس

والكبالن بردو رطوبة مش صدي

[abdohod]

متابع

[marwanragab]

طيب حتي لو مش مشكلة في اساسيات السيارة ليه تاخد حاجة جديدة مصدية المفروض بتشتري جديد يبقي انت براحتك و بمزاجك مش مجبر علي حاجة فا نصيحتي متاخدهاش

[mfarouk85]

جزاكم الله خيرا علي نصائحكم، انا كلمت المعرض و قلتلهم مش هستلم العربية دي تغيروها او ترجعوا المقدم
دي اول عربية اشتريها و الواحد لسه مش فاهم اوي ايه ممكن يتقبل وايه ما ينفعش

[aymanshebl]

تمام كده ديه فلوس انت تعبت فيها فتاخد بتمنها الحاجة على اصولها مش شغل طلسقة

[mfarouk85]

احنا اتعرضنا لنفس الموقف مع معرض مشهور وكانوا بيحاولوا يقنعونا انه من الميناء والنقل وكدة!
بعد كدة عرفنا ان العربية اصلاحات وعليها خصم كبير ومرشوشة كلها والمعرض هو الكسبان وبعد الاستلام مالوش علاقة بيك طبعا احنا سحبنا العربون ومشينا
انصحك بعدم الاستلام الا لو جابولك عربية جديدة

ممكن اعرف انت عرفت ازاي انها اصلاحات؟

[ahmedhadhoud98]

ممكن اعرف انت عرفت ازاي انها اصلاحات؟

حضرتك احنا شفنا العربية الصبح وكان فيها اجزاء بارومة مش باينة في عتبة باب السائق بس كانت طاقة من تحت البوية و المكتوب في العربية انها مشيت 11 كم مع ان العجل والرفارف واسفل العربية ميدلش على كدة خالص ولما سالنا احد مندوبي المبيعات في المعرض قال انها جاية من مدينة نصر للمعادي سواقة مش كساحة و احد الرفارف كان عليه زيت وتراب كتير و كان في اسلاك في العربية باينة بشكل مستفز جدا لما رحنا بليل كان جه المندوب اللي بايعلنا فضل يقنعنا ان العربية سليمة ومافيهاش حاجة مع ان زميله قال بارومة الصبح فا اخدنا العربون وصورنا العربية بكل الحاجات دي ومشينا وبسؤال احد الاصدقاء قال ممكن بتكون اصلاحات والمعرض بيبيعها على انها سليمة عشان يكسب اكتر
والله اعلم ان بعض الظن اثم
وعفوا على الاطالة

[memo_p910]

من مدينة نصر للمعادي 11 كم بس ازاي؟؟؟

[neejm]

حبيبي بعد السلام احب انبهك لتجربتي الشخصيه
اولا انا اشتريت برسونا 2013 زيروا وانا بستلمها لاقيت نفس اللي انتا ذكرته دا بالظبط وكان معايا حد بيفهم جدا فى العربيات وقعد يضحك عليا لما قلتله انها مصديه وهعملهم مشكله وانا مسالتش فيه وروحت فعلا قفشت عليهم وقلتلهم ازاى الكبالم مصديه والطنابير ديه عربيه زيرو ....
طبعا قالولي انها مش صداء ولا حاجه ديه مجرد رطوبه من النقل مش اكتر والطنابير مع الاستخدام والوقت هتروح منها وكل دا عادي جدا ولا يؤثر على العربيه ولو بنسبه واحد فى الميه
بعد نقاش طويل وصلت اني استلم العربيه ولو ظهر فيها اي شي بسبب الصدأ دا اروح ارميهالهم
المفاجأه بقى انها معايا من ساعتها ولا فى اي مشكله والطنابير فعلا مع الاستخدام و الغسيل راح من عليها الطبقة ديه ورجعت عاديه والكبالم زي ماهيا لكن مفيش اي مشكله منها
اللى فهمتهم بعد كده ان دا حديد وعادي جدا ان الحديد تيجي عليه الطبقة ديه من الرطوبه والتخزين خصوصا ان العربيه ديه بتتنقل عن طريق البحر لانها بتيجي من ماليزيا ولعلمك حتي لو الحديد دا عليه طبقة جلفنايز ممكن تيجي عليه طبقا الصدأ ديه و تتشال بصنفره عادي لو مش عاجبك شكلها لكن غير كده احب اطمنك و عن تجربه لا تؤثر على اي شي فى اداء العربيه او فى العربيه ككل اصلا ... عربيتك زي الفل اطمن و كلامي دا عن تجربه